بصرااحة : هل تأخرك بالزواج اثر في شخصيتك وعلاقتك بالاخرين

[فـرفـر]

انا عمري 24 سنه

وللحين ماتزوجت :×


بس لله الحمد راضيه انه ربي اذا لي خير بالزواج بقدمه لي


بس انغث لما اقعد مع خالاتى يقولون ليش ماتروحين العروس عشان الناس تشوفج ؟؟؟


يبوني اى عرس اروح اردح فيه واعرض نفسي الحمد الله والشكر

انا دايم اقولهم للي يبيني بجيني علي سمعه امى وابوي والا عشان اعجبوا فيني بعروس مابيهم


ولله الحمد الله معطيني جمال وفيني جذابيه وبشهااده الجميع ومع هذا للي ماجا نصيبي
وهالشي بالعكس مو نهايه العالم

وان شاء الله ربي يرزقني بالرجال الصالح

 

[q8yaa_amOra]

انا تغيرت نظرتي لنفسي أحس إني جيكره وأحس إنسانه غير مرغوب فيها:0bee2e8d89:
وأحس علة قاعده على أهلي<< خاصة جم مرة أبوي يقولي:0bee2e8d89:

 

[Lemon Juice]

الموضوع من فتره بالقسم .. عاد نسيت إذا كتبت رأيي والا لا

الزواج يختلف من بيئه لي بيئه

في عوايل ضروري تبي تزوج بناتها مبجر من توصل 20 خلاص بدوا يدللون عليهم ويرززونهم

أما النوع الثاني ما عندهم مشكله حتى لو البنت توصل 30 عادي شي جداً طبيعي

عن نفسي أشوف الزواج ضروري مو ناحية إشباع الغرائز والأمومه

لكن بهالوقت أصبح مو من أوليات البنات .. طبعاً مو الكل

الحياة ماهي متعطله .. احنا كعباد ما بيدنا شي

الزواج نصيب من رب العالمين

في ناس الله يهداها تفكيرها سطحي .. نظرتهم للبنت الغير متزوجه نظره سوداويه وبدائيّه

 

[!-ms.funny-!]

انا اعرف وحده ماتزوجت بصراحه شخصيتهاا وتصرفاتها وكلامها وكل شي فيها تغير احس صارت انسانه ثانيه

الله يهديها بس حسااسه حييييل وماتتحمل اي كلمه وصحتهاا تأثرت وماحاولت تعدل نفسهاا الكل ينصحهاا وماتتقبل النصيحه

مادري لي متى بتظل على هالحال

بصراحه انا ابي لها الخير والله يرزقهاا بالزوج الصاالح وتشووف عيالها بصحه وعافيه


العنوسه تغير فالبعض والضعيف فهالدنياااا ماراح يقدر يعيش


يسلمووو عالموضوع عالجرح

 

[قطوة@@]

الزواج قسمه و نصيب
و اللي الله كاتبه لج بصير

و نعرف و حدة تزوجت عمرها 42 و ماشاء الله

 

[nani88]

عادي انا للحين ماتزوجت بس الله عوضني باشياء وايد احسن تخرجت واشتغلت ومسؤولية قسم وموظفيني اغلبهم اكبر مني ههههههه
والحين سجلت ماجستنير وبكمل دراستي .. وبالعكس هالشى ما اثر فيني لاني احس ان ربي بكافئني على طول انتظاري بزوج فيه كل المواصفات اللي ابيها ولو ماتزوجت فهذا ايضا قضاء وقدر وراضيه فيه.. بس تدرون احلى شى ان عندي اهل الله ايخليهم ما يحسسوني اني كبرت وعنست على قولتكم.. بالعكس ابوي وامي ايشوفني بالدنيا كلها ..

 

[دريم ويب]

والله يابنات انا اشوف ان الوحده هي اللي تطيح حظها بنفسها مثل الاخت صاحبة الموضوع اذا انتي تقولين عن نفسج عانس اجل ليش تلومين الناس اذا نظروا لج بنظره انج اقل من غيرج ؟؟؟

يابنات ترى هالكلام لما يشوفونه الرجاجيل يخليهم ينظرون للبنات انهم ميتين عليهم وان الوحده بس تبي تتزوج وخلاص يعني لو تاخذ واحد يشويها ليل ونهار عادي عندها المهم تكون متزوجه وبس شلون عايشه مو مهم

من جذيه صاروا مايتحملون المسوؤليه وصارو يتعاملون مع المره لإشباع رغباتهم وشهواتهم وبس مو لأنها زوجته وام عياله لها حقوق عليه

والزاوج مو كل شي ياما متزوجين وعايشين حياة ذل ومهونه الله بلاهم بأزواج سكيره والا راعين سفرات وقعدات والا مخدرات وغيره

او ابتلاهم بخالات وحمايل ما ينبعلون قلبو حياتهم لجحيم

والا ماكتب لهم ربج السعاده مع ازواجهم حتى لو كانو ازواج صالحين وقايمين فيهم

يعني مادري البنات اللي يتشفقون على الزواج بشكل مو طبيعي شنو اللي يبونه بالضبط بس اني اتزوج ويصير اسمي متزوجه قدام الناس والا الاهم حياتي وسعادتي

والله انا عن نفسي عمري مافكرت بموضوع الزواج مع ان عمري 26 وداخله 27 يعني بنظر المتخلفين والسطحيين كبييييييره وراحت علي ودخلت سن العنوسه بعد :dddds:

الحمدلله ربي عطاني صحه وعافيه واهل الله يخليهم لي وعايشه في بيت اهلي معززه مكرمه وما قاصرني شي شهادتي عندي ولاني بحاجة احد والنصيب محد يعلم فيه متى ماربي اراد لي الزواج صار واذا ربي ماكتب لي مو نهاية الدنيا

لأن بصراحه رجاجيل هالأيام ماعليهم شفاقة​

يســــــــــــــــــــــــــــلم بؤك
نفس اللي بقووووووله

لاااهنتي يااعسل

 

[كويتيه أموره]

السلام عليكم يا أ؛لى بنوتات!

موضوع حلو للمناقشة لأن في وآيد بنات يوصلون مرحلة الاكتئبابإذا تأخر زواجهم وحسوا إنهم عوانس

أولا ،، الزواج سنة الحياة لا تقولون الدنيا ما توقف على الزواج!! بلى إ؛نا بنات وأهلنا الله يحفظهم مو دايمين لنا ،، شوفوا العوانس بهدلتهم الدنيا!
الإنسان له إحتياجات و نفسية وجسمية (غرائز) ولازم يشبعها بالحلال ،، مثل الحاجه إلى الجنس (سوري لا حياء بالدين) ،، الحاجة إلى الحب ،، الحاجة إلى القبول من الطرف الآخر (وهذا اللي يخلي كلام الريال يأثر فينا أضعاف كلام البنات) والحاجه إلى الأمومة ،، الحاجة إلى الإحساس بالأنوثة وغيرها من الحاجت الثانوية الأخرى وطبعا الحاجات اللي كتبتهم حاجات ضرورية وأنا قاريه مقال طبي بالجريدة عن خطورة عدم الزواج بالنسبة للمرأه له أبعاد نفسية واجتماعية وطبيه

يعني الزواج يحسسنا بالاستقرار النفسي والجسمي والعاطفي والهرموني وحتى العقلي لأنا الاسقرار ينمي القدرات القلية ويجعلها أكثر إبداع


أنا أنصح الوحده بالتقرب إلى الله وكثرة الاستغفار ،، لأن الرسول صلى الله عليه وسلم قال : من لزم الاستغفار جعل اللع له من كل ضيق مخرجا ومن كل هما فرجا ويرزقه من حيث لا يحتسب

أنصحها تحافظ على سمعتتها وتترك صديقات السوء وتحافظ على سلوكها وألفاظها جدام الناس عشان تطلع بصورة البنت المؤدية المحترمة

ركزي على دراستج أو شغلج لأن كل شي بوقته حلو لا تستعجلين رزقج


أسأل الله بإسمه الأعظم وصفاته العلى وأسمائه الحسنى أن يرزقنا الزوج الصالح المحب والذرية الطيبة إنه ولي ذلك والقادر عليه وصلى الله على سيدنا وحبيبنا محمد وعلى آله وصحبه وسلم

 

[.. Om Mr.7sN ..]

اول شي اشكر صاحبه الموضوع لانها وضحتلي اشياء ما كنت اعرفها !!

انا متزوجه والحمدالله بس في كلام البنات كاتبينه ما كنت اعرفه يمكن لاني تزوجت صغيره وما حسيت بشعوركم ..

منه : ليمن اشوف وحده من زمان مو شايقتها اسالها ها شخبارج ومن هالحجي فلازم تطلع كلمة ها تزوجتي ؟؟ وخاصه ليمن اشوف صديقاتي اللي بالثانويه وبصراحه كلش ما كان في بالي ان شي يزعل !!

والشغله الثانيه ليمن ساعات نكون قاعدين احنا البنات مع بعض مو نطالع اللي مو متزوجه بنظرة مو حلوه او شي جذي او نخاف انها تحسدنا او نحسها اقل منه بالعكس انا اعرف وااايد بنات مو متزوجين كلش مو ناقصهم شي واحسن مني بوااايد بس هذا نصيب وعالعموم البنيه ليمن تتزوج اهيه شوي تتغير مو يعني شايفه روحها مثل ما قاعدين تقولون بس معروف الزواج يغير من البنيه ..

والشغله الثالثه مثلا ساعات تصير يمعه او عزيمه و اييون وايد ناس ما اقوم انا اوزع اخلي الي مو متزوجين من اهلنا يقومون مويعني بعرضهم جدام الناس او بحسسهم انهم ناقصهم شي وحتى ليمن نقولهم تعالو العرس الفلاني بالعكس تكون النيه وااايد صادقه ما ادري ليش وحده من البنات فسرت هالشي بطريقه مو حلوه ..

ترى والله اكثر اللي قاعدين يتصرفون معاكم بهالطريقه ما يقصدون شي ..

ووايد عجبتني ردود البنات اللي واثقين من روحهم ومو ماثر عليهم هالموضوع .. ادري كل وحده تبي بيت وعايله بس هم لازم كل بنيه ترضى باللي كاتبلها ياه ربها ..

سوري وااايد قرقت بس صج انصدمت من هالشغلات لاني كنت احسها عاديه بس من يوم ورايح راح اخذ الحذر فيها ..

والله يرزقكم بالزوج والذريه الصالحه يارب :friends:

 

[الشيخه شيخه]

انا عمري 21 سنه ومااعتبر نفسي عانس
ومع ان في بنات اعرفهم اصغر مني تزوجوا
واسال نفسي ليش ماتزوجت؟
بس اكتشفت انه كل شي قسمه نصيب
واذا ربي كاتب لي شي اخذه غصب
عن الكل
وكل تاخيره فيها خيره
واسال الله انه ربي يوفقنا اجمعين
يا خواتي

 

[بنت الشوامخ]

انا عمري 20 بس تصدقين الوحده ما راح تتأثر وتفكر الا متى ... لما تشوف اللي حواليها ربعها واهلها اللي بسنها تزوجوا

والله انا ماهامني كلش اول ولا حتى افكر بالزاوج واحب حياتي العزوبيه .. لكن سبحان الله لما شفت الكل راح عني الكل تزوج بكبر سني واللي انخطب هني قمت احس بوحده شوي وحزن

وبالأخير كل وحده متى مالله كاتب لها راح تتزوج ليش نفكر

 

[حدي ستايل *]

ما عندها سالفة الي تأثر فيها هالسوالف

 

[&أضوى&]

يارب يرزقني و يرزق بنات المسلمين بالزوج الصالح عاجل غير اجل يارب العالمين
امس ملجة وحده تعرفها عمرها 43 سبحان الله موزع الارزاق

 

[north star]

السلام عليكم يا أ؛لى بنوتات!

موضوع حلو للمناقشة لأن في وآيد بنات يوصلون مرحلة الاكتئبابإذا تأخر زواجهم وحسوا إنهم عوانس

أولا ،، الزواج سنة الحياة لا تقولون الدنيا ما توقف على الزواج!! بلى إ؛نا بنات وأهلنا الله يحفظهم مو دايمين لنا ،، شوفوا العوانس بهدلتهم الدنيا!
الإنسان له إحتياجات و نفسية وجسمية (غرائز) ولازم يشبعها بالحلال ،، مثل الحاجه إلى الجنس (سوري لا حياء بالدين) ،، الحاجة إلى الحب ،، الحاجة إلى القبول من الطرف الآخر (وهذا اللي يخلي كلام الريال يأثر فينا أضعاف كلام البنات) والحاجه إلى الأمومة ،، الحاجة إلى الإحساس بالأنوثة وغيرها من الحاجت الثانوية الأخرى وطبعا الحاجات اللي كتبتهم حاجات ضرورية وأنا قاريه مقال طبي بالجريدة عن خطورة عدم الزواج بالنسبة للمرأه له أبعاد نفسية واجتماعية وطبيه

يعني الزواج يحسسنا بالاستقرار النفسي والجسمي والعاطفي والهرموني وحتى العقلي لأنا الاسقرار ينمي القدرات القلية ويجعلها أكثر إبداع


أنا أنصح الوحده بالتقرب إلى الله وكثرة الاستغفار ،، لأن الرسول صلى الله عليه وسلم قال : من لزم الاستغفار جعل اللع له من كل ضيق مخرجا ومن كل هما فرجا ويرزقه من حيث لا يحتسب

أنصحها تحافظ على سمعتتها وتترك صديقات السوء وتحافظ على سلوكها وألفاظها جدام الناس عشان تطلع بصورة البنت المؤدية المحترمة

ركزي على دراستج أو شغلج لأن كل شي بوقته حلو لا تستعجلين رزقج


أسأل الله بإسمه الأعظم وصفاته العلى وأسمائه الحسنى أن يرزقنا الزوج الصالح المحب والذرية الطيبة إنه ولي ذلك والقادر عليه وصلى الله على سيدنا وحبيبنا محمد وعلى آله وصحبه وسلم

برافو برافو عين العقل و الله:eh_s(15):
انا هذا الي يخليني اتمنى الزواج و اهوه الحصول على كل الي ذكرتيه بالذات الراحه النفسيه و الاحساس بالقبول من الطرف الآخر لاني عادة احب ارضي كل شخص يكون قريب مني مو دايم دايم و انسى روحي بس احس انه جزء مني و بعد الزواج زوجي اهوه الي راح يكون اولى بهذا الشيء

 

[soseta]

ممممممممم
حسب اللي اشوفه , ان تأخر البنت بالزواج يأثر بتعامل الناس معاها !!
يعني ممكن البنت تكون عادي وعايشه حياتها طبيعيه بس الناس تعاملهم معاها يكون غير , عكس المتزوجه !!

 

[north star]

ممممممممم
حسب اللي اشوفه , ان تأخر البنت بالزواج يأثر بتعامل الناس معاها !!
يعني ممكن البنت تكون عادي وعايشه حياتها طبيعيه بس الناس تعاملهم معاها يكون غير , عكس المتزوجه !!

ما شاء الله كلامج بعد صح
والله هذا المنتدى يضم عقليات حلوه
بنات الله يوفقكم و يكملكم بعقلكم
و يرزق الكل الزوج الصالح و الذرية الصالحه

 

[bint_looda]

والله المشكله غالبا ماتكون من الي مو متزوجه نفسها بالعكس بس تكون من الي يتعاملون معاها يحدونها على تصرفات تسويها او تقولها لان في ناس ... " يمصخونها " !!
سبحان الله ساعات لمن افكر اقول محد راضي بالي عنده معنه لازم الواحد قايم قاعد يحمد ربه عالنعمه الي اهو فيها لان اكيد بيختارله الاحسن له وان ماحسه احسن له بالدنيا بيشوف اجره بالاخره
الي مو متزوجه تبي تتزوج والي متزوجه ومو مرتاحه تقول للعزوبيه يحظكم استانسو !

 

[spanish-girl]

صاحبة الموضوع ناطرين ردج

 

[Spoildish]

انا متزوجه بس من الي قاعده اشوفه من البنات الي مو متزوجات الي معاي بالدوام شكله وااااايد ماثر عليهم بشكل سلبي يعني اذا وحده عندها ظروف بسبة عيالها ولا زوجها ماااكو تفاهم كللللللللش ما يحسوون وله امي يوم كانت حامل باختي وحده مو متزوجه قالت حق امي قطيعه انتي مو عندج 5 يهال شعندج بالسادس وييع عماا بعينج انتي شكوو

 

[الريادة]

أنا راي نفس راي gap الكبيرة .
(( و في السماء رزقكم و ما توعدون )).
كل تأخيرة فيها خيرة ..