بصرااحة : هل تأخرك بالزواج اثر في شخصيتك وعلاقتك بالاخرين

[مملكة الحب]

قوه بنات
قريت كل كلامكم
انا عمري 32
أحنا مو ميتين على الزواج لكن المشكله في بعض المتزوجات الي يحرونه ويبينون انهم الأحسن وناسييين ان الزواج مو بيدنا وأن الله الي عطاهم هالنعمه ممكن يحرمهم منها وإذا تصرفنا معاهم بطريقه معينه يقولون محترين منا
أنا ولله الحمد متفوقه وحققت اشياء تحلم فيها المتزوجه
لكن احب الأستقرار وأحب ان اصير أم واكره نظرة المجتمع الي تقهر
والمشكله الثانيه ان المجتمع عشان أحنا مو متزوجات يحرمنا من أشياء كثيره ويحاسبنا أكثر من غيرنا كأن احنا بلا مشاعر
وكل أشويه والثانيه قالوا لنا أنتي مو متزوجه يعني الوحده ليما يصير عمرها مليون سنه ينظرون لها نظره دونيه
أنا أشوف البنات الي عمرهم 18 وأصغر يعاملونهم أحسن معامله بس لأنهم متزوجات وأحنا ليش ما لنا رب
أتمنى أن المجتمع يخاف الله فينا
من حقنا أن نعيش بالحلال وأغراءات الدنيا كثيره
ليش لما نقول نبي نتزوج يقولون لنا ميتين علىالزواج هذا حق طبيعي الله حطه فينا فليش نتجاهله
هناك نداء في داخلنا ينادي ماما الكلمه الي نحلم فيها طوال حياتنا
ياما بجيت وياما بجيت بسبة الي يحروني ويقهروني وكأنهم يقولون لي انتي مهما حققتي من انجازات طالما ما تزوجتي انتي ولا شيء

 

[UK_Girl]

انا كل شيئ عادي بالنسبه لعلاقتي مع الاخرين ..مافي شيء تغير

بس ساعات احس بملل من روحي ابي روح ثانيه معاي تشاركنى احلامي وافكاري واهتماماتي وطلعاتي ..وساعات اشتهي احب

 

[ojlw_riva]

انا عمري 23 لوول بس ماعتقد انها عنوسه وكل يوم احمد ربي اقول الحمدلله اني بين اهلي معززه مكرمه ولا بزواج عافسني فوووق تحت لاني شبه متعسره ووايد عصبيه وقليله الصبر ف ادري ان حياتي الزوجيه ولو نقول بأولها ماراح تمشي بالصوره الصحيحه ف الحمدلله علي كل حال والله يرزقني ويرزقكم زوج صالح مثل ماانتو تتمنون وتحبون ومنه الذريه الصالحه وتكونون قره عين لبعض يارب