بصراحة و بدون مجامله ... موضوع خاص للغيرة بين الحريم !!

[seedo]

اشلونكم كويتيات ؟


من العنوان كلامي اليوم عن (الغيرة بين الحريم )


لا تقولون ما نغار ومادري شنو !! لان الغيرة بين الحريم شعور طبيعي جدا بس ممكن يدفعنا للأسوأ او الاحسن ... أبي تكون هالصفحة موضوع للنقاش الجدي و مكان لبث الهواجس الغير طبيعيه :d.. موضوعي مهم لان الغيرة تبدأ بذرة صغيرة وتكبر اذا اهملناها وما وضعنا حد لاستفحال المشاعر والاعتراف بالمشكلة اول خطوات الحل !!

وياريت الجميع بدون استثناء يشاركنا بكل صراحة وشفافيه ونشوف اشلون طريقة تفكير كل وحدة فينا :d

• هل تغارين من وحدة؟ وليش؟
• شنو علاقتج فيها؟
• طبيعة علاقتج مع الانسانه اللي تغارين منها جيدة ام يتخللها مشاكل؟
• من أثار في نفسك هذه الغيرة؟
• هل هذه الغيرة تؤثر على حياتج ؟كيف؟
• هل حاولتي تتخلصين من هذه الغيرة؟ كيف؟
• هل أثرت هذه الغيره ايجابيا في حياتج؟ كيف؟
• هل الاحساس بالغيرة معناه شعورج بالنقص وانعدام الثقة؟ ... واشلون زدتي ثقتج بنفسج؟

يالله ببدأ بنفسي بالاول:d​

• هل تغارين من وحدة؟ وليش؟​

نعم... عشان عندها خدود و ويها يطلع حلو بالمكياج و مزيونه :d​

• شنو علاقتج فيها؟​

اخت زوجي​

• طبيعة علاقتج مع الانسانه اللي تغارين منها جيدة ام يتخللها مشاكل؟​

سمن على عسل​

• من أثار في نفسك هذه الغيرة؟​

اول زواجي ما انتبهت لها كلش اصلا ما كنت اعرف احساس الغيرة.. بس من كلام زوجي يقول اختي مزيونه بدت تتولد الغيرة​

• هل هذه الغيرة تؤثر على حياتج ؟كيف؟​

نعم ... دايما افكر بحل لنفخ الخدود وبنفس الوقت مابي سوالف الابراخاف ويهي يترهل مستقبلا :d​

• هل حاولتي تتخلصين من هذه الغيرة؟ كيف؟​

نعم... اولا بالدعاء (اللهم لا تجعل في قلوبنا غلا للذين آمنوا) ثم بمصادقة اخت زوجي والاهتمام بامور ثانيه بحياتي مثل الدراسه وغيره.. وحصر النقاط الايجابيه فيني​

• هل أثرت هذه الغيره ايجابيا في حياتج؟ كيف؟​

نعم .. زاد اهتمامي بشكلي الخارجي​

• هل الاحساس بالغيرة معناه شعورج بالنقص وانعدام الثقة؟ ... واشلون زدتي ثقتج بنفسج؟​

نعم.... بقراءة كتب عن الثقة بالنفس و الاهتمام بالشكل الخارجي و الاهم الاهتمام بالجوهر من ثقافه و غيره​

:dالمايك لكم :d​

 

[بنت ًَالأدآريهً]

انا مااغار ولله الحمد انا يعارون مني والدليل مشكلتي مع عيوز الجامعة ​

 

[seedo]

انا مااغار ولله الحمد انا يعارون مني والدليل مشكلتي مع عيوز الجامعة ​

والدليل ألولوو (مشهد من مسرحية شاهد ما شفش حاقه)

حياج الله .. ولو اني ما فهمت شي :eh_s(10):

 

[Miss Cherry]

موضوعج حلو


بكون صريحة معاج

الغيرة موجودة ماقدر انكر اني مرات اغار .. شكثر مواقف وامثلة بس يمكن مقارنة بحريم غيري اشوف مستوى غيرتي طبيعي

اغار واحتر اذا طلعت وحده بالتلفزيون حلوه وزوجي قاعد على طول اغير القناة هههههههههههههههههههه
ومرات خالتي الله يهديها تمدح حريم وزوجي يكون قاعد يعني بنت فلان مشالله الزين والسنع و .. وانا وجهي يعطي الوان شنو احتر
انا واثقة بنفسي بس شي طبيعي فيه واقف تفرض علي اني اغااار

مادري هذي المواقف اللي ببالي الحين بس انا اشوف غيرتي بمستوى طبيعي لانه شفت حريم غيرتهم مرض

 

[dalo0o3ah_kw]

الغيرة موجودة وشي طبيعي بس الحلو انها ما توصل لدرجة الحقد والكراهية
في حريم ساعات يغارون من اقرب الناس لهم فما بالج بالصديقات
انا اعترف ساعات تتولد غيرة بس الحمدالله غيرة ايجابية مافيها اي حقد او كره غير اني احاول
اعدل من نفسي واهتم بشكلي يعطيج العافية على الموضوع مشكورة​

 

[ابدااع]

موضوعك حلو
مافي مرأه بالعالم ماتغار بس الغيره انواع مدمره وغيره تدفعك للاحسن وهو الاحسن
وفي ناس تغار بدون سبب او تغار من اي وحده افضل منها سواء بالجمال او التعليم
تقبلي مروري

 

[seedo]

حياكم الله بنات وتسلمون على المرور

ابي تجابون على الاسئله عشان انعرف شنو مفهوم الغيرة عند كل وحدة

و مبدأنا : الصراحة و الشفافيه

 

[منار البربرية]

حياتي والله فديتج انا حاطه من اسبوع بس بقسم السوالف حطيته عن الغيره بين الخوات والعضوات وكل انواع الغيره
سبحان الله الغيره شي لا ينفك عن المرأه ​

أنا عن نفسي لا أغار ولن أغار إلا من المرأه المثقفه وصاحبة مكانة اجتماعية بالمجتمع وناجحة بحياتها الخاصه والعامة​

أما سالفة أغار من جمال وحده ووووو هذي ما تلقينها عندي
بتقولين ليش؟؟؟
لان الجمال مرحلة وتعدي .....​

طبعا بتستغربين مني لان بنات ديرتي مع الاسف الغيرة
متشبعه فيهم وانا من النوع اللي صرت أواجه صعوبه في تكوين صداقات معاهم
ابي وحده من الطالبات حتى اللي ينقال عنهم متفوقات بالجامعه
تتكلم بأسلوب منمق ؟؟؟؟
مافي ولا مره مر علي استغفرالله بقولج مثال
صار حوار بيني وبين احدى الزميلات
اهي دفعتها سابقتني
جان تقولي انتي اصغر مني لا مستحيل
وتعوي حلجها ووتحلطم واااي مع ان بيني وبينها سنتين
بس انا تأخر بالدراسه
وااي حرتني شالاسلوب
وبعدين عيب يكون كاشخه علي تقولي
اكبرمني مو متزوجه ؟؟؟
لا انا متزوجه وتترزز بجتافها كااااك
انزين ليش انتي مو متزوجه
؟؟؟
استغفرالله شرد عليها هذي
طبعا اقدر اسويها فأره بكلمه واحد
بس الانسان ينتقي ألفاظه ويحترم غيره​

أنا لأني جميله وملكة جمال الكويت الغير متوجه ههههههههه
امزح بس الحمدالله المواقف اللي تعرضت لها ولا احلى بنت
تحسدني عليها عطوني فوق حجمي مرتين
وفارضه ذوقي باللبس وحتى لو ابسط الاشياء
على الناس
هذا بحد ذاته يخليني ما اتلفت ولا اغار من اجمل امرأه
بالعالم
يعني الناس لما تقلدج ولا تنتقدج هذا
يعني انني موجوده
وهذا الشيء يفرحني
واخذي وخلي ​

غيرة خواتي هههه وصلت والله اذا تبين اقولج على الخاص
شيء مضحك مبكي
مع الاسف ما يطري على بالكم لو بكتبت بتنصدمون ​

الحمدالله في حال غياب الشهاده عن الوحده ولا منصب
يكفي ان تكون مثقفه ؟؟؟؟
ارجع واقول مفقوده
الثقافه عندنا اقولها مليوووون مره ​

تلقين وحده سكن - لبس - حلات خل نقول- سياره فارهه​

لكن تواضع بمعنى التواضع لاااااااا​

والسبب هو الغيره​

لاننا شعب الحياة علمتنا ان نكون مميزين ونبحث عن الهبة
والتميز
واتوقع هالشيء وصلولها الناس
بدافع الغيره ​

شكرا للطرح ​

 

[مس دلال]

اغااااااار اذا وحده وصلت لمستوى علمي كنت اتمناه ولسا ماحصلته
او اذا وحده خذت شهاده ...جاها تكريم
اما جمال ولبس فلوس ابد مايحرك فيني شيء

والله يفكنا من غيره الحرييييييم

 

[اخت واختها]

لحظه لا تعممون

عن نفسي ما اغار

لي شفت حلوه استانس واخزها ليش اغار ؟

هذا شغل الشرايج

 

[seedo]

حياتي والله فديتج انا حاطه من اسبوع بس بقسم السوالف حطيته عن الغيره بين الخوات والعضوات وكل انواع الغيره

سبحان الله الغيره شي لا ينفك عن المرأه ​

أنا عن نفسي لا أغار ولن أغار إلا من المرأه المثقفه وصاحبة مكانة اجتماعية بالمجتمع وناجحة بحياتها الخاصه والعامة​

أما سالفة أغار من جمال وحده ووووو هذي ما تلقينها عندي
بتقولين ليش؟؟؟
لان الجمال مرحلة وتعدي .....​

طبعا بتستغربين مني لان بنات ديرتي مع الاسف الغيرة
متشبعه فيهم وانا من النوع اللي صرت أواجه صعوبه في تكوين صداقات معاهم
ابي وحده من الطالبات حتى اللي ينقال عنهم متفوقات بالجامعه
تتكلم بأسلوب منمق ؟؟؟؟
مافي ولا مره مر علي استغفرالله بقولج مثال
صار حوار بيني وبين احدى الزميلات
اهي دفعتها سابقتني
جان تقولي انتي اصغر مني لا مستحيل
وتعوي حلجها ووتحلطم واااي مع ان بيني وبينها سنتين
بس انا تأخر بالدراسه
وااي حرتني شالاسلوب
وبعدين عيب يكون كاشخه علي تقولي
اكبرمني مو متزوجه ؟؟؟
لا انا متزوجه وتترزز بجتافها كااااك
انزين ليش انتي مو متزوجه
؟؟؟
استغفرالله شرد عليها هذي
طبعا اقدر اسويها فأره بكلمه واحد
بس الانسان ينتقي ألفاظه ويحترم غيره​

أنا لأني جميله وملكة جمال الكويت الغير متوجه ههههههههه
امزح بس الحمدالله المواقف اللي تعرضت لها ولا احلى بنت
تحسدني عليها عطوني فوق حجمي مرتين
وفارضه ذوقي باللبس وحتى لو ابسط الاشياء
على الناس
هذا بحد ذاته يخليني ما اتلفت ولا اغار من اجمل امرأه
بالعالم
يعني الناس لما تقلدج ولا تنتقدج هذا
يعني انني موجوده
وهذا الشيء يفرحني
واخذي وخلي ​

غيرة خواتي هههه وصلت والله اذا تبين اقولج على الخاص
شيء مضحك مبكي
مع الاسف ما يطري على بالكم لو بكتبت بتنصدمون ​

الحمدالله في حال غياب الشهاده عن الوحده ولا منصب
يكفي ان تكون مثقفه ؟؟؟؟
ارجع واقول مفقوده
الثقافه عندنا اقولها مليوووون مره ​

تلقين وحده سكن - لبس - حلات خل نقول- سياره فارهه​

لكن تواضع بمعنى التواضع لاااااااا​

والسبب هو الغيره​

لاننا شعب الحياة علمتنا ان نكون مميزين ونبحث عن الهبة
والتميز
واتوقع هالشيء وصلولها الناس
بدافع الغيره ​

شكرا للطرح ​

فديت مشاركتج الحلوة والله

عاد شفتيني انا اللي اكلمج ما اغار من ناحية الدراسه لان ولله الحمد والفضل والمنه عندي شهادة علمية جدا مرموقه ومع هذا عندي تواضع عالي جدا و اسلوب بالكلام يأسر الجميع .. بس ما اشوف هذا كله مادري ليش لان الانسان بطبعه ينظر لنصف الكأس الفارغ وليس الممتلىء :d..

 

[جولينار]

انا مافي ابرد مني على وجه الأرض ..

يمكن لاني تربيت لحالي بين اولاد يعني مافي بنات معي


فما عندي سوالف غيرة وهذي لابسه كذا ومسوية كذا وانا بغطي عليها .. لا وربي ..


ولما تزوجت دخلت في معمعة الحريم ..


وعانيت في البداية لاني مو متعودة على هالجو ..

بالنسبه لام الزوج لما تمدح هذي مو غيرة

هذا مبدأ وشرع يعني حرام توصف بنات مستورات عند رجال غريب !!

يعني مو كل شي يتفسر انه غيرة ..


والغيرة تطفي بأشياء كثيرة

احسان الظن بالناس

تحبين للناس ماتحبين لنفسك

القناعة التامه بأنه انا انا وهي وهي

الاهتمام بأشياء مهمه دراسة قراءة هواية والصد عن سخافات وتوافه الامور

معرفة ان الله هو مقسم الارزاق وحمده وشكرة ..


وثانكس ع الموضوع حبابه

 

[اهداب]

خلقنا الله فينا غيرة ......لكن تفرق نسبة الغيرة بين بنت وبنت

فيه بنت عندها الغيرة واحد بالمية ×وفيه إميه بالامية

".. الحمدلله اناماعرف الغيرة و قلبي ممتلي آزهار

أقيس الكائنات بفعلها مو باسماءها

لان خلقنا الله نكمل بعضنا فالكون ..

 

[هب العطر]

السلام عليكم ,


موضوع جدا جميل


و عن الغيرة , عادي نغار , لكن اللي مو عادي اننا نضر الناس اللي نغار منهم و نحفر لهم حفاير !!!



هذي ردودي


ل تغارين من وحدة؟ وليش؟


كنت أغار وايد و انا صغيرة ,, الحين لا ...


انا الحين اغبط الوحدة يعني اتمنى اكون مثلها



شنو علاقتج فيها؟
طبيعة علاقتج مع الانسانه اللي تغارين منها جيدة ام يتخللها مشاكل؟


علاقتي مع اللي ( اغبطها ) عادية



من أثار في نفسك هذه الغيرة؟


احاول اغير بنفسي و اطور من ذاتي , لأن اللي عندها شيء انا ما اقدر امتلكه بكيفي , عشان جذي اطور نفسي في الامور الثانية


و الحمد لله الله عطاني اشياااء هي ما تحلم تمتلكها اصلا


و هذي الدنيا ~