بصراحه تشترون ولا لا ........؟

[الــــراسيـه]

كل انسان ومقدرته الماديه
بس كل شي سواء غالي رخيص يجي وقت تنتهي موظته وتخلينه
مادري انا احس جذي
بس اذا عجبني اقعد افكر افكر لين اقتنع اشتريه ولا لا
ما يهم غالي رخيص

 

[قطوه ورديه]

اغلى شي شريته كانت جنطه ب 100وشي
بالمهر بتاعي وعقبها ماشريت ولا شي
لان اصلا مااشتغل ليلحين

ومبروك على التحويل

 

[^_^ حوراء ^_^]

لأ


حماري مو ضايع

 

[sbee7a]

ياحلوووو القناعه . بالنسبه لي اغلى جنطه 25 دينار فقط , كل واحد يمد ريوووله على قد لحافه

 

[قطوه ورديه]

لأ


حماري مو ضايع

لوووووول

 

[• قلبه نصيبي •]

اذا كانت تسوى السعر عادي اشتريها

 

[ام ناصر 2009]

لا ماشتريها

 

[Stylista_Q8]

على حسب الميزآانية

واذا انا صج معتازة هالشي ولا لآ ^^

 

[سعودية!!!]

يعتمد ع جودة المنتج

 

[غاليه 2000]

صراحه حدي خمسين للجنطه والجوتي

 

[المكسيكيه]

لا والله ما اشتري مو بخيله ولا شي الله يعلم اني اسخى مني مافي بس انا ما يهمني مو وره الماركات حدي guess

 

[BaLLoNa]

انا ماشتري حرااااام يعني شنو قاطة بلمئات على جنطة؟؟ او تكرمون جوتي والله حرام والحين كل من هب و دب قام يلبس ماركات ومايبين الاصلي من التقليد انا عندي الي قاعد يلبس شي عادي مو ماركة صار متميز بهلوقت

 

[غصن الغلا]

لاتعليق

 

[red rosa]

والله بنات لو اقولكم شريت ساعتين من غير ذكر اسم الماركه و اسعار غاليه شوي بس قلت خلاص حرام الله بيحاسبني يوم القيامه و دايما امي تنصحني اتقول الله بيحاسبني على كل فلس صرفته .. ياما ناس ما عندها تاكل واحنا طايحينله اب هالجواتي والجناط..الحين كلما اشوف جنطه اب 300 ولا اكثر افكر بهالكلام و ما اشتري. الحمدلله عقلت شوي مو مثل اول.

 

[@البتووول@]

ما أشتريها بصراحه أستخسر السعرفيها خصوصا إذا جنطه وإلا جوتي صراحه فسقه أروح أتصدق فيهم أحسن الصدقه إهي اللي بتنفعني بس للأمانه ماجربت يكون عندي المبلغ وخاطري يكون بهالشغله بس يعني مرات أكون بالسوق وألقى مثلا شغله إعجبتني وحسيت سعرها مو فيها حتى لوكانت 10 ما آخذها ...

 

[كريستال ليدي]

على حسب اذا الشي يسوى هالمبلغ ولا لأ

 

[كويتية و لكن]

الاعتدال حلو بنات

اللي يملك ثمن الاشياء يقتنية وبالعافية ولا مايملك الذوق يفرض نفسة وبالسعر المعقول يصبح بمنتهي الجمال

واما بنعمة ربك فحدث وربنا سبحانة وتعالي يحب يشوف نعمة علي عبادة

ها من فضل ربي

 

[● ταʝ ɨʟ ʀοοѕ ●]

Wala mafroo'9 Kil Wa7ed yshtery El Shay 3ala Gadah
Ithah 3endi Ashtery Ma Ab5al 3ala Nafse Bas Ma Ashtery Mn Lq8 Ni9b B Ni9b
Bas Etha Ma3endi La Wala Ashtery El Shay 3ala Gade Mafeha Shay
​

 

[عبااير]

لا مستحيل اشتري جنطه ب800 دينار
او جوتي عزكم الله
حرام ناس مو لاقيه تاكل وانا اقط هالفلوس على خرابيط اتصدق فيهم ابرك
يعطيج العافيه حبيبتي

 

[kekat kakaw]

والله على حسب هالشي اذا يسوى و لا لأ