بطئ التعلم

[كاشونه]

السلام عليكم منو تعرق مدرسه النجاة بالسالميه وشلون طريقه التدريس
بالنسبه حق بطئ التعلم يقدرون يقوونه الاني سمعت المدرسه زينه حق بطئ التعلم
او اذا ممكن مدارس ثانيه حق بطئ التعلم

 

[كاشونه]

شدعوه ولا وحده ترد

 

[قلبي ابيض]

ماعندي فكرة ان شاء الله البنات يفيدونج بس ماحبيت ادش وما أرد

 

[كاشونه]

تسلمين ياقلبي كلج ذوق

 

[ناني سيكرتس]

شوفي انا ما اعرفها بصراحه بس اعرف ان مدرسة قطوف وايد زينه حق الاطفال الي بهالفئه وحق اليهال الي فيهم صعوبة نطق, انا رحست وحطيت اسم ولدي عشان التسجيل.

 

[هدفي الجنة]

حبيبتي انا بنتي الله يخليها ويشفيها عندها صعوبات تعلم وحاطتها في مدرسة ثنائية اللغه اسمها مدرسة الاطفال المبدعين بس كلمة روعة شوية عليها الاصطاف من اول المديرة الى الفراشات الابتسامه ما تفارقهم وبنتي ما تبي حتى تغيب ايام العطل والحمد لله والفضل والمنه حسيت بتحسن في مستواها

 

[ناني سيكرتس]

هدفي الجنه وين في هالمدرسه وياخذون اولاد وابي رقمهم بسرعه..؟

 

[هدفي الجنة]

هذي المدرسة في حولي خلف حولي بارك على طول والمدرسة مختلطة يعني اولاد وبنات بس امانه في كل صف مدرسة ما تفارق الصف وفي كل صف عدد من الطلبة ما يزيد عن 8 والمدرسين والمدرسات اغلبهم لبنانيات والمدرسين اعتقد سوريين ومستوى تدريس اللغة العربية والتربية الاسلامية وايد ممتاز ورقمهم 2625729-2623074

 

[أم علاوي حبيبي]

ما انصح بهالمدرسه ابدا مافي شهاده وتجاريه وحرام اي فلوس فيها

 

[^^نـــواره^^]

حبيبتي انا كنت بالنجاة من اولى ابتدائي الى رابعة ثانوي وتخرجت بنسبة ودخلت كلية العلوم الحمد لله بديت اقرا الجرايد وانا عمري 6 سنين ولهجتي بالانجليزي وااااااااااااااااااااااااايد زينة، بالنسبة حق اهلي انا كنت احسن وحده فيهم، المدرسات هناك صج يشتغلون بذمة ولا هي تجارية ولا شي لان اصلا رسومها مو غالية وشهادتها ثانوية عامة معتمدة من وزارة التربية ومن التعليم الخاص بكبره، واهيا تبع جمعية النجاة الخيرية

 

[معلمه متميزه]

انا ولد اخوي بطيء تعلم لما دخل الابتدائي سقط جم مره فيها ومحد عرفله ..وعانو منه امدرسين وااايد ..

ولما اكتشفنا انه بطيء تعلم دخلناه المدرسه الوطنيه الانجليزيه بحولي بس ترى غاليه وااايد 3 الاف بالسنه للثنوي وكاهو الحين ما شاء الله امس حفلة تخرجه من الثنويه ..

بس على فكره اذا ولدج بطيء تعلم ممكن تدخلينه هالمدرسه على حساب الحكومه اخوي يعرف ناس عيالهم مثل ولده ومدخلينهم على حساب الحكومه بس شنو الشروط الي يخلي الحكومه تدفع رسوم المدرسه ما عندنا فكره صراحه فسالي احسنلج ..وبع يحق له راتب شهري من الشئون لانه ذوي احتياجات خاصه بس ما دري من اي سن يمشي له الراتب استفسري منهم ..

وتسلمين

 

[* العروب *]

ممكن تشوفين الوحدة الخضراء بمدرسة الكويت الإنجليزية بسلوى, وراجعي المجلس الأعلى للمعاقين .(لا تخافين من كلمة المعاقين) لأن حتى بطيء التعلم الحكومة تدفع له بس بعد طلعة الروح طبعا

 

[nouna82]

شوفي اذا ولدج تم تصنيفه من فئةبطئ التعلم اول شي تسوينه روحي المجلس الاعى للمعاقين و عطيهم شهادة التصنيف و يفتحولج ملف و يحولونج الى الطب التطوري و اذا وافقوا عليه يقولوج اختاري المدرسة و طبعا نصيييحة مني لا تختارين غير دسمان ثنائية اللغة

 

[أم علاوي حبيبي]

انا قصدي مدرسة الأطفال المبدعين وليس النجاة

 

[كندية]

والله شوووفي الصراااحه انااا كنت فيهاااا من اولى ابتدااائي لي 4 متوسط يعني شووفي انااا عندي بطئ تعلييم وللاسف ولا احد اهتم او فكر يمكن ان فيني شيء ....بس شوووفي المدرسيين بصراااحه اكثرهم رووعه يعني من عمر هناااك...وغير الوكيله والناااظره رووووووووووووووووعه

شووفي المدرسه ماافيها شيء بس العيب اصلا من التعليم العاالي لان ماافي توعيه حق اللي بحاالتناااا وماافي اخصاائين مو نفس المداارس الاجنبيه..... اناا اقول شووفي لج مدرسه انجليزيه لان بهذي الشغلات رووووعه....

 

[كندية]

حبيبتي انا كنت بالنجاة من اولى ابتدائي الى رابعة ثانوي وتخرجت بنسبة ودخلت كلية العلوم الحمد لله بديت اقرا الجرايد وانا عمري 6 سنين ولهجتي بالانجليزي وااااااااااااااااااااااااايد زينة، بالنسبة حق اهلي انا كنت احسن وحده فيهم، المدرسات هناك صج يشتغلون بذمة ولا هي تجارية ولا شي لان اصلا رسومها مو غالية وشهادتها ثانوية عامة معتمدة من وزارة التربية ومن التعليم الخاص بكبره، واهيا تبع جمعية النجاة الخيرية

صججججججججججججججج حتى اناااااا بس انااا لي 4 متوسط وساافرة

والله صج المدرسااااات روووعه واحلى شيء اكثرهم من عمر يدرسووون يعني يعرفووونج...وبصراااحه الوكييلة والناااظره ايننووون..... حتى البناااات بصرااااحه الكل يعرف الثاااني واكثر البنااات فيها من اولى البتداائي....
عيل اكيد كنتي في السره اول

ونااااسه في احد من هناااك

 

[خاشووقه]

اا ما مرت علي