بطئ التعلم

[كويتية بسكوتة]

:eh_s(16)::eh_s(16):خواتي ولدي الصغير ذكي حيل مشاء الله عليه
و نشيط حيل بعد ! و اذا كان بينام لزوم ينام كل ليلة بالحسرة
و اهو بطئ تعلم و يوم رحنا للمجلس الأه قالوا لنا نعطيكم فلوس
و تدخلونة بمدرسة خاصة و بأشراف الحكومة بس يشرط انكم
تطلعون له اثبات كطفل معاق رسميا ! و انا ما كنت ابيه يتعقد و لا
ما يتزوج اللي يبيها مثل باقي الشباب او يدش الثانوية العامة و يحصل
النسبة اللي كان يطمح فيها و يدش الجامعه و يجيب لي شهادة تخرجه
مثل اخوانه .. بس صعبة يفولون له : لأ ! انت معاق ..
مع انه بطئ تعلم فقط ! و للعلم انا لحد الحين ما طلعت له الاثبات انه معاق
لان في ناس قالوا لي انه طفل طبيعي و بسبب هذا خلوه يعيد اول سنة له بالابتدائي
و الحين درس اولى مرتين و اهو بثانية الحين و مشاء الله عليه ذكي ويتكلم لغة
عربية فصحة من يوم انه بالروضة و انا اجيب له مدرسين و اوديه للاطباء و المعاهد
,,,
ادري طولت عليكم و ازعجتكم ,, بس شسوي
النك نيم مشترك بيني و بين بنتي

 

[النوري نور عيني]

شنو المشكله ؟ما تبين تسجلينه بالمعاقين ...لا تسجلينه ..واهتمي بتدريسه بشكل مكثف ...

 

[كندية]

والله يااختي مافهمت شيء ....يعني شلون عرفتي ولدج فيه بطئ تعلم اذا انتي اتقولين شاطر في المدرسه؟؟


حبيبتي انا والله طرت من الفرحه لما قالو لي ان فيني بطئ تعلم لا وكنت 26 سنه يعني واااعيه لان عرفة ان انا مو كسلانه او ماالي خلق دراسه بس في سبب مو بيدي ...وتصدقين لمت اهلي ليش مادششوني من صغري ...بس اتعرفين الكويت قبل منو يعرف هالسوالف...

شوووفي انتي بتسوين خدمه حق ولدج بتنفعه طووووول عمره ...تدرين ليش؟؟؟ لان راح يساعدونه شلون يدرس ويجتهد حق المستقبل ..
يعني شكووو اذا طلعتي له شهاده اعاقه ماراح ياخذ اللي يبها وماايب معدل...حبيبتي انتي فاهمه المساله غلط بغلط....

ولدج في بطئ تعلم يعني نفسي حبيبتي انا دشيت كليه وجامعه والحمدالله معدلي زين وان شااءلله اذا الله كتب اكمل دراسه وشتغلت وعايشه حياتي الحمدالله....وافتخر اقوول انا فيني بطئ تعلم ....

بطئ تعلم ماراح يحرمه من شيء الحمدالله الكويت متروسه مداارس زييينه وراح تأهله حق الجامعه ان شااءالله


​

 

[كويتية بسكوتة]

مشكورة حبيبتي بس انا المعاهد قالوا لي جذي و خوفوني حيل ,,
اهو ذكي بس مو شاطر بالمدرسة ,, اممممم يعني لما تتكلمين معاه
يتكلم لغة عربية بس مو من المدرسة من التلفزيون بس اذا كان الموضوع
له علاقة بالمدرسة يتنح ,, و اهما قالوا انه ما يصير يدش الجامعه
و ما ادري شنو ,, و خوفوني و قالوا اذا ما استمريتي معانا ما راح
يتحسن مستوى ولدج و حتي انهم يعطوني ادوية احطها له بالعصير عشان
يخف من حركتة الزايدة بس اهو ذكيلو ذاق طعم غريب بالعصير ما يشربه
و اهو اللي نفسه يسمونهم = haipar active ما ادري اخاف كاتبتها غلط
يعني نشاط غير طبيعي ..

 

[كويتية بسكوتة]

وينكم ؟؟؟؟؟؟

 

[الصابرة المحتسبة]

هلا أختي

ولدج من كلامج يدل انه ذكي وماعليه الا العافية

والصراحة الإخت كندية كفت ووفت.

ومالج شغل باهم قالوا وفعلوا وتركوا يمكن مايحب مدرسته لأسباب ماتعرفينها شوفي وين الخلل بالطلبة اللي معاه بالمدرسين؟؟؟؟؟

 

[الاميرة ياقوت**]

اختي كويتية بسكوته اذا صج ماتبين تدرجينه تحت المجلس الاعلى صبري عليه وعلى مراعاته اولا عطية الدوا الي يقلل نشاطه وحركته الزايده وقللي قدر المستطاع الحلويات وعطيه اوميغا 3 (زيت السمك) الخاص بالاطفال وجذيه راح يركد بالصف وراح يبدي ينتبه للشرح ويفهم لان من كثرة حركته ماراح يركز ولا راح يفهم شي ثانيا جابليه انت بالبيت ودخلي مواقع واطلعي على الطرق الناجحة في تعليم بطيء التعلم وطبقيها معاه وان ماصبرت عليه الحكومة نقليه مدرسة خاصة اهناك المدرسين التعامل معاهم وايد اسهل وفيهم صبر عالطالب وانشالله يارب يجيب هالشي نتيجة وهذي خلاصة تجربة بنت خالتي مع بنتها والحين ماشاء الله تخرجت من كلية التمريض وهي موظفة

 

[كويتية بسكوتة]

ما تقصرون

 

[كويتية بسكوتة]

up
up up
up up up
up up up up
up up up up up​

 

[um 7moood]

انا ولدي عنده صعوبة تعلم
بس فالعاده اللي عندهم صعوبات تعلم تكون درجة ذكائهم منخفضه وعندهم تشتت وضعف تركيز

غلط تحطينه مع المعوقين لانه غلط اصلا يندمج بالمعوقين ويتأثر فيهم وتتأزم حالته أكثر .. وغلط بعد ما اتابعين حالته
لازم يشوفه دكتور ويحدد حالته واطلبي منه يكتبلج تقرير .. ترا بعض حالات صعوبات التعلم يشوفون الحروف بالمقلوب
يعني انتي محتاجه تشخصين حالته صح .. عشان تعرفين احتياجاته

من تجربتي البدايه صعبه .. كنت اوصل لدرجة اني احس روحي بنهار وانا ادرسه .. ابد مايستوعب
لكن الحين ربي يحفظه صف ثالث ووايد تحسن
وعنده بعد هايبر اكتف بس ماعطيته دوا تحملته .. مع ان الدوا له نتايج ايجابيه مع اللي بنفس حالته .. لكن انا ماتشجعت

مادري كيف الوضع بالكويت بس عندنا فالامارات صعوبات التعلم يدشون المدارس عادي لكن يبون تقرير يثبت انه عنده صعوبات تعلم
عشان تكون له جلسات عند مدرسة التربيه الخاصه

 

[ام ريتااج]

بصى حبيبتى

ولدك واضح من كلامك ان عنده حركه زايده

نصيحه منى بلاش الادويه الى بتقلل الحركه لانها على المدى بتاثر على الجهاز العصبى لديه ومع الوقت الجرعه هتكون اكثر واكثر

هقولك حبة حجات عامه ممكن تعمليها وان شاء اللع يصير خير

اولا \اعرفى ان الكالسيوم بيهدى الجسم وبيساعد على النوم ممكن تعطى لابنك كوب لبن دافىء قبل النوم وتعطيه كل يوم معلقه كاليسيوم مركب من الصيدليه فهو مفيد لبناء العظم وبيدخل فى الجسم وبيزود معدل الكلسيوم وبالتالى ان شاء الله الجسم بيهدى تلقائى

ثانيا \ ممكن تعطى ولدك نصف كوب نسكافيه يوميا النسكافيه بيعمل على التركيز وهو مفيد جدا وعلى المعتقد او الشاءع ان النسكافيه غلط بالعكس تماما باختصار انه بيعمل نوع من انواع التنبيه مع الحفاظ على الجهاز العصبى عكس الكاكاو والشيكولاته فهم مضرين تماما وبيعملو نوع من زيادة الحركه

ثالثا \ اكثرى لولدك من اكل السمك فهو ايضا مفيد وبيعطى تركيز وبيهدى الجسم

رابعا\ ابتعدى تمام الابتعاد عن التلفزيون لانه عامل سلبى وليس اجابى بيسلب الانتباه واللغه وبيخلى الطفل مجرد مردد ولا يوجد عنده تواصل


حبيبتى دخلى طفلك مدرسه فيها فصول دمج تستقبل حالات بطىء التعلم بيعمله لهم برامج خاصه تزيد من مهاراتهم والتحصيل الدراسى لديهم بجانب الى انه هيكون فى وسط الاطفال عادى جدا بس بيكون فى اهتمام خاص بيه

وجيبيله معلمة بطىء تعلم بالبيت ولديها خبره فى هذا المجال مجال بطىء التعلم وتشوفى شهاداتها والاهم شهادة الخبره
لان شغلهم صعب مو سهل وليهم برامج خاصه بيهم

وربنا يوفقك ويكرمك فى ابنك وتشوفيه احسن الناس

 

[كويتية بسكوتة]

مشكورين كلكم ما قصرتوا و دخلته هالسنه مدرسة خاصه و ان شاء الله يكون في تقدم حبايبي ما تقصرون