السلام عليكم بنوتات ، انا اول مرة اشارك ، بس بصراحة شفتكم حايسين تبون وصفة تويستر وصج اني يايه متاخرة واااااااااااااايد بس صراحة انا اعرف طريقتها وحدها عجييييييييييييييييييييييييبة والكل يسال عنها ، وانا حابة احطها لكم مع اني مشاركتي وايد متاخره بس ان شاء الله اللي كان طالبها يجربها ويدعيلي ، سوري طولت عليكم :eh_s(6):
المقادير :
بطاط نايس الاحمر ( ملح )
جبن شيدر كرافت
جبن موزريلا
جبن قلاص ( اي نوع )
كريمة حامضه
كريمة مخفوقه ( قبل نسميها كريمة حمرا )
نص ملعقة شاي شكر
نص ملعة شاي بودرة الثوم
طماط + بصل + كزبره
طريقة التحضير :
تصفين البطاط في صينية للفرن وبعدين تبشرين عليها جبن الشيدر والموزريلا وعقب تسوين حمام مائي تضيفين عليه المقادير ( جبن قلاص + كريمة الحمرا + كريمة حامضة + بودرة الثوم + شكر + جبن شيدر وموزيرلا بس شويه ) وتحوسينة بالقفشة لين يذوب طبعا هذا الصوص الابيض المقادير على حسب كميتج للبطاط اذا حابة وايد او شويه ولما يسخن الصوص تصبينه فوق البطاط والجبن بس القفشة لا تكتينه مباشرة عليه ومرة ثانيه حطي طبقة بطاط ونوعين الجبن وبعدين صبي فوقه الخليط مباشرة ورشي فوقه النوعين الجبن وترسيهم لين يتغطي الصوص وبعدين دخليه الفرن لمن يسيح الجبن طلعيه وقصي الطماطك والبصل والكزبرة عليه وبالعافيه :eh_s(6):
ملاحظة : الجبن على حسب كل وحده انا احب الجبن عشان جذي تشوفون اني بكل طبقة احط فيه بس اللي ماتحب مو شرط بكل طبقة تقدر بس فوق الصوص عشان تعرف انها استوت بالفرن لمن يسيح الجبن
