بطاقتج البنك عندج او لا

[-فلانة-]

عندي من غير نقاش أصلا!!​

 

[-فلانة-]

اغلب الحريم بطايقهم عندهم شمعنا زوجي معيي ورافض تكون عنددي

يا سلااااااااام؟؟؟
ليش إنشالله معيي و رافض؟؟؟؟
والله إنتي غلطانة،،
أصلا هالأمور مافيها روح تعال،،
و ما تجرأ و خذاها إلا إنج إنتي ما عرفتي توقفينه عند حده..
شنو يعني بيطلقج إذا ماعطيتيه؟؟؟
فرقاه عيد،، اللي يعيش على أفا مرته مو ريال،، واللي ياخذ بطاقة مرته و يتصرف بحلالها جنه حلال أبوه بعد مو ريال,,
يا إنج تاخذين موقف جدي من هالسالفة،،
وإلا ذنبج على جنبج!!​

 

[#الخشف#]

امي بعد وكل اهلي بنفس رايكم بس هو متنح متنح مو راضي شسوي معاه

 

[! بــدويه وآآيــد !]

،


بطاقتي البنك عندي وماله حق ياخذها وزوجي موقفته عند حده صار مايتجرأ حتى يسألني اذا نزل لي بدل البطاله او لا وجم بدل البطاله الي توصل لي ولايتدخل ولايدري اصرفهم والا وين اوديهم
ولو اتوظف ماراح ادفع فلس ولا راح اساعده بشي هذا معاشي لي ولا له حق يسألني جم او وين اوديه ولا متى ينزل !

 

[ماني من الناس]

زين عيل سمعي سالفه وحده من توظفت قام ريلها يقول لها الحياه مساعده عشان نأثثث البيت المستقبلي لازم نيمع فلوس ونحقق احلامنا ويد وحده ماتصفق

وطبعا الاخت اقتنعت وقامت تقط عليه ثلاثه ارباع معاشها شهريا طبعا عساس ييمع

وبعد اقل من سنه راح تزوج عليها من فلوسها

والاخت راحت المحكمه تبي تسترجع فلوسها وشقاها اللي اخذهم وطبعا القانون لايحمي المغفلين


طبعا ريلج ممكن مايكون جي

بس ولاشي يحمي المغفلين

 

[! بــدويه وآآيــد !]

اغلب الحريم بطايقهم عندهم شمعنا زوجي معيي ورافض تكون عنددي

،

خير ان شاءالله ؟ ليش عنده ؟ آسفه على الكلمه بس سفيه والا ماتدلين طريجج عشان ياخذها منج ؟؟
اوقفي وقفه جاده حبيبتي ليش تداومين وتتعبين عشان ياخذها ؟؟

قوليله انا مو سفيه عشان تاخذها مني وهذا حقي حرام كل فلس تاخذه مني بدون رضاي وقوليله الاخره قربت والجبال بايطاليا بدأت تمشي وعلامات القيامه كلها طلعت وقربت تبي تدش النار عشان بطاقتي تراني مو محللتك وكل فلس خذيته عساه نار وزقوم

وروحي طلعي عنها بدل فاقد ولا تعطينه خير شر قوليله هذي حقي وكل فلس خذيته مو محللتك فيه
ولاتعطينه بطاقتج لو يموت !!

 

[قاهره عذالي]

اكيد عندي
حتى لو كنت ببيت اهلي
بتكون عندي
بعد انا اكد
وغيري ياخذ معاشي ليش

 

[كريزية]

عندي طبعا

 

[ملكه بكبريآئي]

قولي عذا تعبي وشقاي تاخذه ليش ..؟؟يعني عندك معاش لو ماعنده يمكن

انا مو موضفه بس لو اتوضف ممكن اساعده اعطيه اياه بحلات محتاج بس بتحكمي وبرضاي مو هو ياخذه ويتحكم ويعطيني مصروف منها بعد

بس انتي فهميه بهدوء ..قولي معاشك وعندك هذا تعبي وشقاي انا اشتغل عشان تاخذه انت المفروض فوق معاشي انت الي تصرف علا كل شي


عموما الله يهديه ان شاءالله ..حاولي تفهمينه وتشرحينله �� قرقت

 

[قاهره عذالي]

امي بعد وكل اهلي بنفس رايكم بس هو متنح متنح مو راضي شسوي معاه

دقي ع البنك وقولي بطاقتي ضاعت
ووقفوا البطاقه عشان لايسحب وروحي البنك طلعي بطاقه جديده برقم سري جديد
وروحي عند اهلج ودخلي الرجاجيل
انه بطاقتج ماله شغل فيها
ترا سالفتج مو سهله
الرجال طمعان فيج وماله حق ياخذ تعبج ومعاشج
المفروض لو انه رجال
هو يحط لج حساب ويزيدج على معاشج
مو ياخذ بطاقتج البنك ويصرف من فلوسج ومستحل المعاش

 

[أم ميميتو]

بما ان حسابنا مشترك البطاقه يا عندي او عند زوجي

 

[#الخشف#]

اهو يقول انا مو طمعان بس ما احب مرتي تصرف من دون علمي. وانا مو متعودة اقدم تقرير عن كل فلس صرفته لان جد تعبت

 

[ماني من الناس]

شكو تصرفين بدون علمه خخخخخ عذر مأكول خيره

شنو له علاقه لين صرفتي من معاشجج على مكياجج او هدومج او تصدقتي فيه اهو شكووووو

فلوسج حلالج ان شاء الله تتبرعين فيهم



ليش ان شاء الله اهو مسؤؤل مبيعات وتسويق اللي بيتحكم بمشتريات الشركه

انتي الغلطانه قوليله ستوب لي هني وبس

 

[#الخشف#]

بيكم تشجعوني لان مو مرتاحة جذي جني اطر منه كل شوي عطني مو متعودة واستحي

 

[ماني من الناس]

عادي قوليله انته زوجي واحبك واحترمك والخ

بس بطاقتي ابيها عندي فلوسي ابي اصرفها براحححتي وبدون ضغوط وانا اهلي معوديني جي من يوم انا صغيره وابوي معودني عالمسؤؤليه واني احمل بطاقتي واتوقع لو درا ابوي انه بطاقتي عندك بيزعل وبيقول انا بنتي مو ياهل ياخذون بطاقتها ويمشون لها مصررروف <<بينيله يعني ان اهلج مو موافقين عالوضع لو دروا بسوون سالفه فبالتالي اهو بيتفشل بس كلميه بطريقه سياسيه عرفتيي

 

[um khaled]

اهو يقول انا مو طمعان بس ما احب مرتي تصرف من دون علمي. وانا مو متعودة اقدم تقرير عن كل فلس صرفته لان جد تعبت

بصراحه لازم تاخذين موقف وتردين بطاقتج
اولا لانها لج ولوحدج
ثانيا اغلب الحريم ما يطلعون من دون شور ازواجهم ف اشلون يشترون شي وازواجهم مو راضين عليه
لااازم يفهم ان هذا شي يخصج وحدج وبس
كلميه بهداوه وان ما نفع كلمي اخوانج والا ابوج

والله يهديه

 

[انا لحبيبي .]

عندي ،

 

[Mrs_s3doun]

عندي بس انا اصرف بالهبل على السووق ساعات ياخذها مني وسبة مصروفات السووق

 

[فجوره]

حدج غلطانه شوفي لج حل حبيبتي البطاقه والمعاش من حقج انتي
واهو ماله شغل فيهم

الحل عادي اذا ما قدرتي تكنسلين اذا توظفتي فتحي لج حساب جديد وخلي معاشج ينزل عليه
ولا تعطينه البطاقه والرقم السري لو شيصير

ولازم يكون لج راي وشخصيه سنتين وجذي شلون لو 10 سنين والله باجر ما راح
تقدرين تتكلمين اذا صرف معاشج وتخيلي انتي للي تتعبين وداومين وتقعدين من الصبح


خلي لج موقف وراي جدي بهالموضوع لا تستهينين فيه









​

 

[زوجة عزيز]

عندي بس يعرف الرقم !