بطاقتج البنك عندج او لا

[nooorrrsss]

اكيد عندي لو اهوه ريال ماراح يرضه ياخذها حتى لو عطيته اياها بس الرقم السري عادي لانه انا اعرف الرقم السري مال بطاقته فعادي كلش

 

[ريانا]

الي ياخذ من زوجته البطاقه موريال وموحسافه فيه حتى الانفصال انا ما اشيشج بس انتي كاتبه ان اهوقايل لو ماعطيتيني اطلقج اسمحيلي انتي انسانه بارده مستحيل مرا تقبل تسمع هالكلام وتشاور نفسها
واستغرب الي تقول امنتهةعلى نفسي تفرق وصخ دنيا اقولج حبيبتي انتي شايفه الحياه ورديه لوياترى اهي الي تبي البطاقه يعطيها؟؟ ووصخ الدنيا لوشايفها اهو وصخ جان ماهددها بالطلاق عشان وصخ دنيا لانخلون العالم تستغفلكم الله عطانا عقل نفكر فيه
وتقولين كل راع مسؤول عن رعيته يقوم ياخذ حلالها يعني هذي المسؤوليه اقول سلميلي عالرجوله الي من هالاشكال
سامحيني بس حرام تسوين بنفسج جذي

 

[أشبـاهـ المطـر]

انا قريت سطر خطير جداً !
عليه دين بسبه علاجج ؟!
يعني اهوا دافع مصاريف علاجج

يا ماما شفيج لاتصرين مغفله بداية حايتج
هذا واجب عليه يدفع واهوا خوش انسان !
بعدين انتي شنو عندج طرق الاعانه فقط شلون لو توظفتي !

شوفي واضح انج ماتبين عوار راس اوكي
قفلي بطاقتج او فجي بطاقه ثانيه تحولين اعانتج دايركت عليها
اذا بنكج التمويل في بطاقة الخير ...

وخليه يكتشف الموضوع بنفسه
واذا واجهج ذيج الساعه فجي موضوع جديد
ونتناقش فيه ​

 

[فـراوله]

حتى لو عليه دين مو من حقه ياخذ بطاقتج خليها عندج وانتي
عطيه الفلوس مع انه من حقه يصرف عليج بعلاجج مو انتي تصرفين
على نفسج بس اهو شايفها حجه عشان يخلي البطاقه عنده

ولا تتوظفين مو لازم باجر مع الزمن والعيال اهو للي بيقولج روحي توظفي

ساعتها على الاقل ضامنه فلوسج وتعبج عندج


​

 

[Al-RoRo77]

اكيييييييييييييد عندي

 

[shak!shoka]

دين بسبة علاجج ؟؟

في ديون بين الريال و مرته ؟؟!! اول مره اسمع
ولاااا حق علاجج بعد

هذا واجبه طاح حظه من ريال

اخذي بطاقتج غصب طيب
اخذيها من بوكه و بدون استأذان لانها حقج و تعبج

و اذا تشره و لا عصب عندج ابو و اخوان و دخليهم بالموضوع
واذا ع الدين انتي سددي دينج من بطاقتج و اهيا عندج


حلوه هاذي بعد
شهالطمع و السيطره
اعوذ بالله !

 

[yasmeen_q8]

انا للحين بالجامعه ما اشتغل
بس الكرت احياناً عندي واحياناً عنده عادي احياناً ياخذه يحطلي فلوس
واحيانا لما اشوفه متوهق وما عنده على اخر الشهر عادي اعطيه لان اخاف يحتاج شي وما يلقى

 

[طموحه بزياده]

الموضوع هذا يحرررر



المشكله لي قال ليش انا ببوقج؟ مو واثقه فيني؟

 

[كويتيه مذهله 87]

واااي الموضووع قهرررررررررني

اسمحيلي بقولج هالكلمه ريلج ماعنده كرااااامه

 

[الجادل الطرقا]

حبوبه كل كلام زوجج مردود عليه ماله حق أبدا ياخذ بطاقتج

انا مستغربه شلون سكتي له؟! ما عندج شخصية؟! اهو شايفج خبله تمشين وتقطين فلوسج وقال انا آخذهم أحسن؟!

سوري على كلامي بس حدي محتره عليج لو انا مكانج وقالي ماحب مرتي تصرف من وراي

أقوله فلوسي حلالي لو أحرقهم مالك شغل وإذا قالي انا معالجج أقوله هذا واجبك ومسؤوليتك ولا زوجي اسم وبس؟!

وإذا اهو صج محتاج هالفلوس أقوله أردلكياهم بس بطاقتي عندي واسويلك استقطاع

أما انه يقولج البطاقه توصل للطلاق هذي قويه حدها قويه!!!!

اهو مستعد يبيعج لو ما عطيتيه البطاقة؟!! ليش؟! شلون تجرأ وقال جذي؟!!

إذا اهو مو قادر على مصرفج يقولج ما عندي اعتمدي على فلوسج بس شكو ياخذ البطاقه؟!

امبيه حسيته حقير وتلوع جبدي من نوعيته الله يعينج عليه وديري بالج تتنازلين عن حقج والله زوجج ينخاف منه

 

[*الشيـــهـانـة*]

اكيد لازم تكون بطاقتها عندها ليش ان شاء الله ياخذ الكرت؟؟

 

[مزيونة اهلها]

حبيبتي نصيحه لا تصير شخصيتج ضعيفه
انا مريت بنفس التجربه ووقفته عند حدة
انا ببداية زواجي صار خلاف كبير بيني و بينه قالي لازم اعرف شنو تصرفين فلوسج في و أشوف جم ينزلج معاش و جم تصرفين كل فلس بشنو و توريني مسجات البنك اللي توصلج كلها من حقي اعرف !!!!! @@
قلت له نو وي تعرف و مو من حقك كلللش هذا شي خاص فيني اصلا
و قام يهدد لين وصلت السالفة لروحتي بيت اهلي و زعل و صارت بين الأهل و عرف ان الله حق و ان ما يحق له يتدخل بحسابي و فلوووسي و اهو يدري لو يحتاج او يبي اي شي ما راح اذخر عنه بس اهو طلب يعرف بشنو اصرف و جم بس ان مو ياخذ البطاقه عندي اصلا مووووو قبول
ماله شغل في هالسوالف اصلاااااا
و كنت وربي ابي الطلاق لان طاح من عيني حيييييييل ما حبيت هالشي في كلللش
بس انحلت المشكله من اهله و الله وكيلج تبدل الحال و اهو اللي عطاني البطاقه مالته وربي ههههههههه رياييل هاليومين ما ونعرف لهم و الله متعاد على الزواج حلااا كلي تزوج البنت و ايدها على قلبهاااا
بس بو طبيع ما يجوز عن طبعه يطلعون سالفه جديده عشان النكد
حسبي الله عليهم هبلوا فينا
أخذي موقف جااااااااد قولي مو من حقك كللللللش تاخذهاااا و رديهاااااا لج المفروض ما يسالج اصلا !

 

[ام الحلوااات]

اكــــــــــــــيـــــــــــــــــــد عـــــــــنــــــــــــدي
وش دخـــــــــــل الــــريــــااال بــــبـــطــــاقـــتـــــي

 

[سمو النفس]

عنـدي اكـيـد

 

[glory]

عندك حبيبتي
حرص من صاحبك ولا تخونه

 

[خليفة العظماء]

لين الحين ماشتغلت بس ان شاء الله عندي

 

[#الخشف#]

بنات مشكورين كل الي ردوا ادري محترين عشاني وانا منقهرة حيل بس هو يقول ترا ازعجتيني بسالفة البطاقة اقولج منتي شامتها ولا ماسكتها البطاقة تصير عند الرجال وماتصير عند المرة .بذمتكم في احد معقد جذي..

يعني مستعد يطلق بسبه البطاقة وانا زهقت كل الناس بطايقهم عندهم وانا لازم اطلب منه جني اطر


مدري شسوي وانا عندي ببيبى بعد

 

[حبيبي مالكني]

اكيد عندي
انتي غلطانه حبيبتي جان من البدايه ما عطيتيه
اللحين صعبه ترجعينها منه
احسن شي تسوينه روحي البنك وطلعي لج بدل فاقد
ولا تعطينه اياها
ماله داعي بطاقتج تكون عنده انتي حره بمالج
ولا تتتساهلين بهالموضوع وخلج قويه
واذا يه بيتهاوش معاج قوليله انا مو مسويه شي غلط
هاي فلوسي ومن حقي انا يكونون عندي

 

[سمسمة كويتية]

^^^
حبيبتي اذا الريال زين و المشكلة بس بالبطاقة خلاص مو شي وايد مهم عشان تتطلقين عشانه و انتي عندج بيبي شنو ذنبه اذا تطلقتي بتقولينله تطلقت عشان بطاقة
ميخالف فيه رياييل تفكبرهم معقد و ما تفهمين شنو ببالهم بس اذا اهو مو مقصر من نواحي ثانية انسي سالفة البطاقة و تتنازلي عشان حياتج تمشي

 

[dubai girl]

هذا يبى فلوسج ولا شو
لا ياحبيبتي البطاقه لازم اتكون عندج
حلالج هذا لا يقص عليج
والريال ماياخذ من مرته بيزات الا للضروره القصوى
شو السالفه ليش جيه ريلج وقفيه عند حده