بطاقتج البنك عند منوووو

[مناير ...!]

اكيد عندي

 

[om al ghaleen]

خير ياطير ؟ شكوو عنده؟
اول مره اسمع ان زوج ياخذ بطاقه زوجته والله عيب
شلون ريال طول بعرض مشورب وهالله هالله تلخذ
من مره فلوس ؟ وعووووو

صاجه قطع ماادري ليش الريال يتزوج ويكود يهال
وبالاخر يقول ساعديني ومافيها شي احنا كلنا واحد
لايبا هذاك اول الحين الريال مامنه امان والله يجمع فلوسه حق وناسته ومعاشج حق مصرف البيت

 

[nezgha.85]

أكيد البطاقة عندي وإذا انتي تخلينها عنده عشان وايد تصرفين او ودج توفرين حق نفسج روحي فتحي حساب ثاني وشلي من راتبج حطيه بالحساب الثاني انا مسويه جذي مو عشان ما اقدر امسك نفسي عشان يكون لي رصيد بالبطاقه الثانيه إذا خليتهم بنفس الحساب راح تصرفينهم وانتي مو حاسه والله يسهل أمورج​

 

[قل علها خيره]

أأأأكيييييييييييييييييييد عندي ليش جااهل والا ماعررف اتصرف عشااان اخليها عنده ^*

 

[FeShinGoOo]

خير انشالله اتعب واكرف طول الشهر وبطاقتي عنده لي عمري 12 سنه ؟؟

يطاقتي عندي وماله شغل فيه ولا اقوله جم بحسابي وجم صرفت فلوسي وانا حره فيها

لو ان يحاسبني على المصرف الي يعطيني ياه يمكن اعلمه بس فلوسي لا ماله شغل ..


يبطون جبدي الحريم الي يخلون بطايقهم عند زوجهم شنو الحكمه يعني ؟؟

 

[مـزآج ــــية]

انا مو متزوجة و طالبة تمشي لي اعانه بطاقتي عندي و لا مرة اهلي سالوني شتسوين بالفلوس او وين تصرفينهم

اسمحيلي ريلج قاص عليج

بطاقتج شي شخصي من حقج مفروض ما تخلينها عنده

اللي اعرفه الريال يصرف ع مرته و بيته مو العكس

 

[ام احلى خلودى]

طبعا عندى ماله حق ياخذها ولا يسال عنها بعد هذا اللى ناقص