السلام عليكم ورحمة الله وبركاته
آنا أقولج بالتفصيل الفرق بين بطاقه الخير وبطاقة التسير
بطاقة الخير الله يسلمج بما أن تم ذكرها
" اهي بطاقة الدفه المسبق يعني حدودها صفر وانتي تحطين فيها المبلغ اللي تبينه في اي وقت سواء حضور شخصي او بالتمويل اون لاين او خدمة بيتك الهاتفيه والخيار الثاني انج تسوين عليها استقطاع شهرى .. وفر لج بيت التمويل تسحبين كاش عن طريق أجهزته بدون عمولة كأنها بطاقه سحب عاديه وبدون عموله وتم تسميتها في بطاقه الخير لأن كل 0.05% من استخدامج لها يياعد المحتاجين لأداء العمره والحج "
بطاقه التسير ( بطاقه ائتمان ذات الخصم 8.33% شهريا )
آنا حاليا عندي بطاقة 500 (وبطاقة التيسير تقدرين تطلعين من 300 إلى 2400 على حسب راتبج والتزاماتج)
طلعلي بطاقتين وحدة فيزا والثانية ماستر الاثنين برقم سري واحد
والثنتين يكملون بعض رسومها السنوية 50 دينار لكن تخصم مني شهريا بملغ 4.166 د .ك تسهيلا منهم لأن اسمها التيسير
في حال استخدمت 500 كلها اقسمها على 12 قسطي الشهري مع نزول الراتب راح يكون = 41.66 أقربها 42
وراح يقل تدريجيا القسط لأنهم يستقطعون كل شهر ليما يوصل 20 ويستمر القسط 20 ليما أخلص الباقي المطلوب علي
يعني فكرة البطاقة باختصار ما يزيد القسط عن 42 ولا يقل عن 20 دينار (هذا القسط شامل الرسوم واستخدمج لها)
كل المحلات تستخدم الفيزا او الماستر إلا بعض الأماكن وإذا شريتي بالمحلات ما في عموله زيادة تخصم منج راح تلقين سعر اللي شريتيه بالفاتوره
ولكن في حالة بغيتي تسحبين كاش ( والسحب النقدي متوفر فقط في اجهزة الكي نت وليس جهاز بيت التمويل )
راح يكون هناك عمولة 4% على المبلغ المسحوب والعمولة عالميا في جميع دول العالم لأن شركة الفيزا والماستر شركة عالميه
الفكرة أن الفيزا والماستر تعاملها ينص مع المحلات أني اوفرلك العملاء تسهيل يشترون منك لكن أنت (يا البائع )راح تدفع ال 4% مو العميل علشان جذي احنا مو قاعد ندفع شي
(وفي بعض الأماكن الداثرة ومثال محلات التلفونات اللي بشرق لأن انا شخصيا واجهتني كان يبي يقص علي ويخلي 4 % علي لكن رفضت اتعامل معاه )
والخلاف أن بيت التمويل ليش ما خلا اجهزته تسحب نقدي لأن خايف من الربا !!!
مو خوافا من الربا والا جان ما تعامل بهالفكرة ولكن القصد أن عموله السحب النقدي 4% مو بيت التمويل حطها او مستفيد منها أهية عمولة للفيزا والماستر بيت التمويل ما يقدر يتدخل فيها علشان جذي خلاها تسحب فقط عن طريق اجهزة الكي نت
لكن بيت التمويل قاعد ياخذ رسوم من العميل لقاء اصدارها
اتمنى اكون فدتج
