@@ بطانيتي اليديدة شغل ايدي ( كروشيه ) @@

[دلوعة روحي]

شرايكم بنات ؟؟

 

[mi corazon]

واو روعه

مسويتها بطريقة المثلثات صح؟

بس شلون لصقتيهم ابعض عليمني بليز ياحلوه :*

 

[دلوعة روحي]

لا حبيبتي مربعات

و لزقتهم بغرز منزلقة

و حياج الله

 

[بنوته جامعية]

شغلج حلووو ... والالواان روووعه

 

[mi corazon]

ماشالله

يبيلي اتعلم عليهم

 

[زلابيا]

ماشاءالله تبارك الرحمن ..

شغلج روعه والالوان اتينن

تتدفين فيها بالعافيه انشاءالله

 

[أسـيـل]

مشاءالله تبارك الرحمن زوغه
وعليك بالعافيه

 

[دلوعة روحي]

تسلمون على التشجيع ما قصرتوا

 

[white**angel]

ماشالله حلوو

 

[الهاجريه]

الله علي الدلع يا دلوعه
ما شاء الله روعه الله يعطيج العافيه
بس لو مصورتها ابعد علشان انشوف شكلها

 

[om deaj]

ماشاء الله عليج وايد حلو بس شكبرها ولا حق بيبيات؟؟؟

 

[حد مثلي!]

/
.,

ماشــاء الله..
شغلــج حيلـٍ حلـو..
صـوج فنــــانـهِ..تباركٍ الرحمـن..

.,
/

 

[قطوه اجناعيه]

روووووعه مشاء الله
الله يهنيج فيها حبيبتي

 

[كوكو دلوع]

لا اله الا الله بصراحه روعه وتهبل وايد
مشاء الله ممكن تحطين البترون علشاني
وجم غرام خيط استعملتي انا بالانتظار

 

[دلوعة روحي]

بنات تسلمون على تشجيعكم

الكمبل كبير حقي اتغطى فيه مو حق يهال

و هذي صورة من بعيد

حطيتلكم عليه علبة كلنكس عشان تعرفون تقارنون الحجم

بالنسبة للباترون

انا ماخذته من كتاب عندي

و بالنسبة للجرامات مو حاسبتهم لاني كنت اكبر الحجم مثل ما انا بغيت

يعني الحجم على الذوق الخاص

الباترون

6 سلاسل و نغلق بمنزلقة

السطر الاول = 3 سلاسل , 2 مزدوجة في الحلقة , سلسلة , *( 3 مزدوجة بالحلقة , سلسلة ) * نكرر ما بين النجمتين 3 مرات
نغلق بمزدوجة ( مجموع الغرز = 12 )

السطر الثاني = 3 سلاسل , مزدوجة واحدة في الغرزتين التاليتين , *( مزدوجتين , سلسلة , مزدوجتين ) في الفراغ بين الغرز, مزدوجة واحدة في الثلاث غرز التالية * , (مزدوجتين , سلسلة , مزدوجتين ) في اخر فراغ بين الغرز , نغلق بمنزلقة ( المجموع = 28 )

السطر الثالث = 3 سلاسل , مزدوجة وحدة في الاربع غرز التالية , *( مزدوجتين , سلسلة , مزدوجتين )* في الفراغ بين الغرز , مزدوجة وحدة في ال7 غرز التالية * , ( مزدوجتين , سلسلة , مزدوجتين ) في اخر فراغ بين الغرز , مزدوجة وحدة في الغرزتين التاليتين , نغلق بمنزلقة ( المجموع 44 )

للاستمرار نسوي غرزة مزدوجة وحدة بكل غرزة من السطر السابق

و في الزوايا نسوي مزدوجتين , سلسلة , مزدوجتين

و نلاحظ ان الزيادة بين كل سطر و اللي قبله = 16 غرزة

و سلامتكم

 

[كوكو دلوع]

مشكورة ياحبيبتي وانشاء تتغطين فيه بالعافيه

 

[لوكي 22]

رووعه شي

 

[princesse X]

بنات تسلمون على تشجيعكم

الكمبل كبير حقي اتغطى فيه مو حق يهال

و هذي صورة من بعيد

حطيتلكم عليه علبة كلنكس عشان تعرفون تقارنون الحجم

بالنسبة للباترون

انا ماخذته من كتاب عندي

و بالنسبة للجرامات مو حاسبتهم لاني كنت اكبر الحجم مثل ما انا بغيت

يعني الحجم على الذوق الخاص



و سلامتكم

ماشاء الله حلوة تسلم ايدج وبالنسبة للجرامات اوزني البطانية بميزان المطبخ تعرفين الوزن التقريبي

 

[دلوعة روحي]

تسلمون على مروركم

و مس برنسيس فديتج انتي و الله

منورة يا ابلتي

 

[pure feminine]

شحلااتها تووونس

مشالله عليج فنتك


ودي اتعلم وين ؟