بطور ذاتى اشلون؟؟؟؟؟؟؟؟

[q8tyah]

قوه بنات

فينى طبع موشي وحيل مضايقنى ودى اغيره بس مانى قادره

طبيعى ومثل اى بنت متزوجه عندى ضغوط بالحياة اللى اهيا مسؤليه اليهال وحنة الريل ومشاكل الدوام والدراسه الجامعيه

والظروف الماديه وطبعا السكن مع اهل الزوج اللى يشيبون الراس

اعتقد الكل يعانى من هالمشاكل وفى ناس بعد يمكن عندها ضغوط ومشاكل اكبر من جذى بوايد

المشكله اللى فينى بنات اذا صارتلى مشكله بالدوام والا مثلا موحاله عدل بالامتحان

والا مثلا احد قط كلمه على جرحنى فيها والا وصلنى كلام من وحده حاشه فينى وظالمتنى والا ظانه فينى

اتم طول اليوم متضايقه ومكتأبه ومالى خلق الدنيا ومنعفس جوى وحتى لومومبين على ويهى بينى وبين نفسي افكر

بالموضوع واابى انساه مااقدر احس بالظلم اقول ياربي انا مصفيه النيه مع فلانه ليش جذى يوصلنى حجى منها

والا يارب انا عمرى ماجرحت احد ليش فلانه والا فلان ينقزفينى ويبي يجرجنى وانا ماجا منى قصور

المهم شغله تافه من وحده والاموضوع تافه ينعفس جوى كله طول اليوم واحاول ا ني اطلع من هالمود احاااااااااااااااااول

قد مااقدر ماكو فايده اقوم اقرامجله والا اشبك على النت مرات امسك القران واقرا امسك التلفون واكلم صديقاتى مرات افضفض له ومرات لا اسولف معاهم على اى شي بعيد عن الموضوع

يقولون الكاكو يهدى الاعصاب ابلع فيه طول اليوم ماكووووووووو فايده يروح تفكيرى يروح ويرد على الموضوع السخيف

اللى مكدرنى

مرات اقعد بينى وبين نفسي اشوف خلق الله تصير فيها مصايب وتلقاهم مضايقين والا يبجون وبعد ساعه ولا كأن شي

صاير ناسين الموضوع بالمره والله العظيم اقعد احسدهم على نعمه برودالاعصاب اللى فيهم والامبالاه

ودي بنات تقولولى افكاركم اشلون الواحد يطلع من المود الكئيب لما يسيطر عليه اشلون مثلا لما تكونون قاعدين بجمعه حريم

وفجاة وحده عكرت مزاجج بكلمه والا بموضوع شلون تنسون هالموضوع وتسولفون عادى وتضحكون صج موتمثيل ولا كأن شي صاير

 

[هنـــد]

اقري كتب والله يفيدونج وايد

ودشي دورات

انا اول كنت نفسج اتضايق بس بعدين لما قعدت اقرأ كتب واسجل بدورات والله لا مباله كيفهم يقولون يتحجون يقعدون مايهم

صار كل حجيهم طاف

وان شاء الله تتغيرين

 

[فراشه]

اقري كتاب قوة عقلك الباطن وايد راح يفيدج بالتغير

 

[noreez]

وسعي صدرج وحطي في بالج انه ماكو شي يسوى
مبين انج حساسه زياده عن اللزوم عشان جذي تتأثرين بأقل شي

لهي عمرج اكثر واقري كتب مثل ماقالوا الخوات الي قبلي
بردي قلبج وعيشي حياتج

 

[Bq]

أنتي نفسي ما أرد على الشخص بس انجرح
يمكن هذا الكتاب يفيدج اسمه غير تفكيرك غير حياتك وااايد حلووووو أهو مترجم وسمعت انه وااايد ناس استفادو منه يمكن يساعدج

 

[بمبة المفترسة]

شوفي بعمرج وايد الوحدة تكون حساسة وكل ماكبرتي راح تخف حساسيتج
وانا اشوف اللي فيج شي عادي الواحد لازم يتضايق وتدريجياا تخف الضيقة ويلهى وينسى

 

[قلب راشد]

حبيبتي فيه موضوع بالقسم هذا عن حملة تطوير الذات

واايد مفيد وحلوو ويغــير بالشخصيه واايد

ودشي دوراات واقري كتب ودشي هالقسم واايد واقري المواضيع المفيد لج
وان شاء الله يفيدج

بس تأكدي ان التغير ما راح يصير بين يوم وليله

يبي لج تمارين وممارسه

 

[الأمل الجديد]

أأكد على كلام اخواتي بس لازم تعرفين شنهو الكتاب اللي بتقرين فيه.يعني تقررين يكون كتاب واحد علشان ما تتضايقين وتحسين إنه وراج كتب وايد بتقرينها.
وإذا كنتي من الناس اللي يمللون من القراءة تقدرين تشاركين بالدورات المختلفة لتطوير الذات , ماشاءالله احنا ننحسد على كثر الدورات اللي عندنا. المهم ققرري إنج في كل شهر تدشبن دورة واحدة وحاولي تطبقين ما خذيتيه بالدورة وكل شهر نفس الشي,حتى تتطورين مننواحي كثيرة تفيدج في الوقت الحاضر والمستقبل.وعندج شركةstsمن الشركات اللي كل شهر تنزل دورات وبسعر معقول جدا وبعد بشهادة معتمدة من لندن, ورقمهم 94007447 الخط الساخن وعندهم دورة قريبة.