بعثات التطبيقي

[Om_Ksha]

ومثل ما اتفقنا اللي تشوف الاعلان نبلغ بعض بالرسايل الخاصه


بس ماقلتولي شلون عالخدم !! مافكرتو فيها ولا عادي عندكم !!

انا مابي اقدم وانا مو مستعده مابي اتوهق ..

 

[zqertya]

حبيبتي اذا صارلج 4 سنين بالتربيه المعاش ينزل كامل بس اذا بعثه وللحين ماكملتي سنينج نص راتب جنه

 

[zqertya]

راتبج ومعاه الراتب مال البعثه اللي يمشونه لج

 

[{}{}{ سكرة }{}{}]

مالت عليهم

اشدعوة ليه هالدرجة مكتفين ماظنتي اكيد في شي


انا مثلج بقدم السنة الياية بجامعة الكويت ع الاقل ملتزمين


اليوم طلعت نتايج الماستر

 

[Om_Ksha]

انا اللي اعرفها اللي تنقبل لازم تستقيل !! في وحده بالمنتدى جذي!

 

[ترف بابا]

اي الحمدلله قبلوني و بكمل السنه الياية

بجامعة الكويت بس بعد اذا حصلت لي البعثات

راح اسحب والخيرة فيما اختاره الله

ومبروك ع الكل

 

[{}{}{ سكرة }{}{}]

ليش ترف بتسحبين مع انه يمدحونها اكثر من بعثات الجامعة

 

[zqertya]

ترف بابا متى قدمتي ماقتلي لنا شلون الطريقه قوليلي احسن من الغربه ترا هم تصيرين دكتوره عندهم وشنو تخصصج؟؟ انا على بالي ناطره مثلنا ؟؟

 

[Om_il3ubed]

السلام...

انا هم نفس الحالة قاعدة ادرس ماستر بجامعة الكويت و قدمت سنتين ورى بعض عالبعثه وماكو نصيب ههه ان شاءالله السنة اليايه..

جامعة الكويت في نهاية كل سنة تقريبا يفتحون باب التسجل للدراسات العليا مع بعض الشروط لكل كلية ومقابلة مع دكاترة
ومن يقبلونج تداومين شهر 9 الي وراه جذي طريقتهم


موفقين

 

[zqertya]

يا رب وفقنا

 

[ترف بابا]

انا لما نزل الاعلان اللي بالجريدة خذيت الاوراق المطلوبة وقدمتها مع التوفل طبعا

وبعدين وديتها للخالدية - وبعدها دقوا علي كلية التربية عشان المقابلة

وبس نطرت النتايج مع اني كنت حاسة ماراح يقبلوني من كثر العدد

وهذا اكبر سبب خلاني ما قول اني قدمت وعاقدة امالي ع البعثات

لان الكل يبي الديرة ومنكتين ع الماستر هنيه بشكل مو طبيعي


والحمدلله ع كل حال


وعسي الله يوفقنا اجمعين وكل ينول اللي بباله

 

[ترف بابا]

علي فكرة بنات - اللي كان يحن علي اقدم هي الوالدة

تقول اختصري كل سنة من عمرج ولا تضيعين عليج السنين

الله يجزاها الجنه ...

بس بعداللي صار انصح كل وحدة فيكم تسوي هالطريقة


واظن سبب قبولي درجتي بالتوفل ومعدلي ٣.٩٠ لله الحمد

 

[zqertya]

الله يخليلج الوالده انا الحمدالله معدلي حلوو بس المشكله بالتوفل شلون عرفتي له ؟؟ ولازم تتكلمين انجليزي توب ؟؟

 

[Ba6oo6a-Q8]

up
up

 

[ترف بابا]

يووووووه لو تدرين شسويت

انا تخطيطي ع البعثات اوكي ؟

ورحت باخذ توفل دولي ibt / وانا من زمان ماخذه توفل محلي local

وطاف عليه اكثر من سنتين فلازم يكون المدة اقل من جذي والا اعيده اوكي ؟

فقلت اقدم دولي

وكانت المفاجأه انه طريقة الاختبار متغيرة - قبل كان الدولي يزيد ع المحلي بالمقاله االي هي essay. حلو ؟

طلع الحين لااااااااا


فيه اربع اقسام قراءه ومحادثة واستماع والمقاله قسمين قسم تسمعين وتقرين قطعه وتكتبين المختصر والثاني موضوع حر وعندج نص ساعه

للاثنين

وطبعا الكتابة بالكيبورد مو بخط اليد مثل قبل

بس الحمدلله تيسرت بفضل رب العالمين

وقدمت لهم نتيجة الاختبار الدولي وخذوها الحمدلله


واي شي ثاني تبين تعرفين عنه انا حاضرة - مع انه في وحدة بالمنتدي الله يجزاها

خير نصحتني بالايلتز لانه اسهل وهي صاجه - بس انا من التحدي الزايد مع نفسي


وخبرتي السابقة قدمت التوفل - اوكي؛)

 

[ترف بابا]

اي بالنسبة شلون عرفت للتوفل انا ماخذه دورة - يعلمونج فيها طريقة الاختبار

 

[zqertya]

مشكووووره ياعمري بس انا باخذ الايلز دام اسهل

 

[لبنة حرم زعتر]

بناااات واخيييرا لقيت احد اساله

اولا السلام عليكمم

شلونكم

بنات بقولكم سالفتي <<<شكلها مطولة:eh_s(15):

انا توني متخرجة من جامعة الخليج معدلي العام 2.90 والتخصص 3.30 (تخصص نظم معلوماتMIS( اقدر اقدم ع بعثات الماجستير جامعة الكويت ولا لا؟؟؟

والله خايفة انهم مايقبلوني من دخلت الجامعة وانا احاول اشد حيلي عشان اكمل ماستر خصوصا انه جامعتنا حيل صعبة 


بلييز ردوو علي واذا ابي استفسر وين اروح ابي احد يرشدني موعارفة شنو الطريقة



ومشكووووريين *

 

[ترف بابا]

زقرتيه

توكلي علي الله - روحي البرتش كانسل - انا سمعت انه في امتحان تجريبي شوفي مستواج اول ؛)

لبنه

جامعة الخليج ولا الجامعه الخليجية ؟

لان في وحدة لاغين الاعتراف فيها- شيكي بالتعليم العالي افضل ...

وبالتوفيق ياربي للجميع

 

[انثى الكويت]

بنات شلونكم

انا بقدم عالباكلريوس
الحين نسبتي علمي بالثانوية ٢.٣٧ يعني حسبتها ٦٧
ودشيت تكنولوجيا دبلوم وصرت مساعد مهندس
وطلعت بجيد
الحين ابي اكمل هندسه لقيت جامعه الامريكيه تقبل ٦٠ وفوق عالثانويه مالت التطبيقي انقعها احسن

بس خايفه من التعليم العالي يقولون لي لا عشان نسبتي

واذا بكمل بره يقبلوني والتعليم العالي يعادل المواد اقصد يوافق

اليوم سالت وقالو بس نرضا حق علمي وخريجين تكنولوجيا


ودي ادرس بالكويت مابي بره واخذ ريلي وبنتي وخدامتي وريلي يطلع بنص راتب

وعندنا التزامات

وسالت البعثات قالت شعر ١١ نبطل

اخاف مانقبل اعيد رابعه ثانوي بهالفتره عالاقل اضمن نفسي وايييب معدل من الاول

ودام هالسنه بتروح علي


ولا اسافر برررره شرايكم