بعد القيصريه شنو أحسن ؟

[:: Diva ::]

السلام عليكم


حبيباتي ولدي قبل سنتين و 4 شهور يبته بقيصريه
حاليا حامل بآخر الثاني و من الاسبوع الياي ادخل الثالث


في مجال للطبيعيه ؟


و اذا ما ابي طبيعيه :eh_s(2)::eh_s(2):
اهو صج الفطره السليمه

بس جربت السيزيرين و عواره و نفاسه
اخاف اجرب شي يدييد و خياط يدييد في مكان يدييد !!
و عمليات يدييده :eh_s(2):

اطلب من الاطبا سيزرين ؟ و لا اخليها على الله ؟
اااه نفسيتي تعبانه والله احاتي
ودي طبيعيه لان من اسمها اهي الطريقه الطبيعيه للولاده
بس تجربتي السابقه قيصريه و مع انها اعقد و اصعب و كان فيها مضاعفات
الا اني ارتحت لها اخاف :eh_s(2):


شالحل ؟

 

[قمري]

انا نفسج الولاده السابقه قيصريه من سنتين والحين حامل بالثامن

وعلى كلام الدكتوره بحاول فيج طبيعي وكل شي بيد الله وربج كريم قلت لها ابي قيصريه مابي اتعذب نفس الولاده اللي طافت بس للاسف رفضت قالت لي احسن لج طبيعي وبحاول فيج

عسى الله يفرجها علينا ونولد طبيعي يااااااااااااااااااااااااااااارب

 

[كتالونيه]

هلا حبيبتي ليش والده قيصريه
لازم تراجعين دكتور معين علشان يقولج
شلون تولدين طبيعي

 

[رماح العز]

شتبين بالعمليه00000000 ترى لها مضاعفات00000 يصير فيها مع الوقت التصاقات000 ويصير في جدار الرحم ترقق0000 يعني يصبح الرحم ضعيف

خالتي جابت 3 عملية بالعرض000 الرابع قالولها بنشقج بالطول 0000 لان الجرح ما يتحمل00وقالها الدكتور خلاص لا تحملين لان الرحم ما راح يتحمل0000

نصيحه اذا في مجال ابعدي عن العمليات

 

[مس لوتس]

لا والف لا للقيصريه ياكثر مخاطرها وانتي بنفسج قلتي طبيعي من اسمه طبيعي واهي الفطره ع الاقل طبيعي جم يوم الم خياط وطبعا بعض الدكاتره خياطه مايعور شاطر اما العمليه اااااخ ليه اخر عمرج تعورج ترا مرت خالي سوت عمليه وبعد 15سنه تبطلت ليش لانها بس شالت الزوليه��

والله يسهل علينا ونولد طبيعي

 

[english muffin]

لا لا صلي عالنبي لاتخافين
اذا الدكتورة ماقالت سيزرين خلج عالطبيعي

 

["*آآآنؤؤؤقهـ*"]

حرام عليج
لاتطلبين من نفسج. قيصريه
ماتدرين لو تولدين طبيعي ومافي احسن منها ولاده
الوساويس فينا فينا بس شسوي القيصريه عذاب عانيت منها
وللحين لي سنه و٨ شهور متعبتني مكانهاا ،، الحمدلله والشكر
بس ادعس ربج انج تولدين طبيعي وتصدقي بنيه الولاده السهله
وبسهلها ربج ..

الله يتمم عليج وتولدبن بسلامه

 

[زين ودلال]

حبيبتي اذا وضعج يسمح للطبيعي لاتفكرين تطلبين قيصريه

الله يسهل عليج ان شاء الله ويكتبلج اللي فيه الخير

 

[ايمانو حلوة]

ديفووو حبي انتي شوفي شنو اسباب القيصرية السابقة
واذا الدكتورة قالج في مجال تولدين طبيعي فاكيييييييييييد الطبيعي اللللللللللللف مرة افضل العملية مو شوية والله تعانين شهووور من الالم واااي ذكرتيني والله يتتمم لج علي خير وتولدين بالسلامة حبي موااااه

 

[انجبر قلبي]

الله يهون عليج يارب

انا والدة قيصري ةمو سهله بصراحة اتمنى الله يرزقني بيبي 2 و يكون طبيعي ادعولي

القيصري اتخرع خصوصا اذا ورا بعض

الله يكتب لج اللي فيه الخير

 

[:: Diva ::]

انا نفسج الولاده السابقه قيصريه من سنتين والحين حامل بالثامن

وعلى كلام الدكتوره بحاول فيج طبيعي وكل شي بيد الله وربج كريم قلت لها ابي قيصريه مابي اتعذب نفس الولاده اللي طافت بس للاسف رفضت قالت لي احسن لج طبيعي وبحاول فيج

عسى الله يفرجها علينا ونولد طبيعي يااااااااااااااااااااااااااااارب

الله يسهل عليج حبيبتي و يارب تولدين طبيعيه
و مشكوره وايد على الرد

 

[:: Diva ::]

هلا حبيبتي ليش والده قيصريه
لازم تراجعين دكتور معين علشان يقولج
شلون تولدين طبيعي

حبيبتي لاني كنت رابطه عنق الرحم لا يطيح البيبي بسبب الاجهاض المنذر و المشيمه النازله
و سبحان الله بالسابع انفج الماي كله و لا رضا يفتح الرحم لين تعب وليدي :eh_s(2):


امممممم الاسبوع الياي لا كملت الاسبوع التاسع علشان اسمع نبض البيبي ان شالله
اكلم الطبيب اشوف شنو يقول

 

[:: Diva ::]

شتبين بالعمليه00000000 ترى لها مضاعفات00000 يصير فيها مع الوقت التصاقات000 ويصير في جدار الرحم ترقق0000 يعني يصبح الرحم ضعيف

خالتي جابت 3 عملية بالعرض000 الرابع قالولها بنشقج بالطول 0000 لان الجرح ما يتحمل00وقالها الدكتور خلاص لا تحملين لان الرحم ما راح يتحمل0000

نصيحه اذا في مجال ابعدي عن العمليات

يمااااا
شلون بالطول ما عمري سمعت بقيصريه بالطول !!
مشكوره حبيبتي على النصيحه

 

[:: Diva ::]

لا والف لا للقيصريه ياكثر مخاطرها وانتي بنفسج قلتي طبيعي من اسمه طبيعي واهي الفطره ع الاقل طبيعي جم يوم الم خياط وطبعا بعض الدكاتره خياطه مايعور شاطر اما العمليه اااااخ ليه اخر عمرج تعورج ترا مرت خالي سوت عمليه وبعد 15سنه تبطلت ليش لانها بس شالت الزوليه��

والله يسهل علينا ونولد طبيعي

معقوله 15 سنه !!!
لا اله الا الله


يبي لي اسوي سيرج على الخياط يمكن انا مبالغه شوي بمسألة الخوف :eh_s(16):
مشكوره على الرد و على الدعاء اللهم آمين

 

[:: Diva ::]

لا لا صلي عالنبي لاتخافين
اذا الدكتورة ماقالت سيزرين خلج عالطبيعي

حياتي انقلش
الله يتمم عليج حمالج و يسهل ولادتج
حبيتج و تابعت معاج السليف اول باول
تالي سويت باي باس :d


حبيبتي مشكوره عالتشجيع :*

 

[:: Diva ::]

حرام عليج
لاتطلبين من نفسج. قيصريه
ماتدرين لو تولدين طبيعي ومافي احسن منها ولاده
الوساويس فينا فينا بس شسوي القيصريه عذاب عانيت منها
وللحين لي سنه و٨ شهور متعبتني مكانهاا ،، الحمدلله والشكر
بس ادعس ربج انج تولدين طبيعي وتصدقي بنيه الولاده السهله
وبسهلها ربج ..

الله يتمم عليج وتولدبن بسلامه

تصدقين وعيتيني على الصدقه
سبحان الله اتصدق على كل شي
من حملت للحين ما تصدقت !!!!

لا على سلامة الجنين و لا على الحمل و لا سهالة الولاده
مشكوره حبيبتي وااايد

 

[:: Diva ::]

حبيبتي اذا وضعج يسمح للطبيعي لاتفكرين تطلبين قيصريه

الله يسهل عليج ان شاء الله ويكتبلج اللي فيه الخير

الله يطول لي بعمرج
دعائج غير نفسيتي حسيته من قلب
مشكوره حبيبتي مشكوره وايد

 

[:: Diva ::]

ديفووو حبي انتي شوفي شنو اسباب القيصرية السابقة
واذا الدكتورة قالج في مجال تولدين طبيعي فاكيييييييييييد الطبيعي اللللللللللللف مرة افضل العملية مو شوية والله تعانين شهووور من الالم واااي ذكرتيني والله يتتمم لج علي خير وتولدين بالسلامة حبي موااااه

:eh_s(16)::eh_s(16)::eh_s(16):
قريت ردج والله جنج لامتني
جني سمعت صوتج بالرد !

حبيبتي اموني
الاسباب قلتها ابوي انتي .. عنق الرحم عقب الربط ما رضا يفتح و الماي خلص
و البيبي تعب قلبه و انا تعبت حيل


الله يسلمج ولا يخليني منج و بوستج اردها لج عشر فديتج :eh_s(7):

 

[:: Diva ::]

الله يهون عليج يارب

انا والدة قيصري ةمو سهله بصراحة اتمنى الله يرزقني بيبي 2 و يكون طبيعي ادعولي

القيصري اتخرع خصوصا اذا ورا بعض

الله يكتب لج اللي فيه الخير

يارب يا حبيبي
يرزقج عيالج اليايين كلهم بصحه و سلامه
و ولادات طبيعيه سهله مافيها الا كل عافيه
مشكوره قلبي على الرد و الدعاء

 

[ام اغلى الناس]

الله يتمم عليج
حبيبتي طبعا الطبيعي احسن
مرت ولد خالتي جابت ولدها الثاني بعمليه
الولد صار عمره يمكن 5 سنين وللحين اذا وطت تاخذ شي من الارض بطنها تذبحها
ودايم تشتكي من العمليه