بعد الكونسيلر تصيرلي خطووط تحت الحين

[• الْـڪَـونّتيسَـہٌ «]

السلآم عليكم والرحمه

بنات لاحظت دايما بعد ما احط الكونسييلر ب خمس دقايق تتطلع لي خطوط

او يقلب اللون على رمادي

مع اني استخددم ميكآب نوعيته زينه وماركه واوزعه بشكل متساوي

وانظف ويهي عدل بس مادري ليش هيك ؟

وبليز افيدوني اذا في طريقه حلوه لوضع الكونسيلر خصوصا ان العيد بعد يومين :eh_s(16):

 

[سوسو حبيبتى]

حبيبتي بالنسبه ان اللون بيقلب رمادي معناته ان الدرجه مش مناسبه لك

احسن شي تروحي محل بدون ميكب ويكون متوفر فيه واايد ماركات وتخلي الخبيره تحط لك

ويمدحون الكونسيلر مال كريويلان وميكب فور ايفر الى بيجي باليت الوان اورنج واخضر ووبيج عرفتيه؟.

هادا شكله

وتحطين فوقه بودرة على خفيييييييييييييييف وتكون بودرة سايبه اسمها لوز باودر او لوس باودر حسب نطقك

اممممم

بالنسبه للخطوط شوفي اكيد طريقتك غلط .. انا بحطه بصباعي وعن طريقه الطبطبه

شوفي انا حاولت القي لك فيديو ازاى تحطي ما حصلتش مخصوص للكونسيلر

بس كل الفنانات بيبدوا الفيدوهات بالاساسيات
http://www.youtube.com/watch?v=91-EqPzSiRA

وان شاء الله اكون افادتك

 

[@ DLOO3TAH@]

أب.

 

[brod.a3ssab]

سوسو حبيبتي ماقصرت

 

[Mrs_Orchidia]

مثل ماقالت سوسو ... اللون مو مناسب للونج

اللي ممكن تسوينه انج تحطين شوية .. و توزعينه بصبعج بطريقة الطبطبة
و لا تاخذين لون فاتح يعيني بتفتحين المنطقة .. هذا اللي يخليه يقلب رمادي

 

[تفاصيل الغرابه]

اب اب

 

[sh3oola]

Upppppppppp

 

[سكر_قطر]

شوفي حبيبتي بالنسبة حق الرمادي
لازم تحطين قبلها كونسيلر اورنج
عقب تحطين كونسيلر نوعيته ثابته

وبالسبه للخطوط لازم توزعين بودرة سايبه او منثورة تحت العين بفرشاه صغيره الحجم
نفس فرشاه ماك 224

ان شاء الله افدتج *

 

[خفايا الروح93]

حبيبتي درجة الكونسيلر فاتحة عليك خذي درجة أغمق ،، عن تجربة خذي كريولاين حلو ويستخدموه في المشاغل كثير ،،

 

[خلطات المذهله]

هلا حبيبتي
الخطوط الي تطلع تدل علي ان جلدج جاف
ونصيحه لاتكثرون من استعمال الكونسيلر او ايمكياج في منطقه العين لانه يسرع بالتجاعيد ويعمقها
حاولي ترطبين عيونج يوميا وخصوصا الجو حاليا يميل الي البروده يفضل كريمات عين غنيه وكثيفه تغذي العين وتشد الجلد
خلال فتره بسيطه من العنايه بتلاحظين ان عينج تتقبل المكياج وماتظهر عليها الخطوط ولايتغير لون الكونسيلر
شخصيا استخدم كريم عين محضرته بنفسي مع زيوت مستخلصتها بنفسي راح اكتب قريبا طريقه الاستخلاص علشان الكل يستفيد والكريم يحتوي علي خلاصات اعشاب مهمه مغذيه للجلد
لاتنسين ترطبين عينج بزيت زيتون بين فتره واخري ممتاز

 

[رقـة الاحسـآس]

اول شي وقت ما تكونين فالبيت اهتمي بترطيب هالمكان وااايد ونظفيه من المكياج من ترجعين البيت
وقبل الميك اب بعد لازم تحطين كريم مرطب خفيف

بالنسبه للون مثل ماقالو البنات اكيد الدرجه مب مناسبتنج
وعشان يضبط معاج اللون وعشان ما تحطين زياده عن اللزوم
اول شي وزعي كريم الاساس
بعدين حطي كوركتر ع منطقه الهالات و يكون لون الكوركتر مايل للبرتقالي
وفوقه حطي الكونسيلر
ولا تحطين بالفرشاه لاحظت انه احسن بالاصابع و بطريقه الطبطبه
وفوقه وزعي لوس باودر بفرشاه

ارشح لج كوركتر و كونسيلر بوبي براون
تغطيته حلوه ومب ناشف كريمي شوي