بعد تفكير طويل قررت اني انزل لكم الحقيقه

[princess.78]

صباح الخير بنات

خلوني أقول لكم سالفتي من البدايه للنهايه

انا الحمد لله بصحه وعافية والكل ينظر لي اني جميله
عندي زوج عمرررره ما انتقد او عيب او حتى قارن بيني وبين احد

لأكن انا طمعت وقَعَدت 24 ساعه مجابله المرايا واطلع عيوب بوجهي هذَا يبي له تعديل وَهَذَا يبي له نفخ ومن هالخرابيط
وأقارن نفسي بغيري يووووو دايما آخذ احد من المشاهير واقارن ابي زي خشمها ابي زي رسمه وجهها ابي نفس وجناتها واللسته تطووووول


اول عمليه سويتها بالفكين .. وطبعا كانت اسوء مايكون لان الدكتور سلمني لطلاب متدربين وسوو العمليه لي
مساوؤها
فقدان الإحساس بالفك السفلي
اعوجاج بالذقن
ميلان بالفك العلوي

ولصعوبة العمليه ولأنها مكلفه ماديا ماقصرت اعيدها فقلت ارقع اللي اخترب منها

اعدل خشمي لان الفكين يخلي الخشم يفرش

بحثت وبحثت وبحثت لقيت اعلان هنا بكويتيات لواحد يودي ايران بـ 1100 دينار شامل كل شي ماعدا الوجبات
ورحت وسويت العمليه بـ شهر 7 - 2013

تبون تعرفون الدكتور شسوا بخشمي؟
شال العضروف مره وحده وأعطاني إياه اللي بالنص نزل خشمي اكثر وأكثر
وغير كذا شاله من جهه اكثر من الجهة الثانيه

صرت فلبينيه ضليت أتواصل صاحب العنوان وكل يقولي صبري عليه من 6 شهور لين سنه خشمك بيتغير ماراح يضل نفس الشكل وبعد السنه قالي دفعي لي اذا تبين دكتور غيره او اذا ماتبين تدفعين راح أوديك عندك نفس الدكتور

اكيد مابي نفس الدكتور اولا وثانيا ما اقدر اثق بنفس الشخص انه يوديني عند دكتور ممتاز

ضليت أستشير وأفكر ومجالسه شسوي بعمري

اخر شي سمعت عن دكتور كويتي انه برووووفشينال ونمبر 1 وماحد بالخليج مثل مستواه ولا احد يتجرأ يركب حشوات غيره هو ومتمرس حتى انه ممكن يعدل الأخطاء الطبيه وغيرررره وغيرررره من المدح الباذخ فيه
وتواصلت شخصيا مع العضوه اللي دايما تتكلم عنه وورتني صورها قبل وبعد وكانت حدهااااا متعاونة ماااا أنكر هالشي ابداااا

بعد اكثر من 8 شهور قررت اسوي عمليتي عنده

كالعاده جبت له صوره وحده مشهورة وقلت له ابي فكي تسويه زيها وابيك تعدل خشمي وترسم لي الذقن
وقَعَدت أتصور شكلي الخرافي كيف بيطلع

قلت له فكي مابيه يعرض فقط ينرسم
وخشمي يتعدل وينلم
والذقن يتحدد

بيوم العمليه أكدت عليه ان مااااابي فكي يعرض
قالي اكيد الويه العريض مو حلو للحريم
الميدبورو اللي طلبته لك فقط لتحديد الفك مو للتعريض


سويت العمليه وطلعت بالسلامه
من سويتها لي اللحين 3 شهور

تبون تعرفون البروفشنااااال شنو سواااا؟

الحشوات تعريض للفكين وجهي صاير شكبره واعوجاج الفك وضح اكثر صار خد وخد
خشمي تشوفين القص بالضبط وين قاص وين مَخيط
لما اطالع فتحات خشمي أحسه اني لما ارفعه بينشال من كثر مو القص وااااااااااااااضح

غيررررر هذا كله ابتسامتي تغيرت ومادري ليش!!! ولما أتكلم أسناني ماتبين نهااااااائيااااااا فقط السنين السفليين اااااه يالقهر ع التعب والخسارة

وازيدكم من الشعر بيت
تذكرون الإيراني اللي شال غضروف من جهه وخلاه الثانيه ماشاله؟؟ الدكتور الكويتي بدل لايكحلها عماها صار الفرق حدددددده وااااضح وكأني مطقوقه ع خشمي
وفتحت الأنف اليمنى فيها ورمه صغيره لما قلت له عنها قالي استخدمي هالمرهم وبتزول
والله وكيلكم للحين الورمه بخشمي وللحين خشمي يعورني وخلي احد يحركه اموووووت من الألم


لو يرجع فيني الزمن وااااالله ما أغير ولااااااشي ولااااااشي

راح انزل لكم الصور عشان تشوفون المساوئ
اجي بعدل شي يخترب شي ثاني

عمري كله مادخلت عمليات لمرض وعشان تجميل وخرابيط سويت 3 عمليات

وزوجي ياعمري يدفع من عرق جبينه وغير هذا كله يبات معاي بالمستشفى ويتحملني اذا بديت اتشكى

ياما وياما يقولي انا موراضي ع هالعملية لأكن ماببخل عليك


بنات نصيحة من قلللللللب لااااااا احد يلعب بعمره عشان عمليات انتي ماتضمنين نتيجتها
اذا شفتي بنت توفقت بعمليه انتي ماتضمنين انج بتصيرين نفس نتيجتها
وثانيا شيدريج؟ يمكن هالبنت قاعده تسوي له داعيه وتتقاضى عليها عموله؟


حمدي الله ع نعمه الصحه وكل بنت ولها جمالها الخاص

بكره بإذن الله راح انزل لكم الصور
انا اللحين كاتبه هالموضوع بالفون

 

[اميره بكلمتي]

ويييييه حبيبتي

ماتشوفين شر ان شاء الله

 

[FANA__3]

الله يكون بعونج اختي .. وانا ضد انه الوحده تسوي تجميل علشان بس تصير بيرفيكت .. اذا خشمج او اي شي ثاني بجمسج مو مأثر عليج نفسيا او اجتماعيا فما له داعي تسوين عملية تجميل .. ويا ليت لو تذكرين لنا اسامي الدكاتره اللي تعاملتي معاهم


وبالنسبه لخشمج فيمكن يبيله زراعة غضروف علشان يتعدل وما يفرش ويصير عريض لانه الغضروف اهو اللي يدعم الخشم ويسنده وما يخليه يصير عريض وله دور بعد بعملية التنفس .. وقبل لا تسوين خشمج واذا كنت حابه تعدلين فكج فأول شي عدلي فكج واذا ان شاء الله تعدل فكج عقب نطري شوي حوالي سنه وبعدين سوي خشمج لاني سمعت انه الخشم يتغير بعد عملية الفك .. فإنتي اول شي سوي الفك وعقبها بعد سنه مثلا سوي الخشم

 

[يا فرحه ما تمت]

الله يكون بعونج اختي يا ليت تذكرين لنا اسامي الدكاتره

 

[princess.78]

فكي سويته بـ ٢٠١٢ او ٢٠١١ مو متذكره والله

والخشم سويته ٢٠١٣

وتحديد الفك وعمليه الخشم توني مسويتهم قبل ٣ شهور ٢٠١٤

يعني تقريبا كل سنه طاقه لي عمليه


الدكاتره

الفك بيشي القرني سلمني لواحد اسمه أيمن العثمان

الخشم الإيراني علي رضا مصباحي

تحديد الفك والخشم هيثم مراد

 

[FANA__3]

اخت برنسيس جربي تروحين للبروفيسور عبدالجليل كلانتر هرمزي بطهران وتاخذين استشارته .. ما شاء الله سمعته زينه والمستشفيات برا يستضيفونه واهو على ما عتقد استشاري تجميل ويسوي عمليات للخشم والفك .. ومكتب سفريات النور تتعامل مع هالدكتور ودكاتره طهران واعتقد مكانهم حولي


وهذا موقع البروفيسور عبدالجليل كلانتر هرمزي

ط¯ع©طھط± ط¹ط¨ط¯ط§ظ„ط¬ظ„غŒظ„ ع©ظ„ط§ظ†طھط± ظ‡ط±ظ…ط²غŒ - ظپظˆظ‚ طھط®طµطµ ط¬ط±ط§ط*غŒ ظ¾ظ„ط§ط³طھغŒع© -

وان شاء الله هالمره تضبط معاج وما تحتاجين لعمليات ثانيه

 

[توتة البحرين]

الله يعينج اختي
بس كان مفروض تسالين عن الدكتوور قبل لا تسوووين اي شي مو تسلمين روحج لاي شخص
يعني مثلا عن سفرة ايران كان مفرووض تجوفي الافضل وماعليج من اللي يسووون حملات ويزينون لج الشي لان كل واحد يبي مصلحته وخاصتا انج بتدفعين لهم

 

[حنانو 89]

حسبي الله علي الغش والخداع ويااارب يااارب الله يجيبلج حقج منهم

 

[princess.78]

هذا خشمي قبل العمليات وقبل عمليه الفك







بعد عمليه الفك






وهنا مع الدكتور الإيراني المحترم اللي شال الغضروف مره وحده ونزل خشمي










وهذا شغل الدكتور البروفشنال ونمر ون بالخليج د هيثم مراد

لاحظو بنات شلون خشمي متقصص من الجنبين وشكل ابتسامتي حييييل تغير مو مثل قبل.

 

[FANA__3]

هالدكتورين مال الخشم ما سووا لج اي تغيير للأحسن لخشمج .. الايراني ما سوا شي بالنسبه للجوانب والعظمه والخليجي خربه بزياده وخاصة للارنبه .. هذا غير انه اثر القص واضح من على الجوانب ومثل ما قلتي تحسين انه لو رفعتي الفتحات اشوي الخشم راح ينشال

مثل ما قلت حاولي تستشيرين البروفيسور عبدالجليل كلانتر هرمزي وهو يسوي عمليه مغلقه بدون خياط

 

[princess.78]

مشكوره حبيبتي
انهد حيلي والله من العمليات
اللحين انا لي ٣ شهور من سويت العمليه خل ارتاح شوي وأنسى الألم والتعب بعدها أفكر شنو أسوي
مع ان النفسيه زززززفت والله

 

[جوري ksa]

اولاً اشكرك على صراحتك ..
نادر ما نشوف موضوع موثق بالصور لنتائج سلبيه على يد هالجزارين اللي يركضون ورا الماده على حساب نفسيات خلق الله
لكن ربك يمهل ولا يهمل .. حسبي الله عليهم دنيا وآخره

شخصياً كنت ناويه اقص الفتحات لكن بعد موضوعك صرفت نظر ..
وفعلاً معاج حق , انا لما امسك جزء بسيط من فتحات الانف واضغطها ضغطه بسيطه يتغير شكل الوجه ككل ويتغير شكل الابتسامه للاسوء
فخليني عالمقرود لا يجيني اللي اقرد منه

وبالنسبه لتعريض الفك انا ناويه اسويها قريب .. ونفس حالتك مجرد تحديد فقط مش تعريض , وناويه عالسيلكون مش الميدبور
لكن خوفتيني بسالفة تأثيرها على شكل الانف !! معقوله تعريض الفك يشكل هالفرق في عرض الارنبه !! انصدمت بصراحه
والحين دخلت حساب د هيثم مراد ولقيته اكد على هالشغله وقال انه تعريض الفكين يزيد من عرض الارنبه بنسبة 10 % !! ..
طيب ما عندك فكره عن سبب هالتأثير ؟ ..
كان المفروض تطلبين من الدكتور انه يوريك الاحجام بحيث تختارين الحجم المناسب وتشوفينه بعينك قبل العمليه ..
وحبيت اعرف بعد ما شفتي النتيجه ورحتي للمراجعه ايش قلتي له وكيف كانت ردة فعله ؟؟؟

عموماً الفكين شليتهم والحمدلله خلصتي منهم , اهم شيء مايكون لهم اثر , جرح , ترهل ؟
وكويس انك شلتي الماده , لان الميدبور ماده على المدى البعيد تترابط مع انسجة الجسم ولو حصل التهاب لا قدر الله يصعب فصلها

وبالنسبه للانف , بسيطه ان شاءالله .. خذي لك استراحة محارب من العمليات هههههه
وبعدها على جده وعند الدكتور عبدالكريم فدا .. شاطر جداً في عمليات ترميم الانف
وتقدرين تشوفين التجارب بالانستقرام تبعه .. وكيف قدر يجمل حالات اسوء من حالتك وبمراحل بفضل الله
والأكيد والاغلب راح يركب لك غظروف جديد ويشكله لك ..
انتي بس هدي وريحي بالك , والله يكون بالعون واهم شيء سلامتك من كل هالعمليات

 

[جوري ksa]

من حساب الدكتور عبدالكريم فدا .. ترميم لاخطاء عمليات سابقه

 

[دلوعة 1992]

حبيبتي اذا تحبين من تجربتي الخاصة الدكتور اللي ساويت عنده بتركيا اسطنبول عالمي و عمستوى يعمل للممثلين ابي افيدك هاد رقم المترجم تبعه الله يوفقك و يعطيكي النتائج اللي يتمناها قلبج
00905535506406
واتس اب
وانشاء الله بتلقي اللي تتمنيه عنده انا كمان دورت كتير لحتى لاقيت انه بتركيا مستوى الطب عال واسعارهم عادية مثلهم مثل الباقي انا سويت عمليتي ب 930 دينار تقريبا ومع ليلة بالمشفى

 

[غفوة رحيل]

من جد عانيتي كثير الله يسهل لك الحمد الله على كل حال أنتظري اخر عمليه لك شوفي النتيجه كيف

 

[ريم زوجةالغالي]

أسأل الله العظيم رب العرش العظيم أن يسخر لك الدكتور الصالح الذي يعيد اليك الصحة والابتسامة والرضا..

قلوبنا معك الغالية..

بس جد موضوعج يخلي الوحدة تفكر مليون مرة

 

[1001]

الله يصلح بالج
دام زوجج عاجبه ومو متضايق خلاص بلاها العمليات كوني قنوعه

 

[ام عبدالله والريم]

فديتج والله تعبتى ونفسيتج تعبت وصراحه لج حق تزعلين
لان فعلا الخشم مخترب كلش لو تبين نصيحتى روحى لندن او تركيا بيصلحون لج الخشم والفك مع بعض فى عمليه واحده وان شاء الله بيتعدل الخشم والفك وكل هالالام والمعاناه بتصير عندج مجرد ذكرى