بعد سنه و اربع شهور و اسبوعين و ست ايام .. سؤال

[:: Diva ::]

رد: رد : بعد سنه و اربع شهور و اسبوعين و ست ايام .. سؤال

انا للاسف بلشت اتوهم




عوار بالصدر
لاني عرفت اني حامل اول مره
بعوار حلمتي




شكرا بنات على الرد
احتمال ازرق باجر اسوي التحليل
عالاقل اطلع من هالحيره الي انا فيها

اللة يكتب لك اللي فية الخير

اللة ياالدنيا

ناس ميتة تبي بيبي وناس ميتة ماتبي بيبي <<<<<سبحان اللة

اختي توج متزوجه 5 شهور
الله يرزقج بدال الطفل 10


الله يالدنيا
ناس ميته ماتبي بيبي

لان حمالي عسر وصعب و اقضيه كله كاااااااااااااااااااااامل
بالمشتشفى و اربط عنق الرحم و مع الربط اولد مبجر و فتح بطن
و اعاني من اجهاض منذر من الشهر الثاني
و نزول المشيمه من الشهر الرابع
و مع الربط ولدت بالسابع
و توني مسويه عملية تحويل مسار معده صار لي 7 شهور
ما اكل و ضعيفه و ما عندي امتصاص للفيتامينات
يعني مو مستعده للحمل
اول ياهل بعز المتن وزنه كيلوين بالغصب
نتفه و بالشيشه
فما بالج الحين بعد العمليه !



ماكان ودي اشرح كل هذا
بس ضايقني ردج
جني بطرانه على النعمه و ميته بدون اسباب منطقيه !!

 

[محبوبه]

حبيبتي لا تضايقين ولا شي
في المنتدى اشكال و اصناف

بس انا من رايي سوي اختبار الكلوركس
ترى مجرب

 

[انا حبه للابد]

رد : بعد سنه و اربع شهور و اسبوعين و ست ايام .. سؤال

عن تجربه تحليل الدم ماراح يبين انا اب اخر حمله قالو ماكو حمل وعقب طلعت حامل
والله يكتب لج اللي فيه الخير والصالح

 

[غلاي غير]

احتماااااااااال كبير اذا الله راد انج حامل لان اعرف وحده ماشاء الله حملت 10 يوم من الدوره
وقولي اللهم اسالك الخيره بالامر

 

[chanel N22]

الله يكتبلج الخيره ويكتبلنا الخيره يارب

 

[:: Diva ::]

حبيبتي لا تضايقين ولا شي
في المنتدى اشكال و اصناف

بس انا من رايي سوي اختبار الكلوركس
ترى مجرب

حياتي انتي
انا اساسا نفسيتي تعبانه
احس بس كنت ابي ينقزني و انبط لوووووووول



اختبار الكلوريكس ماضبط بحمالي الاول
بس نسيت تكرمين اتبول على كلوريكس اذا صار في تفاعل يعني حامل ؟


مو مبجر ؟ و لا يضبط بهالوقت ؟

 

[:: Diva ::]

خواتي فديت قلبكم
شكرا على الردود و على الاقتراحات و الدعاوي الحلوه
عسى الله يبارك فيكم و بذريتكم يارب



اممممممم قررت اخليها على الله
انطر بعد لين يصير وقتها
نزلت كان بها ما نزلت احلل
و اكيد كل شي ربي كاتبه لي فيه خيره

 

[كويتيه مذهله 87]

أحس تو الناس علي التحليل شووفي بعد اسبوع وحللي ولا تتوترين اخذي مانع مره ثانيه

,,,

 

[محبوبه]

هلا ياقلبي
اي الطريقة بالضبط مثل ماتعرفينها
انا جربتها بحمالي اللي فات وضبطت معاي
جربي منتي خسرانه

وعسى الله يكتبلج ولي اللي فيه الخير
:yaaaaaarb::yaaaaaarb::yaaaaaarb:

 

[محبوبه]

وبالنسبة لحالتج النفسية
ادري وحاسة فيج والله
بس اهم شي لهي عمرج باي شي
طلعي غيري جو
شبكي نت على مواضيع جديدة
حاولي تشيلين الوسواس عنج

وترى الدنيا حلوة
وحتى لوضروفج مو مهيئة يبقى الحمل نعمة حلوة
واحلى هدية من الرحمن :rerrerek:

قرقت على راسج بس تبقى الدنيا حلوة :ggdw:

 

[ScarletteO'Hara]

حبيبتي على شنو مستعيلة خليها على الله
لا تحاتين شي الا لما تتأخر دورتج عليج
ما اتوقع اي تحليل يبين الحين حتى الهرموني تو الناس
ريحي راسج الحين و بعدين يحلها الف حلال

 

[om al ghaleen]

امم تو الناس ع التحليل نطري اسبوع وحللي والله يكتب اللي فيه الخير
ذكرتيني ببجرج اتذكر غصب بين حملج مااشاء الله الايام تركض
ولا تحاتين حبيبتي "

\\

 

[بنت ذآك الأمير!]

رد : بعد سنه و اربع شهور و اسبوعين و ست ايام .. سؤال

سمعتي عن طريقه قريتها بالمنتدى..
تكرمين تبولين وتخليه بالعلبه 8 ساعات اذا صار فيه خيوط بيضه جنها قطن ونفس السحاب يعني حامل واذا لا يعني مو حامل..
والله يكتبلج اللي فيه الخير..

 

[أم حمد =)]

رد : بعد سنه و اربع شهور و اسبوعين و ست ايام .. سؤال

الله يكتبلج الي فيه الخير

 

[ديانا سبنسر]

الله يكتبلج اللي فيه الخير

 

[اطياب طيبه.أم عبدالله]

ام علي حبيبتي

انا يمكن اربع مرات احمل واكون مو مستعده بس احمد ربي واشكره

وكلي امرج لله وربي يهون عليج ان كنتي حامل وان لا ربي يكتب لج حمال سليم وسهل بوقت ثاني

شوفي من خبرتي اعرف اني حامل قبل موعد الدوره والتحليل من عده اشياء

تكرمين البول غامق وريحته قويه

عصبيه ونرفزه خصوصا على ريلج واللى يمونون عليج

نوم باوقات غريبه مثلا قاعده بالصاله تطالعين تلفزيون فجأه نمتي .. مثلا

اسهال تكرمين او قرف من ريحه الاكل والريحه القويه

حساسيه زايده وكله ودج تبجين

هذا اللي اذكره واي شي بلغيني بالتلفون حبيبتي

 

[Tom ♥ Jerry]

رد : بعد سنه و اربع شهور و اسبوعين و ست ايام .. سؤال

.


حياتي اخذي هاذا الي بالصيدليه مآل الحمل
مضمون و يعطيج النتيجه الآكيده و مآ يبيله شي و تأكدي

الله يكتبلج الي فيه الخير