بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[miss oman]

السلام عليكم يا حلوات انا وزني 80
الطول 158
ابي اكون وياكم واوصل لل 40

 

[سوسن مالك]

السلام عليكم ورحمة الله رجعت بعد الغياب وودي كلكم ترجعون للتجمع لان الثمانينات عنيدة ولازم لها تشجيع :eh_s(7):

 

[سوسن مالك]

ظليت ادور على التجمع لين لقيته نبي نشجع بعض نبي نفتك من الثمانين صج تقلقصنا فيها

 

[سوسن مالك]

الحمد لله احس ارجعت لي الارادة ومعزمة باذن الله اكسر الثمانين لان اذا متذكرين في بداية التجمع قلت لكم كانت لي تجربة ناجحة ونزلت اكثر من عشرين كيلو بس للاسف ما حافظت على النزول بسبب الحمل والولادة لاخر العنقود الله يهديه ويصلحه واخوانه وعيالكم وعيال المسلمين:yaaaaaarb:

 

[سوسن مالك]

في نظامي السابق اعتمدت ثلاث وجبات باليوم بس صحية وابتعدت عن المقالي والحلويات والكاكاو اللي اموت فيه والوجبة عبارة عن 2 توست بر وبيضة مسلوقة او شريحة جبن او ملعقة لبنة وتفاحة هذا للفطور وتنفع للعشا وفي الغدا بعد 2توست وسلطة وربع دجاجة اوسمكة صغيرة انا ما اميل للرز كثير وهذا ساعدني ولله الحمد وبعد كل وجبة كوب شاي اخضر بالنعناع وامشي قبل كل وجبة نص ساعة واحيانا قبل الغدا ساعة والعشا قبل السبع وبعد السبع ما فيه اكل ونزل وزني بسرعة وتغيرت مقاساتي وان شاء الله انجح هالمرة واثبت وزني وما ارجع امتن من اليوم 15 شعبان ببتدي ان شاء الله التخفيف بس الرياضة حدي نص ساعة قبل الفطور او قبل الغدا بس ما اقدر اكثر لان رجلي تعورني من المسمار ومع كثرة المشي تزيد ابي انزل وزن بالراحة ماني مستعجلة لو خلال سنة اوصل للمثالي مو مشكلة علشان بعد ما يصير ترهل لان قبل صار لي ترهل لان نزولي سريع وبس معتمدة على المشي ما سويت تمارين تشد والله يوفق الجميع :yaaaaaarb:

 

[سوسن مالك]

هلا وغلا باحلى رشيقاااات متقلقصات مثلي بالثمانين وينكم كلش لا حس ولا خبر وينكم وين التشجيع :eh_s(2):
الله يسهل يارب