بعد 4 سنوات صلع بالمقدمه , بحثت وبحثت , وبعد 5 شهور الكل يسأل وين صلعتك ؟ وش هالشعر

[رُۈحَ ۈ رْيحَآن]

السلام عليكم ورحمه الله وبركاته

أول شي : مبارك عليكم الشهر حبايبي والله يبلغنا رمضان لافاقدين ولامفقودين


لقيت هالموضوع وبستخدم اللي كاتبته البنت بموضوعها لانه منقول
وحبيت تستفيدون معاي
واللي تفيدها تدعيلي ان يرجع شعري مثل أول واحسن :eh_s(2):
والله يحقق امنياتي و الله يرضى علي
واللي تبي تسال صاحبة الموضوع الأصلي تكتب بقوقل :

بعد 4 سنوات صلع بالمقدمه , بحثت وبحثت , وبعد 5 شهور الكل يسأل وين صلعتك ؟ وش هالشعر ؟

وراح يطلع لها الموضوع وصاحبة الموضوع اسمها :ماريـــآ..!

جزاها الله خير والله يرحم امها ويغفر لها ويرزقها السعادة والتوفيج ويبعد عنها الحسد ويسعدها بشعرها ويرزقنا جميعاً



----------------







ماشاء الله تبارك الله ......


.


.


السلام عليكم ورحمة الله وبركاتهـ




خواتي هذا أول موضوع لي بقسم الشعر , بعد ماكنت مجرد قارئه لأكثر من 4 سنوااات


انا بنت عمري 20 سنه ... من دخلت الـ 17 بثالث ثانوي .. ولعبت بشعري ورجيم ورى رجييم .. وصار لي صلع بالمقدمه

أعتزلت الطلللعات من الفشله لحد ماشرت لي امي الله يرحمهاا توبيك هير لتغطية الفراغات وقتها بديت اطلع .. لكن في البيت أظللل صلعاااء !!!

المهم بدون ما أطول وأقص لكم معآناتي لأن مع أحترامي للجميع محد راح يفهمها !!! لأن حلاة البنت بشعرها وانا مااعندي شعر !!

جربت كل شيء.. كل دوا .. كل دكتور جلديه .. كل خلطه .. كل حنا .. كل زيييت !!

مكانك سرررر

كانوا الدكاتره يقولون لي وراااثه لأن كل شيء سلييييييييم


وكل ما أستخدمت زيووت يطييح شعري بالهبل لأنه دهني .. والدهني معرووف اذا حطيتي عليه زيووت تتعب الشعره وتطيح

المهم

توفت امي قبل 7 شهور وزاد الصلع في شهررر ...


الكل يمدح خواتي لأن شعوره عن 5 شعور بدون مبالغه .. لكن أنا مع اني أجملهم ماحد يمدحني لان مافيه شعر ....!



وجااء الألهااااااااااام

قبل 5 شهور وانا اتصفح النت وادور شيء يكثف الشعر لأن صار لي سنه مهمله شعري خلاص زهقت من التجاارب .. كأني فار تجارب


فكرت لحظه ؟؟؟!! وش هو أكثر شيء يمدحونه لنمووووو الشعر ؟

قلت وأكيد بتقولون بنفسكم :

1- الجرجير
2 - السدر
3 - الثوم
4 - نواة التمر
5 - الصباار
6 - الكثيررا

وأهم زيتيين عيهم مدح .. وتجااارب .. وينمون الشعر بدون مايطيحون الشعر الدهني ؟؟

1- دابر أملا
2 - جنين القمح

أوكي !!! كتبتهم بمفكره على جمب


شوي قلت وش هو الفيتامين والبخااخ الطبيعيين اللي أكثر الدكاتر أمدحوهم ؟


أحسن فيتامين للشعر معرووووووووفييييييييين :
1- هيردال (( مايسممن وينبت الشعر ))
2- سترس تاب (( يفتح الشهيه وعلى قولتهم يسمن اللي عنده معلومه يقولها !! وينبت الشعر أنباات فضيييييع ))

كلهم ينبتون الشعر من تجارب شفتها بعيني ومن كلام الأطبااء وأبووي (( دكتور جلديه بس للبشره مو الشعر ))
وسترس تاب أستخدمته من زمان يومين ووقفته لما سمعت انه يسمن مع انه أفود من هير دال بعد


وأحســـن بخااخ شعر بعد معروووين :
1- ريجن 2% ( او منوكسيدل 2% ) كلهم نفس بعض مع أختلاف المسمى
2 - فوركابييل من الأعشااااب

طبعا ريجن كيميائي ومجرد ماتتركينه يطيح الشعر يعني لازم تستخدمينه طول العمر ( مو يوميا طبعا .. مجرد مايطلع الشعر كل أسبوع مره بس علشان مايحس شعرك انه فاقده )
مع كذاا يطلللع الشعررر .. أخوي صلعاء أقرع وقيرع على قولتهم .. الحين شعره مافي اكثف منه بس له 3 سنوات وماتركه

اما فوركابيل .. فهو طبيعي من الأعشاب .. واذا تركتييه مايطيح شعرك .. وينبببببت الشعر بس بمده أطول من ريجن .. يعني مفعوله أخف .. بس مرره ممتاز أقيمه 95 من 100



الحين خلصت من أبحاااثي اللي أكتسبتها من خبره مدتها 4 سنوات .. ومن أطباء ما أقدر احصيهم .. ومن النت .. ومن الوالد طبعا .. ومن التجااارب من أقاربي ....

أتمنى تخلونه كمرجع أذا ماتبون تستخدمون اللي أستخدمته ..


نجي للبدايه ..
1- شريت هيردال لأنه مايسمن
2 - شريت فوركابيل لأنه طبيعي
3- سويتي لي خلطه مكوناتها من البيت ( بالخلاط حطيت حزمة جرجير مع شوية مويه ونواة التمر المطحونه وفصين ثوم مع الماده اللي داخل الصبار والكثيرا بعد مانقعتها ليوم كامل وصارت مثل الجلي وشوية دابر املا وشوية زيت جنين القمح وخلططططتهم كلهم وحطيتهم بعلبه وعلى طول ع الثلاجه - جبت طاسه وحطيت فيها مويه مغليه وكبيت كمه كبيره من السدر وخلطته وغطيته بفوطه وخليته يتخمررر )

يعني حطيت كل اللي أكتشفت انه ينبت الشعر

نجي للتطبيق :
- كل يوم لجيت أنام أبخ لي من الفوركابيل وآكل حبة من الهيردال
- 3 مراات في الأسبوع أحط بشعري من الخلطه ... آخذ ملعقتن من السدر المخمر مع شويه من الخلطه اللي بالثلاجه واخلطهم واحطهم .. أنتظر ساعتين واغسله بشااامبوو صانسيلك .. وانشفه وادلك بخفه بالفوووطه
- أمشطه كل يوم علشان مايتشابك .. لأن التشااابك يطيح الشعر


بعد 5 شهور فققققققققققط :

- الفراغاااااات والصلع تغطااااااااااااااا
- شعر كثيييف
- شعرر طووووووويل
- لمعااااااااااااااااان
- بدوون تقصف
- نعوووومة في الشعررر
- الشعر يصرررررررررخ انااااااااااا صحـــــــــــي

وللحين مستمره .. ولأول مره من 4 سنوات اشوووف شعر حقيقي ماشاء الله تبارك الله
من جد ماتوقعت ان شعري بيرجع وبيصير احسن من أول هذاا بفضــــــــــل ربي


وكل من سألني أقوووله على طول لأني ما أحب الأنانيه .. مثل ما أستفدت ابي الكل يستفييد

وكل العايله أنتشرت هالخلطه عندها سموها خلطة مآريا هههههه حسيت اني مخترعه الذره من كثر الشهره اللي صارت لي في العايله .. حتى عيال خالي اللي اتغطى عنهم يتصلون على أخواني يسألونهم << وصلهم الخبر

أتمنــــــــى أني رتبت الموضوع بشكل تستفيدون منه حتى لو ماطبقتوه !!..


ماشاء الله تبارك الله .. لاتنسون تذكرون الله

وما أبي منكم الا دعوه بالتوفيق والسعاده .. وأن الله يرحم أمي ويغفر لها

 

[رُۈحَ ۈ رْيحَآن]

هذي وحده ناقله موضوعها وحاطه بتوقيعها هالكلام
​

شفتووا كل هالمووضوووع اختي من بعد ماشاافته اسستخدمت بسس البخااخ فوركابيل
وششعرها اللحيين ما تتخيلوووووووووون كثاافته وانتم ابحثووو وشوفووا ايش راح يطلع لكم .,,,

حبيت اقووولكم عن هالبخااخ وما ابي غيرر تدعوون لي ربي يحقق لك ما اتمنى عااجلا غير اجل ويششفي امي وابووي .,,,

 

[رُۈحَ ۈ رْيحَآن]

بكتب لكم ردودها عالبنات جزاها الله خير

 

[رُۈحَ ۈ رْيحَآن]

الله يسعدكم على هالدعوات الحلوه ^^


برد على استفساراتكم .. آسفه اذا كان فيه شيء مو واضح مع اني حاولت اكتب كللللل شيء ..


سترس تاب وش سالفته؟؟
يعني فور كابيل بخاخ مثل الريجن؟؟
والريجن ماستخدمتيه؟؟

سترس تاب فيتامينات مثل ماكتبت مفيده بس تفتح الشهيه بقوه يعني اذا نحيفه خذيها مفيده للشعر
الريجن لااا لانه مؤقت انا ابي شيء دائم
فوركابيل ايه بخاخ بس طبيعي بالأعشاااب

 

[ranh]

ماشاء الله
تسلمين على هذه المعلومات المفيده

 

[رُۈحَ ۈ رْيحَآن]

بس أبسألك من فين نجيب الصبار ؟؟؟

انا خذته من بيتنا ههههههه .. كل حديقتنا صباااااااااااار ... سألت لك ابوي قال اشتريها من حدائق السلطان في الدمام

 

[رُۈحَ ۈ رْيحَآن]

اختي الخلطة انتي تسويها كمية وتستخدمها كذا مره يعني كل اسبوع تسوي كمية

والخلطة والسدر تحتفظي فيهم بالثلاجة

انا استخدمها أسبوعين ثلاثه .. على حسب طول وكمية الشعر ^^

الخلطه بالثلاجه .. والسدر احطه بغرفتي يتخمرر واخليييه.. بس لاجيت اخذ منه اخلطه بالقوه لانه بيصير جامد نوعا مااا .. بعد على حسب كمية المويه المغليه اللي خلطتيه معه

 

[رُۈحَ ۈ رْيحَآن]

ياليت تساعديني بطريقتك هاذي اذا كانت مضمونه ومتى لاحظتي تحسن ؟؟
أكييد مضمونه بأذن الله هذا انتي شفتي تجربتي بعييينك
وكل شهر الاحظ تحسن أكثر من اللي قبله لما بعد 5 شهور صار اللي يشوفني ومايعرفني مايتوقع اني مريت بحالة صلع اصلا ماشاء الله
وو لاحظتي كل مكونات خلطتي هم الأشياء اللي تنبت فقط .. بس جمتهاا
الله يفرجها عليك علميني برنامجك بالضبط ووش تنصحيني اسوي ؟؟؟؟
برنامجي مثل اللي كتبت بالضبط .. وسوي مثلي وتغذي زين .. واذا عندك حلول زياده سويها معه .. زيادة الخير خيرين
والله ينبت شعرك وشعوور كل البنات يارب

ويارب يسعدك مع زوجك ويشوووف عيوبك جمااااااال آآمين

 

[حبيبه ببي]

ياارت هالموضوع نخشه للعضوه اوبرا مسكينه

 

[رُۈحَ ۈ رْيحَآن]

ما اتوقع ان الصلعه الى عندج نفس الي عندي انا جربت كل شي وما فايدة وعايشة باحراج مو طبيعي قدام زوجي وما يشوف شعري الا قليل انا استخدم بخاخ المينكسوديل 5% عن طريق وصفه دكتور والشعر لعب بوجهي لعب وصارلي الحين شهرين بس ما شفت شي واكل حبوب هير فيت لانها خفيفة على معدتي بالله عليج اذكري تفاصيل الخلطة بالمقادير كم من الكثيرة والزيت والصبار وما تخرب بالثلاجة والسدر اخلطه معاهم واحطه بالثلاجة ولا اسوية لبغيت احط الخلطة اتمنى انج تردين على استفساراتي والله ما تدرين شنو حالتي النفسية الله يرضى عليج دنياواخره

حتى انا ما اتوقع ان الصلع اللي عندك نفسسي .. لان انا شيء مو طبيييعي ما اتوقع اي شخص بالعالم مثلي الا الرجااال

البخاخ اللي تستخدمينه ذكرته بالموضوع اه زين بس كيميائي ومؤقت
الخلطه نفس اللي كتبتها .. وصراحه ما اتقيد بكميه معينه بس بالنظر .. بس الأغلب الثوم فصين والجرجير صررره .. وجنين القمح ودابر املا نص بياله لكل واحد منهم الصبار قطعة صباره وحده والكثيرا مقدار كوب والنواه مقدار بياله .. والسدر ما اقدر احدد اكب وبسس المهم يكون كثييير لانه لوحده ماراح ينخلط منه الا كل مره بتحطين بشعرك ملعقتين ملعقتين

 

[شذي الفردوس]

مشكوره جه موضوعج بوقته ربي يسعدج...
حبيبتي من وين ناخذ البخاخ
يعني متوفر بالصدليات؟ وجم سعره؟

 

[رُۈحَ ۈ رْيحَآن]

السدرتنقعينه وتحطينه في الثلاجه ولاكل ماتحطين الخلطه تنقعينه

انقعه واخليه برى في غرفتي بس بغطيه بشيء .. كل ماتخمر كل ماصار احسن

طيب حبيبتي الشعر تغسليه كل يوم ؟
نوى التمر محموس وكم كميته ؟
السدر يكون في الثلاجه بعد ما يتخمر ؟
الصبار من وين جبتيه ؟

كل يومين مره تقريبا على حسب المزاج
محموس كميته بياله تقريبا
الباقي جاوبت عليه فووق

 

[رُۈحَ ۈ رْيحَآن]

ربي يسعدكم بنااات على دعواتكم

ودي ارد عليكم وحده وحده .. بس مشكله الأختبارات مافيه وقت


برد على الأسئله اللي اتذكرها .. سواء هنا او على الخاااص .. لان مافيه وقت ارد على الرساائل

- الهيردال مايسمممن عن تجربه انا ماسمنت

- الفوركابيل اشتريه من اي صيدليه انا أشتريته من الدواء

- السدر تقدرين تسوين كميه بسيطه منه قبل ماتحطون الخلطه بنص ساعه وتخلونه يخمر بهالنص ساعه بعدها تخلطونه مع ملعقتين من الخلطه ... يعني مو لازم تسوون كميه كبيره وتخلونه يخمررر
انا لأني ما احب كل مره اخمره سويته مره وحده .. ولا أخترررب لأن غرفتي دايم بااارده

- اللي سألتني عن تونيك السورسير .. امي الله يرحمها جربته وما استفاادت .. انا انصحك بالفوركابيل اضمن

- كل شيء بالعالم مايجي بسهوله يحتاج له جهد وصبر .. واذا كنا نبيه بنصير على ما نااخذه .... يعني حطوا الخلطه ولا تفكرون كثير اعتبروه شيء يومي مثل شرب المويه والأكل ... وبدون ماتحسون بتشوفون شعركم متحسن

- الصبار تلقونه عند محلات الزراعه الطبيعيه .. اللي يبيعون أشجار وورد طبيعي

- الكثيرا تلقوونها عند العطارين وهي مشهووره .. اكتبوا عن طريقتها بجوجل وتطلع لكم

- دابر املااا النوع العادي .. اللي غطاه أخضر وعليه صورة بنت شعرها طويل .. ما ادري اصلا ان فيه أنواع

- زيت جنين القمح من وادي النحل بـ 50 ريال تقريبا

- اللي تقول زيت الكثيرا وزيت الصبار .. لااا انا ما اقصد زيووت انا اقصد صبار وكثيرا طبيعيه .... الزيوت في الخلطه .. دابر املا وجنين القمح .. فققققققققققطط

- الكميات بالنظر مالازم تلتزمون بكميه محدده ... واللي تسأل عن مقدار المويه مع الجرجير ما ادري السدر .. انا ما احط بكاس .. انا احطه من الحنفيه مباشره .. المهم تكون كميه بسيطه

- الخلطه ماتخرب لو حطيتوها بالثلاجه لا تخافون


اتمنى قدرت اجاوب على كل الأسئله ^^

 

[رُۈحَ ۈ رْيحَآن]

هلا اختي طيب قبل تستخدمين الخلطه اخذتي ابر بالراس او حبوب كرتزون؟؟؟؟؟؟؟؟؟؟؟؟
وانا تساقط شعري وانا حامل مره طاح شي موطبيعي
وانا على وشك اولد اذا ولدة وش رايك اروح للمستشفى اواستعمل الخلطه والحبوب والبخاخ واخاف مايصلح للنفاس؟؟؟؟؟
لاني رحت للمستشفى قال مااقدر اعطيك شي لين تولدين.............انا حيل نفسيتي تعباااااااااااااانه وحاسه فيك..
واذا عادي تعطيني رقمك ثابت اوجوال علشان اذا مالقيت الصبار باخذ من عندكم واعطيكم حقه..ارجوك ردي با قرب فرصه انتظرررررررررررررررك

ام جنااا

مافهمت ليه اخذ حبوب كرتزون ؟؟؟

خذت ابر الميزوثروبي اللي بالراس علشان يكثر الشعر ولا فيه فايده

والحامل ترى طبيعي يطيح الشعر بعدييين يرجع .. ومع طريقتي يرجع اسررررع واكثف ..

والخلطه والبخاخ والحبوب كلهم طبيعييين يعني مايأثرون .. الخلطه لو لاحظتي مكوناتها عاديه مو كيماويه علشان تأثر ع الحمل .. والبخاخ نفس الشي من الأعشاب .. والحبوب عباره عن فيتامينات لا أكثررر


والصبااار تلقيييينه بكل اماااكن الزررررع ياكثررررررررررررره

اتمنى أفدتك ^^

 

[رُۈحَ ۈ رْيحَآن]

اللهم آآميـــــــــــــــــــــــــن

حبايب قلبي ربي يسعدكم على هالدعوات

واعتذر لكل اللي وضع استفسار هنا او أرسل على الخاص ولا رديت عليه
بس وقتي مايسمح

وصدقووني لتصفحتوا الموضوع بتلقون جواب لكل استفسارانكم !!

بالنسبه لأهم سؤالين ..
1- الصبااااار .. طريقة فتحه .. تلبسين قفازات سميكه وتقصينه بـ سكين حاااااده وكبيره وتطلعين الماده اللي داخله
2- السدر .. للي قالوا يتعفن .. متأكدين انه سدر يمني اصلي ؟؟ ... اذا متأكدين وبرضوا تعفن .. خلاص خمروه في نفس اليوم اللي بتحطون الخلطه وأنحلت المشكله ^^

 

[رُۈحَ ۈ رْيحَآن]

جمعت لكم كل الاسئلة

دعواتكم يرد شعري احسن من اول
:eh_s(2):
​

 

[رُۈحَ ۈ رْيحَآن]

ماشاء الله
تسلمين على هذه المعلومات المفيده

الله يسلمج حبيبتي

ياارت هالموضوع نخشه للعضوه اوبرا مسكينه

اي والله ياليت لانها اهي و العضوة (مزاجية) هذا موضوعها نفس مشكلتي :eh_s(2):
صور شعري دخلو بلييييييز

 

[رقـة الاحسـآس]

مشكوره يزاج الله خير
والله يرحم امها و ينول البنيه مرادها يارب

انا حاليا مسويه خلطه جرجير و زيت سمسم
الصراحه اخاف من الثوم
الاشيا الحاره ما تناسب الكل

 

[سـمـو الآمـجـاد]

ما شاء الله

بس حبيتي بسألك الكثيرا ما تناسب شعري عادي استغني عنهااا؟؟

 

[رُۈحَ ۈ رْيحَآن]

مشكوره يزاج الله خير
والله يرحم امها و ينول البنيه مرادها يارب

انا حاليا مسويه خلطه جرجير و زيت سمسم
الصراحه اخاف من الثوم
الاشيا الحاره ما تناسب الكل

العفو حبيبتي امين واجمعين ،، حتى انا اخاف بس يقولون الثوم يطيح الشعر بعدين ينبته

ما شاء الله

بس حبيتي بسألك الكثيرا ما تناسب شعري عادي استغني عنهااا؟؟

حياتي انا موصاحبه الموضوع انا ناقلته لكم
بس اذا ماتناسبج استبدليها بالحنه او السدر

الحنه تنشف الشعر ضيفي لها زيوت عشان ماتيبسه ويصير خشن وهم السدر والسدر
يقولون اول شي يطيحه وبعدين ينبته