بعرف شي واحد بس!

[حواء الكون]

انا عندي اغراض واااااااااااااايد وماحب اخليها بمكان احد يتعبث فيها

يعني اغراض من العطار والجمعيه وادوات عنايه

الحين ماكو مكان عندي انتوا اشلون ترتبونهم ؟؟

تخصصون لهم غرفه او مكان ؟؟ شنو تسوون بالضبط

انا مو عارفه شسوي في اشياء وايد عندي وما انتهت صلاحيتها وهم ابي استخدمها بس مسوين علي زحمه

شنو الحل

 

[* مـذهـلـه *]

انا مسويتلي تكرمين بالحمام ارفف من الطوفه لي الطوفه تقريبا خمس ارفف و حاطه فيهم كل حوستي و خلطاتي و سوالف الحواج و بجذي مرتاحه عشان الدار ماتصير حوسه ..

اذا حمامج يكفي ناديلج احد يسويلج رفوف و افتكي ..

ان شاء الله عطيتج الحل ​

 

[ضحكة الدنيا]

انا حاطتلى سله على شكل ارفف بالحمام وحاطه فيها كل خلطاتى وكريماتى
وسوالف الحواج بس هم يبيلى وحده ثانيه شكلها انترست

 

[حواء الكون]

مشكورين بعد عمري على هالافكار الحلوووووووووه

بس مذهله منو سوا لج الارفف ؟ من وين يعني

وحبيت اعرف الحنا والاعشاب والسدر وين تحطينها نفس الاماكن

؟

ولو حبيت احط سوالف اكل ما اكل برا الثلاجه يكونون خاصين لي وين احطهم احترت بجد محتاجه افكار الثلاجه ماتكفي كل شي

 

[supermarket]

تقدرين تحطيلج خزانة برة الحمام تكرمين ( عند الباب)

واللي تبينه دخليه معاج

 

[محظوظه ومحبوبه]

وان عندى نفس المشكله والى زادها ان شغالتى ايدها اطول منها اشى تستعمله كلمتها ان هذولى حق استخداماتى بس ماكو فايده مره كانت اتنظف الحمام وكان الباب مفتوح اشوى فتحته واى المزيونه فاتحه شعرها وتحط فاشكول بكل ثقه شسوى مادرى

 

[جكورة]

أنا حاطـه بالحمام ( تكرميــن ) الأدراج البلاستيـــك اللي يكونون أربع فوق بعــض وحاطه كل الخلطات والزيوت وحمامات الزيـت وهالسوالف....

 

[وسن 11]

شوفي يا قلبي اذا مطبخج كبير خصصي درج للحنا والسد والمره والحرمل والشبه والشغلات اللي مثل جذي
اما الكريمات والسنفرات حطيه لج صيدليه بالحمام وحطيهم فيها احسن لج

 

[الغاليه نونو]

تقدرون تشترون رفوف من ايكيا والا تسووون كبت المونيوم وفيه مفتاح علشان الخدم مايتعبثون باغراضكم وبعدين بسألكم سؤاااااااااااال اشلون تخلون الخدم يدخلون حماماتكم وغرف نوومكم يسنعونها لكم؟؟؟؟؟؟؟؟؟؟؟


لو أموووت والله بحياتي ماخليت الخدامه تنظف لي الحمام والا غرفتي حتي ملابسي الداخليه انااغسلهم واشرهم بالحمام تكرمون وبدلاتي السنعه اوديها المصبغه وثياب البيت بالبيت اغسلهم

 

[[]نهاوند[]]

انا حاطه درج بلاستيك فيه 5 ادراج برا الحمام تكرمين وحاطه فيه كل العد ومقسمتهم كل درج لشي معين
يعني درج للشامبو ودرج للصابون ودرج لحمامات الزيت ودرج للكريمات والخلطات

اما الكريمات اللي استخدمها يوميا حاطتها على المنظره مع الفرش ومعجون الاسنان​