1- الاغنيه الدائريه لنوال السعدوي
الروايه ماعتبرها روايه شخابيط مافهمت منها شيء ابد
2-
جيشا لارثر غولدن
يتكلم عن سايوري الطفله اللي تعيش في قريه صغيره وتعيش حياة فقيره
لين تنقل اهي واختها لتعليمها على حياة الجيشا
اختها تشتغل عاهره واهي تشتغل وتتعلم لين لين تصير جيشا يعني فنانه تتقن اكثر من فن
الروايه وايد حلوه وتعرفك عن بعض عادات اليابانين وبعض احوالهم
عيبها التفاصيل الممله غي كل شيء
3-شياجكو لعلاء الاسواني
تتكلم عن مجموعه من الشباب المصريين اللي تنتقل الى ولايه شيكاجو والتغيرات اللي تصير لهم من خلال الغربه
روايه حلوه وطريقة العر حلوه
بس ماعجبتني فيها اباحيه كبيره وتفاصيل جنسيه كثيره
4- الملعونه اميره المضحي
تحكي قصه حب تدور احداثها في شرق المملكه في منطقة القطيف
القصه اعجبتني وحلوه
بس اللغه فيها ركاكه والاسلوب ضعيف
5-بنات ايران ناهيد رشلان
ناهيد رشلان تتكلم عن سيرتها الذاتيه وعيشتها عند خالتها المتدينه
وبعدين انتقالها الى بيت والدها وانها تكره العيش ولا تتاقلم معها لين تنجح في الخروج للدراسه والزواج في الخارج
روايه حلوه بس فيها تطويل يحسس بالملل
6-الهديه لدنيال ستيل
روايه حلوه ومشوقه بس اللي يقهرني في روايات دانيال انه كلهم على نفس المنوال والنهايات معروفه
بس في هالروايه النهايه مختلفه
تتكلم عن عايله تفقد طفلتها بمرض وتنهار الاسره وتتشتت
ويعوضهم الله بهديه اخرى تغير حياتهم
7- مذكراتي في سجن النساء لنوال السعدوي
نوال السعدوي تحكي قصة سجنها ومعانتها في السجنن وتفاصيل كثيره تخليك تتخيلين الاحداث حقيقيه القصه واقعيه واللغه سلسه
روايه مشوقه وحلوه لدرجه قريتها بسرعه
8- انا كارنينا
تحكي قصة آنا اللي تزوجت من واحد اكبر منها وحاولت تتاقلم معاه عشان ابنها
بعدين تتغير نظرتها عندما تلتقي بالرجل اللي تحبه وتخون زوجها معاه
روايه حلوه بس قهرني بصراحه زوجها هاغبي على اللي سوته وموراضي يطلقها <<<جني تفاعلت
9- نيران صديقه لعلاء الاسواني
مجموعه قصصيه
بعضها اعجبني بس مو الكل لاني ماحب المجموعات القصصيه احب اقرا روايات اكثر
اتمنى القى تفاعل منكم عشان اقدر اضيف كتب اخرى
ودي اقرى جيشا بس تقولين وايد تفاصيلها تملل 
