بنات السلام عليكم
من زمان و أنا ودي أكتب ها الموضوع و بصراحة زهقت من سوالف الحب و الغرام و هجرني و ميتة عليه و كاشت فيني و ما أدري شنهو
أدري إني كبرت على ها السوالف بس هذا ما يمنع إنكم إنتو الشباب تعطون شوية وقت لقضايا أهم من الحب
لقضايا الوطن ،، الكويت
بغض النظر عن موقف بعض الأخوات من ترشيح المرأة و توزيرها ،، الواقع الآن عندنا 4 نائبات و ربي يزيدهم
تخيلوا إنهم الأربع قاعدين يتلقون رسائلكم ،،،
أو حتى وحدة منهم متخفية و عضوة بالمنتدى ( أكيد مو أنا )
أقول تخيلوا ،،، طيب شنهي الرسالة اللي بنوجهها لهم ؟؟ شنهي مطالبنا ؟؟؟
أتمنى نكون إيجابيات و نشارك في عملية بناء ها الوطن اللي صار له سنين متراجع للأسف و الناس فيه حايشتهم الكآبة و التخاذل
بنات شاركوا في بناء الكويت و كل وحدة تكتب شنهي مطالبها : للمرأة ،، للطفل ،، لكبار السن ،، للمعاقين ،، للموظفة ،، للسوق ،، للشعائر الدينية ، للتعليم و الصحة و الكهربا و الداخلية و الأمن و كل ما يتعلق فينا ككويتيين و لبلدنا الحبيب
حطوا آمالكم لكويت الغد و نظرتكم لمعالجة بعض النواقص و الأخطاء
شاركوا برايكم في اللي نحتاجه
و ببدأ بنفسي
أنا عندي سلسلة طويلة من الطلبات بوزعها على حلقات ،، يعني بسوي مسلسل
بس ببدأ بطلب إنساني نسائي بحت
بما أن جواز السفر حق لصيق بصاحبه و لا منعه عنه ( مثل ما يقولون المحاكم )
إذن لابد من منح المرأة الكويتية جواز سفر دون اشتراط حضور و موافقة الزوج إذا كانت متزوجة
و بصراحة هذا امتهان للمرأة و الرجل على حد سواء
الرجل اللي يقول حق زوجته لا تسافرين و تكشت فيه و ما يطلقها مو رجل و المرأة اللي تسوي جذيه أكيد بايعة ها الزوج
و بالتالي الأصل الإباحة بدون شروط و على الزوج اللي تنشز زوجته معالجة الموقف بشكل خاص
ناطرة أسمع طلباتكم و مقترحاتكم
و تكفون مهي هوشة ،، نبي نقاش هادف
مو مهم نتفق بس المهم ما نصير أعداء و نحط جدام عيوننا الكويت و بس
من زمان و أنا ودي أكتب ها الموضوع و بصراحة زهقت من سوالف الحب و الغرام و هجرني و ميتة عليه و كاشت فيني و ما أدري شنهو
أدري إني كبرت على ها السوالف بس هذا ما يمنع إنكم إنتو الشباب تعطون شوية وقت لقضايا أهم من الحب
لقضايا الوطن ،، الكويت
بغض النظر عن موقف بعض الأخوات من ترشيح المرأة و توزيرها ،، الواقع الآن عندنا 4 نائبات و ربي يزيدهم
تخيلوا إنهم الأربع قاعدين يتلقون رسائلكم ،،،
أو حتى وحدة منهم متخفية و عضوة بالمنتدى ( أكيد مو أنا )
أقول تخيلوا ،،، طيب شنهي الرسالة اللي بنوجهها لهم ؟؟ شنهي مطالبنا ؟؟؟
أتمنى نكون إيجابيات و نشارك في عملية بناء ها الوطن اللي صار له سنين متراجع للأسف و الناس فيه حايشتهم الكآبة و التخاذل
بنات شاركوا في بناء الكويت و كل وحدة تكتب شنهي مطالبها : للمرأة ،، للطفل ،، لكبار السن ،، للمعاقين ،، للموظفة ،، للسوق ،، للشعائر الدينية ، للتعليم و الصحة و الكهربا و الداخلية و الأمن و كل ما يتعلق فينا ككويتيين و لبلدنا الحبيب
حطوا آمالكم لكويت الغد و نظرتكم لمعالجة بعض النواقص و الأخطاء
شاركوا برايكم في اللي نحتاجه
و ببدأ بنفسي
أنا عندي سلسلة طويلة من الطلبات بوزعها على حلقات ،، يعني بسوي مسلسل
بس ببدأ بطلب إنساني نسائي بحت
بما أن جواز السفر حق لصيق بصاحبه و لا منعه عنه ( مثل ما يقولون المحاكم )
إذن لابد من منح المرأة الكويتية جواز سفر دون اشتراط حضور و موافقة الزوج إذا كانت متزوجة
و بصراحة هذا امتهان للمرأة و الرجل على حد سواء
الرجل اللي يقول حق زوجته لا تسافرين و تكشت فيه و ما يطلقها مو رجل و المرأة اللي تسوي جذيه أكيد بايعة ها الزوج
و بالتالي الأصل الإباحة بدون شروط و على الزوج اللي تنشز زوجته معالجة الموقف بشكل خاص
ناطرة أسمع طلباتكم و مقترحاتكم
و تكفون مهي هوشة ،، نبي نقاش هادف
مو مهم نتفق بس المهم ما نصير أعداء و نحط جدام عيوننا الكويت و بس
