بغيت آخذ رايكم منو احسن بنك ابطل في حساب توفير

[bent_7awa]

صباااااخ الورد بنات
شلونكم ؟ شخباركم؟
انا ماادري اذا موضوعي صح مكانه والا لا ...
المهم السالفه ان انا عندي جم فلس وقلت بخشهم بحساب بالبنك عشان مااصرفهم لان انا نوعي ماتقعد بيدي فلوس "صريفه"
فقلت شنو احسن بنك افتح فيه حساب مثل هالنوعية يعني مجرد اني احط فيه فلوس واسحب وبس فحبيت آآخذ رايكم وتساعدوني

 

[bnt_7waa]

هلا والله بسميتي لوول


انا ارشح التمويل لانج تكونين ضامنه فلوسج ابنك حلال

 

[خشف المطران]

التمويل .. بس مو حساب توفير


لالا .. لان حساب التوفير يبيله 140 دينار جنه . تدفعين لهم . .

حطيلج حساب ثاني بأسمج .. وكسري البطاقه وسوي تحويل من راتبج لها إستقطاع شهري ..

والداخل للحساب مفقود و الخارج مولود ههههههه ... << فلم رعب

عشان لا تاخذين ولا فلس منه ..
وبس سلامتج وتعيشين .. .

أي أوامر تانيه ؟؟

 

[سحيله_الحلوه]

التمويل عشان الفوايد حلال

 

[bent_7awa]

bnt_7waa هلا بج اكثر ياحياتي اي انا قلت بعد التمويل خوش واحد
خشف المطران >>>> انا لازلت طالبه فماعندي راتب ثابت شهريا تمشيلي اعانه والاعانه خبرج يذلونا فيها على ما ينزلونها فمالها وقت محدد تنزل فيه
سحليه_الحلوة>>> يعطيج العافيه حبوبه شكلي خلاص بروح التمويل

 

[Little_Queen]

انا اقول بنك الكويت و الشرق الاوسط


حساب اسمه : حصادي
---------------

لانه ما يعطونج كرت سحب آلي .. لازم تدشين البنك عند الموظف تسحبين


و صج هذا أحسن ش حق التيمع عن تجربة


و ما فيه فوايد أصلا يعني تجميع من أجل التجميع فقططططططططططططط

و نصيحة .. سويه إستقطاع شهري .. يعني قولي حق البنك يستقطعون من اعانتج المبلغ الي حابه تيمعينه كل شهر .. و يحطونه بحسابج اليديد


التيمع يصير بكل سهولة و انتي ما تحسين .. فجأة تجيكين تشوفين عندج جم بيزه حلوين ... احساس عجييب تحسين عندج سند !

 

[Little_Queen]

و خلي الاستقطاع كل 23 من الشهر !

لأنه الاعانه تنزل بين 17 و 22 .. ما تتأخر عن جذي ...

23 .. قبل لا تتفرتك و تطير

 

[RUoOoMA]

انا بالنسبة لي افضل بنت للاعانة التمويل اسرع واحد ينزل قبل غيرة وحساب التوفير افتحية ببنك الوطني يمدحونة

 

[KillY 7aLA ^_*]

انا الي اعرفه اكثر حساب فايدة في بنك الخليج نسبة حلوة يمدحونها اسم الحساب E-saiving

 

[شيهانه]

نصيحه لوجه الله ابعدي عن البنوك الربويه والله مال تعرفين انه محطوط في مكان يمشي بشرع الله احسن الف مره من بنك لا يعرف الحلال ولا الحرام كافي لا دخلتي بيت التمويل فيه قسم نسائي مو الوطني الي يقعد يمك ريال ما يستحي على ويهه .. وااي حده مأرف هل الشعور

 

[مساء مونترو]

التمويل .. بس مو حساب توفير


لالا .. لان حساب التوفير يبيله 140 دينار جنه . تدفعين لهم . .

حطيلج حساب ثاني بأسمج .. وكسري البطاقه وسوي تحويل من راتبج لها إستقطاع شهري ..

والداخل للحساب مفقود و الخارج مولود ههههههه ... << فلم رعب

عشان لا تاخذين ولا فلس منه ..
وبس سلامتج وتعيشين .. .

أي أوامر تانيه ؟؟

انا معاج ..
لاتفجين حساب باسم التوفير راح ياخ>ون منج فلوس ..
وصح كلامج كسري البطاقة وه>ا اللي الحين راح اسوية

 

[فووفوو]

بنك بوبيان حلوووووو

 

[smecha]

اهم شي الفلوس انها تكون حلال
كلش و لا فلوس الحرام و الربا و الفوايد
انتبهي و اختاري بنك اسلامي .. في بنوك وايد غير التمويل
بس هذا اشهرها

 

[كيوت_25]

بيت التمويل الكويتي

حساباتهم تبدأ من دينار

و حساب التوفير عندهم يبدا من 100

 

[أم@الحلوين]

الوطني