بـديــت اســتــخــف !!

[عسل حدي]

رب لا تذرني فردا وانت خير الوارثين

 

[a77sas '3alee]

مشكورين بنات فعلاً ماقصرتوا ومو غريبه عليكم ياكويتيات :*

انا ابوي مطلق امي ( ماله وجود بحياتنا للاسف ) للي تسأل ، واذا تبون شخصيتي قويه صدقووني مليت وانا اتكلم واقول ومحد يسمعني ومرات ودي ارد بس شرد شقول ؟ مالكم شغل فينا !! انا مابي احد يروح حق امي يقولها بناتج وبناتج بعدين سبق وذكرتلكم انه امي تشتغل دوامين فوق الهم ازيدها هم ؟ المفروض احس فيها مو اتشكى دايماً يدتي تعبت وانا اقولها حبيبتي خليني اهتم باختي وانتي الي تبينه يصير ومن هالكلام بس اذن من طين اذن من عيين !! وع الرجيم هم نفس السالفه ابلش معاها وتييي يدتي تخرب ، والي تقولي خرعيها اقولج انيي ياما خرعت بس خلاص ماقامت تخاف تدري اني مارح اسويلها شي ، والي اتقولي زفي بنات خالاتج اقولج ابي ازفهم تيي اختي تبجي الله يخليج لا بعدين مايحبوني وينكسر خاطري ولما رحت بزف قامت القيامه علي من خالاتي !! ومشكورين كويتيات يارب يحقق لكم الي ابالكم ولا يحرمكم من الي تبون

 

[a77sas '3alee]

بردتوا جبدي بردودكم ان شاء الله اسوي الي قلتولي عنه ، والله يوفقنا جميعاً

 

[كوريا وبس]

والله ماشاء الله عليج شخصيتج قوية وحلوة
واله مافيي منج اللهه يخليكم لبعض
والله ماني عارفة شقول لج بس الله يعينج على هل البلاوي
نفس مشكلتنا مادري ليش بنات الخالات يسوون مشاكل طبعا مو كلهم بس نفس حالتي وحالتج
خالاتنا واهل امي لااااااااااااا تعلييييق
ويدتج مارااح ترتاح الا لما تشوف وزن اختج 150 ههههههههه
الله يهدي الجميع

 

[a77sas '3alee]

^ بالضبط


الله يعينا جميعاً بأذن الله ، وان شاء الله ايسر اموري واموركم يا كويتيات :*

 

[طموحه بزياده]

الله يكون بعونج

 

[حياتي مختلفه]

انتي اخت رائعه
والله يكون بعونج
واللي غاثينج بس عطيهم نظره تكرهم بنفسهم .. واختج استخدمي معاها نظام المكافاه ..وكلمي جدتج بهدووء وانشاءالله تفهم واختج اذا عاندتج ازعلي عليها راح تندم وتسمع كلامج

 

[a77sas '3alee]

^ ان شاء الله ، امس قعدت ويا اختي وخرعتها شوي قتلها عن عذاب يوم القيامه اذا ما صلت وقتلها اذا صليتي اسبوع كامل وماقطعتي والصلاة بوقتها بعطيج هديه وايد حلوه ، وجان توافق والحمدالله بس يدتي لا حول ولا قوة للحين :s

 

[سلطانه q8]

انتي انسانه رائعه ماشاء الله

والله يفرج همج ويسير امورج انتي واختج وترجع لكم الوالده سلامه يارب

اما بخصوص خالاتج وجدتج حاولي تقعدين معاهم وتبينين موقفج وقولي لهم اللي بخاطرج بدون صراخ لان ماايده صراحه مهما

صار هذول اهل الغاليه الوالده والخالات والجده مثل الام

اما اختج والوزن الزايد في فكره تخلينها تاكل اللي تبيه بس بكميه اقل وهذا النظام مجربته بنت عمي مع اختها عمرها 13 سنه تقريبا

قبل كانت شلون متينه واللحين ماشاء الله والحمد الله صارت احسن المهم النظام هو

تعرفين الصينيه اللي تجي مقسمه مربعات او دوائر تحطين الاكل على هالكميه الدوائر او تجيبين قوطي الروب مثلا العيش على قياس القوطي وتحطينه بصحنها بس

وقليلي الاكلات الخفيفه مثل الشبس وهالخرابيط خليها تاكلها مره في اليوم عن نفسها

وان شاء الله اكون ساعدتج بالتوفيق يارب

 

[قَلبڪْ صًخرْ]

واضح انج راقيه*
كلمي اختج قولي احنا خوات مالنا غير بعض
شوفي فلانه حيل مع اختها وثانيه وثالثه
وابدي معاها رجيم ،، قولي لصحتج عشان تصير احلا من حلاج ،، ويدتج دام وصلت هالعمر بيكون راسها ايبس من الحصا ،، مالج الا تقوين علاقتج باختج ووضحي بان هذيلا مايحبونها كثرج ،،، واذا عالاكل والله لو اتاخر بالغدا بس اخلي الخدامه تطبخ الي ابيه ،، في ناس تمشي بالعناد وشكلج اهلج لازم تقوين نفسج عشان تمشين الي تبين ،،*


الله يوفقج