سلام عليكم ورحمة الله وبركاتة
باركولي يا احلى كويتيات ولدت وجبت بنوته سميتها رتاج
تاريخ 15/11 يوم عرفة
راح اكتب لكم قصتي عشان اقول لكم من كثر ما كنت خايفه من الولاده الحمدالله بفضل ربي كل شي صار سهل علي
اول شي تاريخ 14/11 كنت رايحه زوارة بيت اهل ريلي كنت تعبانه ويجيلي عوار بما انه انا بجر ما كنت عارفه انها ولاده عبالي تجاديم لانه ماصارلي اسبوعين داشة شهري المهم كان يجيلي عوار وماكنت قادرة اقعد تقريبا نفس عوار الدورة وانا من كثر ماكنت مستحيه اتالم جدام حمولتي كنت كل شوي اروح الحمام وانتو بكرامة اتألم هناك واطلع عاد رديت البيت وانا نفسيتي حييييل تعبانه من الثقل والتعب والارهاق وماكنت انام عدل غير دخلت الحمام وانتو بكرامة عاد رديت البيت وقعت اتحلطم على ريلي ومليت ومن هل حجي ويقول لي صبري مابقى شي الي صبرج كل 9 اشهر يصبرج هل جم يوم عاد قعت على نت اكلم البنات تجمع شهر 11 ومرة وحده وانا قاعده اسولف حسيت ماي ينزل علي من الخرعة نطيت وقفة وريلي اخترع قال لي شفيج قلت له مادري رحت الحمام لحقني واشوف هدومي كلهم ماي قلت له شنو هذا قال لي يلا يا بابا هذا ماي الياهل تبطل امشي نروح المستشفى وانا اقول له لا قاعد تتغشمر معاي صح عاد قعد يقولي الحين وقت غشمرة من كثر ماكنت مرتبكه قلت اول شي خل اتسبح بعدين قال لي اوك يلا ناطرج دشيت الحمام بس انا مختنقه وخايفه طلعت من الحمام قلت له لا مابي اخاف ابي امي خذيت تلفوني ودقيت على امي اسألها نايمة جان تقول لي لا ناطرتج عشان نتسحر عشان باجر نصوم لاني كنت ناوية اصوم قلت لها يمه بقول لج شي لاتخافين قالت لي شنو قلت لها قاعد ينزل مني ماي قالت لي صج لاتخافين ومن هل حجي تعالي خل نروح الطبيب قلت لها اوك بس البس عباتي واجيلج وبعدها دقيت على خواتي وقلت لهم وبعدها لبست ورحنا بيت امي خذيناها اهيه واختي الكبيرة ووطلع ورانه عمي واختي الثانيه سبقتني على صباح طبعا طول الطريج وانا من الخوف ساكته وبس اضحك مادري شصار فيني المهم وصلنه الصباح ودخلوني قالت لي يلا فحص وانا اول مرة افحص ولا تقول لي مفتوحه 2 سانتي بس طبعا عورتني واهيه تفحص بس صرخت وعقبها قعت اقول ما سهلأ اله ما جعلته لي سهلأ وبعدها سلمت على اهلي واهمه خايفين وانا خايفه وساكته محد كان مصدق اني بولد من كثر ما كنت هاديه واسكت امي عشان لاتبجي واسكت خواتي بس وقت الي بقو ياخذوني غرفة الولادة ماقدرت اتحمل قعت ابجي واوصي امي اذا ولدت ومت ادير بالها على بننتي المهم الكل كل كان يبجي وقلت لهم قبل لا اروح بشوف ريلي وشفته وباس راسي ووصاني على نفسي وقال لي كلمة وخلتني ابجي وايد قال لي سارة انا ناطرج مو تخليني بروحي ماقدر اعيش من غيرج المهم صعدوني فوق عطوني حقنه الشرجيه وبعدها قالت لي تبين ابرة الظهر قالت لها مابي ابي كمام قالت لي مافي كمام تبين ابرة الظهر في عاد كان في وحده معاي في غرفة الولادة نصحتني اخذها قالت لي راح تتعبين وايد قلت هم اوك ابيها وانا طلقي كان بارد وحطولي طلق صناعي وبدء معاي العور الي صج ماقدرت اتحمل بس ماكنت اصرخ مع كل عوار كنت ادعي حق الي اعرفهم واقرا قران وادعي المهم طبعا على ساعة 12 بليل انبط الماي والحجي هذا على ساعة 3 الفير بعدها خذيت الابرة وكان دكتور صبور معاي حتى الممرضات كانو وايد زينين معاي المهم الابرة مااثرت بسرعه وطولت عاد اهوه قال لي بقزج مرة ثانيه عشان اتأكد انه مافيج عوار المهم قزاني ثاني مرة وقال لي عشان كنتي تتحركين ماقزيتها اول مرة عدل بعدها ماكنت احس بشي راح الدكتور قعت اسولف مع الي معاي في غرفة الولادة قعدنه نسولف واهيه تقول لي ماشاءالله عليج صبورة وايد مع كل عوار كنت تدعين قلت لها الحمدالله على كل حال المهم على ساعة 5 الفير فحصوني ولا مفتوحة 5 سانتي وراحت الطبيبه عاد بعدها بشوي كنت احس بضغط تحت عبالي من البربيش ناديت الممرضه وقلت لها في ضغط تحت يمكن البربيش طلع من مكانة ولاتفحصني سبحان الله خلال نص ساعه مفتوحه 9 سانتي قالت لي ماما انتي ولاده خلاص وقال لي الحين مع كل ضغط الي يجيلج سوي بوش وانا ادعي ربي ربي سهل علي الامور ربي هون علي الولاده وكل شوي انسى الدعاء اقول حق الي عندي شنو كنت ادعي واهيه تقول لي كل شوي انسى المهم على ساعه 6 وعشر دقايق ولدت ويبت بنتي طبعا تعبت بس كنت كله ارجف واقول لهم بردانه على اخر شي قلت ياالهي وعلى هل كلمة بنتي طلعت بس ماسمعت بجيها وانا دايخه واسال بيبي في شي ليش مافي كراي قمت اخربط عربي على انجليزي وبعدها سمعت بنتي تبجي فديت صوتها بس شفتها قعت ابجي فديتها اول ماشافتني مديتلي بوزها ورتني وقالت لي بنت وخذتها وبعدها ردت سوتلي مساج طلعت المشيمة وبعدها راحت وبعدها بشوي يالي دكتور الخياط طبعا نفسية ومعصب مادري على شنو واهوه يخيط اقول له دكتور احس بعوار الابرة والخيط احس فيهم واهوه يقول انتي ماخذه ابرة شلون تحسين ومن هل حجي وكل شوي يقول لي رخي نفسج ويزفني عاد انا ماتحملت قلت له انت شحقة تزف كلمني عدل جان يقول لي انا متى زفيتج يماما رخي نفسج عشان اخلص شغلي والمهم قلت له اوك وانا ادعي بقلبي بس عشان يخلص طبعا عوار موطبيعي خلص قلت له مشكور قال لي العفو ومشى وبعدها ودوني غرفة الملاحظ عشان يطوف علي ساعتين يودوني الجناح وانا كل شوي اقول لهم يبولي بنتي واهمه مايابولي البنية بعدها ساعة 9 الصبح ودوني الجناح شفت اهلي قعت ابجي يمه انا تعبانه ومن هل حجي وادور على ريلي اهوه راح يسوي بلاغ مال الولادة رحت الحمام غسلت وبدلت مع اختي وانا طالعه من الحمام دخت وممرضات كلهم تجمعو علي كنت بطيح بس ريلي شافني ويالي ركض وشالني ودوني غرفتي طبعا ماطولت في المستشفى بسرعة طلعت وانا الحين بيت امي طبعا دعيت حق الكل الي حامل يسهل عليها الولاده والي محرمة يرزقها بضنى ويفرج على الكل وسامحوني طولتها عليكم
باركولي يا احلى كويتيات ولدت وجبت بنوته سميتها رتاج
تاريخ 15/11 يوم عرفة
راح اكتب لكم قصتي عشان اقول لكم من كثر ما كنت خايفه من الولاده الحمدالله بفضل ربي كل شي صار سهل علي
اول شي تاريخ 14/11 كنت رايحه زوارة بيت اهل ريلي كنت تعبانه ويجيلي عوار بما انه انا بجر ما كنت عارفه انها ولاده عبالي تجاديم لانه ماصارلي اسبوعين داشة شهري المهم كان يجيلي عوار وماكنت قادرة اقعد تقريبا نفس عوار الدورة وانا من كثر ماكنت مستحيه اتالم جدام حمولتي كنت كل شوي اروح الحمام وانتو بكرامة اتألم هناك واطلع عاد رديت البيت وانا نفسيتي حييييل تعبانه من الثقل والتعب والارهاق وماكنت انام عدل غير دخلت الحمام وانتو بكرامة عاد رديت البيت وقعت اتحلطم على ريلي ومليت ومن هل حجي ويقول لي صبري مابقى شي الي صبرج كل 9 اشهر يصبرج هل جم يوم عاد قعت على نت اكلم البنات تجمع شهر 11 ومرة وحده وانا قاعده اسولف حسيت ماي ينزل علي من الخرعة نطيت وقفة وريلي اخترع قال لي شفيج قلت له مادري رحت الحمام لحقني واشوف هدومي كلهم ماي قلت له شنو هذا قال لي يلا يا بابا هذا ماي الياهل تبطل امشي نروح المستشفى وانا اقول له لا قاعد تتغشمر معاي صح عاد قعد يقولي الحين وقت غشمرة من كثر ماكنت مرتبكه قلت اول شي خل اتسبح بعدين قال لي اوك يلا ناطرج دشيت الحمام بس انا مختنقه وخايفه طلعت من الحمام قلت له لا مابي اخاف ابي امي خذيت تلفوني ودقيت على امي اسألها نايمة جان تقول لي لا ناطرتج عشان نتسحر عشان باجر نصوم لاني كنت ناوية اصوم قلت لها يمه بقول لج شي لاتخافين قالت لي شنو قلت لها قاعد ينزل مني ماي قالت لي صج لاتخافين ومن هل حجي تعالي خل نروح الطبيب قلت لها اوك بس البس عباتي واجيلج وبعدها دقيت على خواتي وقلت لهم وبعدها لبست ورحنا بيت امي خذيناها اهيه واختي الكبيرة ووطلع ورانه عمي واختي الثانيه سبقتني على صباح طبعا طول الطريج وانا من الخوف ساكته وبس اضحك مادري شصار فيني المهم وصلنه الصباح ودخلوني قالت لي يلا فحص وانا اول مرة افحص ولا تقول لي مفتوحه 2 سانتي بس طبعا عورتني واهيه تفحص بس صرخت وعقبها قعت اقول ما سهلأ اله ما جعلته لي سهلأ وبعدها سلمت على اهلي واهمه خايفين وانا خايفه وساكته محد كان مصدق اني بولد من كثر ما كنت هاديه واسكت امي عشان لاتبجي واسكت خواتي بس وقت الي بقو ياخذوني غرفة الولادة ماقدرت اتحمل قعت ابجي واوصي امي اذا ولدت ومت ادير بالها على بننتي المهم الكل كل كان يبجي وقلت لهم قبل لا اروح بشوف ريلي وشفته وباس راسي ووصاني على نفسي وقال لي كلمة وخلتني ابجي وايد قال لي سارة انا ناطرج مو تخليني بروحي ماقدر اعيش من غيرج المهم صعدوني فوق عطوني حقنه الشرجيه وبعدها قالت لي تبين ابرة الظهر قالت لها مابي ابي كمام قالت لي مافي كمام تبين ابرة الظهر في عاد كان في وحده معاي في غرفة الولادة نصحتني اخذها قالت لي راح تتعبين وايد قلت هم اوك ابيها وانا طلقي كان بارد وحطولي طلق صناعي وبدء معاي العور الي صج ماقدرت اتحمل بس ماكنت اصرخ مع كل عوار كنت ادعي حق الي اعرفهم واقرا قران وادعي المهم طبعا على ساعة 12 بليل انبط الماي والحجي هذا على ساعة 3 الفير بعدها خذيت الابرة وكان دكتور صبور معاي حتى الممرضات كانو وايد زينين معاي المهم الابرة مااثرت بسرعه وطولت عاد اهوه قال لي بقزج مرة ثانيه عشان اتأكد انه مافيج عوار المهم قزاني ثاني مرة وقال لي عشان كنتي تتحركين ماقزيتها اول مرة عدل بعدها ماكنت احس بشي راح الدكتور قعت اسولف مع الي معاي في غرفة الولادة قعدنه نسولف واهيه تقول لي ماشاءالله عليج صبورة وايد مع كل عوار كنت تدعين قلت لها الحمدالله على كل حال المهم على ساعة 5 الفير فحصوني ولا مفتوحة 5 سانتي وراحت الطبيبه عاد بعدها بشوي كنت احس بضغط تحت عبالي من البربيش ناديت الممرضه وقلت لها في ضغط تحت يمكن البربيش طلع من مكانة ولاتفحصني سبحان الله خلال نص ساعه مفتوحه 9 سانتي قالت لي ماما انتي ولاده خلاص وقال لي الحين مع كل ضغط الي يجيلج سوي بوش وانا ادعي ربي ربي سهل علي الامور ربي هون علي الولاده وكل شوي انسى الدعاء اقول حق الي عندي شنو كنت ادعي واهيه تقول لي كل شوي انسى المهم على ساعه 6 وعشر دقايق ولدت ويبت بنتي طبعا تعبت بس كنت كله ارجف واقول لهم بردانه على اخر شي قلت ياالهي وعلى هل كلمة بنتي طلعت بس ماسمعت بجيها وانا دايخه واسال بيبي في شي ليش مافي كراي قمت اخربط عربي على انجليزي وبعدها سمعت بنتي تبجي فديت صوتها بس شفتها قعت ابجي فديتها اول ماشافتني مديتلي بوزها ورتني وقالت لي بنت وخذتها وبعدها ردت سوتلي مساج طلعت المشيمة وبعدها راحت وبعدها بشوي يالي دكتور الخياط طبعا نفسية ومعصب مادري على شنو واهوه يخيط اقول له دكتور احس بعوار الابرة والخيط احس فيهم واهوه يقول انتي ماخذه ابرة شلون تحسين ومن هل حجي وكل شوي يقول لي رخي نفسج ويزفني عاد انا ماتحملت قلت له انت شحقة تزف كلمني عدل جان يقول لي انا متى زفيتج يماما رخي نفسج عشان اخلص شغلي والمهم قلت له اوك وانا ادعي بقلبي بس عشان يخلص طبعا عوار موطبيعي خلص قلت له مشكور قال لي العفو ومشى وبعدها ودوني غرفة الملاحظ عشان يطوف علي ساعتين يودوني الجناح وانا كل شوي اقول لهم يبولي بنتي واهمه مايابولي البنية بعدها ساعة 9 الصبح ودوني الجناح شفت اهلي قعت ابجي يمه انا تعبانه ومن هل حجي وادور على ريلي اهوه راح يسوي بلاغ مال الولادة رحت الحمام غسلت وبدلت مع اختي وانا طالعه من الحمام دخت وممرضات كلهم تجمعو علي كنت بطيح بس ريلي شافني ويالي ركض وشالني ودوني غرفتي طبعا ماطولت في المستشفى بسرعة طلعت وانا الحين بيت امي طبعا دعيت حق الكل الي حامل يسهل عليها الولاده والي محرمة يرزقها بضنى ويفرج على الكل وسامحوني طولتها عليكم
التعديل الأخير:
