بـــــس اللي عيالها"مـطيعين" تدش،،،قوليلنا سر الخلطة @@

[om MaRyooM]

السلااااااام






حيا الله الامهاااات :eh_s(9): المكافحات الصابرات القرندايزراات (يعني قرندايزر ههه)



المهم




بنتي اااااااااااااه من بنتي خلااص مابقى فيني اعصاب حتى شعري قام يحت منها اسمالله عليها


عمرها 3سنين .. عنادية وقوية درجة اولى

كل من يشوفها يقول جذي وكلهم بلسان وااحد يقولولي (الله يعينج على تربيتها اهي بالذات@@ ) :bbbiu:

محد يقدر عليها حتى ابوها
قمت اتبع معاها طرق شوي قامت تلين اللهم لك الحمد

بس للحين تاذيني وماتسمع الكلام عناااديةعنادية :eh_s(4): تتفنن بالتعذيب النفسي لووول

خصووصا الصبح لما اوديها الحضانة ماترظى تبدل وتسوي فلم اكشن كل يوم
ومايمديني فأضطر اتاخر كل يووووم عن الدوام والسبب عنادها وصراخها






وسبحان الله اشوف يهال مطيعين حق امهاتهم اسال نفسي شلوون :bbbiu:
هل هالامهات احسن مني؟وانا موعارفة اتصرف مع بنتي ؟؟؟؟


ولا طبع عن طبع يختلف


ولا في خلطة ســرية ؟؟؟؟؟؟؟؟؟؟؟؟:eh_s(2):

 

[حرم راشد الماجد]

العناد بهالعمر مرحله انتقاليه ولا تدققين معاها وايد خليها على راحتها بس اذا غلطت عاقبيها عقاب صارم مو شرط ان يكون قاسي الاهم ان تحس ان لما تعاقبينها انتي مو مهتمه لبجيها وتوسلها


وافضل طريقة للعقاب بهالعمر النوتي ستول ( منطقه العقاب او كرسي العقاب ) او الحرمان تشوفين شنو اكثر شي تحبه وتحرمينها منه

اهم شي ما تعصبين وما تصرخين وما تقولين جدامها انج مو قادره عليها ( لانها راح تستغلج )

 

[تبطي عظم!]

الله يعينج ويهديها لج

انتبهي تطقينها بنت عمي من كانت صغيره نفس بنتج وكله يطقونها ويجعمها

لين صارت ماكو احساس عمرها الحين ١١ وعدائيه درجه اولى بس تتحرش بالناس ولسانها طويل ع الكبير والصغير

لوووول تضحكني مرات لانها مو مباليه بالكويتي عووبه صاارت واعتقد من معاملتهم لها وهي صغيييره

 

[زين ودلال]

امبيييه نفس بنتي والله حيل متعبتني اسم الله عليها والكل يقولي الله يعينج عليها

عنييييده واللي براسها تسويه وحنانه درجه اولى ماتسمع الكلام كلششششششششش اذبحتني

��

 

[Rayoma2]

حبيبتي لاتعاندينها كلش لان هذا العمر معروف يعاندون وايد
واذا رفضت تلبس الصبح قوليلها كيفج انا بطلع واخليج وراح ترضخ<<<< اخاف تقولج روحي وسكري الباب معاج هههههههه
بس حاولي قد ماتقدرين تطنشين تصرفاتها موكل شي تدققين عليه راح تتعبين وصدقيني فتره وتتعدل

 

[ام اغلى الناس]

ااااااخ
ولدي سناين وجنني
جربت معاه كل الطرق مافيه فايده
الله يهديهم

 

[@ام يوسف@]

الله المستعان ويهديهم ويصلحهم عيالنا

 

[Winter Q8]

ولدي 8 شهور و مطلع عيني حتى تبديل الحفاظ الله يعزكم ما يخليني .. الله يعين لو كبر شلون بربيه
ابي حل قبل لا يكبر

 

[PuPa^^SWeeT]

يووم خلييها بالبيت و لاتودينها الحضانة

ولا وديها عند اهلج اذا كانو مافيه ييهال و بلغيهم مايلعبونها ولا يونسونها تقعد بروحها



مادري شنو اقوولج

بنتي الصغيرة اتطفرني بس مو بهالصووورة


يعني طلعت ملااك عيل وانا ادقق عليها

ترا بنتي عمرها 3 سنيين


بس انا اطخخها بالالعاب و هالسوالف واخليها بعالمها اتمثل




شوفي اذا تبين اتعرفين اذا بنتج عنادية صج ولا بس عليج


اشتريلها لعبة بيبي وشوفيها شنو اتسوي


يعني شنو التمثيلية اللي اتسوييها ويا البيبي


هل اتطق البيبي ولا اتدير بالها عليه

 

[PuPa^^SWeeT]

شووفي اهي بنت

يمكن ترا فيها طااقة تطلعها بالعناد


شتريلها مطبخ ولا بيت باربيات صغيير مو غالي علشان ماتحسفين اذا كسرته


شتريلها لعبة بيبي

لعبة طبيب




يعني خلييها اتطلع عنادها و طاقتها بالخيال وباللعب



انا جذي قمت اسوي



بعد انتي بنت وحدة شوي ترتاحين ماراح اتهاوش ويا اختها و اتقولها خذيتي لعبتي

 

[ميس:)]

كافئيها اذا سمعت كلامج قوليلها اوديج الالعاب ولااشتريلج هديه واوفي بوعدج ويصير ماكو احسن باذن الله

 

[شادن33]

ام مريوووووم انا اقولج شنو الخلطه بالمختصر المفيد
الخلطه انج انتي اتكونيييييين هاديه وماسكه اعصابج >>>>>> بالعيد لاني انا مااقدر اسويها
بس والله هذي الخلطه
انا عندي اختي هاااااديه وتمسك اعصابها عيالها مايعاندونها ماشالله
عكسي انا كله اعصابي فالته ومرات اذا هديت يسمعووون الكلام
الله يعينا

 

[!الجادل الصعب!]

اريد حلااااا ..؟!
نفس المشكله
كان حليو وقلب وحش ماقدر عليه ..

 

[om MaRyooM]

مشكورين وايد وايد





pupa

وايد افدتيني ياقلبي
وفعلا يوم شريتلها هالالعاب الشهر اللي طاف شوي طخت

بس مشكلة اذا عاندت ماقدر اخليها بالبيت بروحها لأن انا وابوها دوامات @@ صعبة حيل

 

[maha_89]

وااي بنتي عمرها سنه وشهرين مطفرتني
وزاده السالفه من ولدت بنوتي الثانيه عمرها 23 يوم


قمت احطها بالحباسه مع العابها اول اسبوع بجي وصراخ موطبيعي
بس طنشتها قامت تلعب بروحها
بس المشكله لي شافت احد يه عندي يشتغل الصراخ والبجي :\

الله يعيناا
احسن حل شفته قبل بسوبر ناني حق العناد
الاعصاب لازم تكون بارده حدها
وانتي تمشين كلمتج يعني تلبس ملابسها تلبسها
لاتسمعين لها وعاقبيها ع الكرسي او بمكان
واذا سمعت كلامج حطي لوحه واي شي تسويه يتعلق لها نجمه جذي يعني

 

[om_3azoz]

الله يعينج ام مريوم وااااي نفس عزوز يعاند وسمله عليه شيطان واذا قلناله شي يعصب ويبجي ويزعل ويروح داره يرقع الباب​

وطببعا عنده العاب لو ابيعهم اربح ههههه من كثرهم موكلهم يلعب فيهم​

وقبل لا اولد كان ينام بداره يطالع بباي لين ينام من ولدت لا قام ينام عندي اوديه داره الفير القى واحد نايم بين ريلي ههههه​

​

ومره يصير زين ومره نفس ما اهو​

الحين شلون قمت اقوله اذا صرت عاجل اشتري لك لعبه يستانس يقولي ان شاءالله ماماه كلامه عسل الحمار هههه​

ومايروح الحضانه لاني كنت اعاني نفسج اقومه معنه ينام مبجر ويقوم يبجي مايرضى يبدل واتخر على الكليه بسبته وقمت اهده ااقول انا رايحه يقولي روحي اطلع من داره على بنه الحين يقوم يناديني اشوف واحد رد نام ههههه وهذا يوم كان عمره سنيتن ونص كنت ساكنه بيت ابوي ابوي يقول خليه عندي روحي شتسوين بعد​

وقمت ماوديه خلاص لاعت جبدي منه ,,,​

صج اليهال معانات والله الله يعينا يارب ويهديهم ويخليهم لنا​

 

[PuPa^^SWeeT]

ايي انا مثلج ما اقدر اخليها بالبيت فا قمت اوديهم بيت اهلي الصبح عيال اختي بالمدارس فا يقعدون بروحهم يزهقوون


الحضانة بالنسبة لي شي اساسي اترووح لها


لأنه اذا من الحين علمتها انها ماتروح حضانة عادي

باجر اتعلم ان حتى المدرسة ابتدائي متوسط و جذي اتغييب

قمت اسحبها واهي نايمة افرش لها اسنانها واهي نايمة

وبالسيارة اعطيها حليب كاكاو


اتعودت الحين انها اتقووم صارلها اسبوعيين الحين اتقوم من رووحها


ايي بعد مريوومة

شغلة ثانية

معلمتها اتنام بروحها


ولا انتي اتنومينها


اتصدقيين لما قبل انومهم ماينامون انا انام واهم لا


الحين اخليهم بفراشهم و يالله نامو

ينامون اسرع من قبل



طبعا مع التلفزيون

بس ينامون اسكره



ترا الطفل حلوو يحس انه اهو معتمد على روحه

 

[كل الطيب]

بالنسبه للعناد من خلال تجربتي أن الطفل العنيد شخصيته في المستقبل قويه
أما الطفل المطيع فشخصيته ضعيفه أو بمعنى أصح ينقاد بسرعه للآخرين فلا تحزنوا من الطفل العنيد فقط يحتاج لشخص يعرف يتعامل معه
أولا لا تظهري ضعفك أمامه وعدم قدرتك على التعامل مع عناده أي يحتاج للتعامل معه بشده وحزم وهدوء يعني بدون صراخ وعصبيه لأنه راح يزيد بالعناد
أما مسألة الملابس فقد جربت طريقه حصلت عليها في إحدى الندوات فقط ضعي أمام الطفل على السرير ثلاث بدلات وقولي اختار واحده والبسها وأخرجي عنه إما أن يلبسها أو يناديك لتساعدينه في لبسها وتجاهلي عناد طفلك ولا تحسسيه بأنه يضايقك
والله يهديهم ويعينا على تربيتهم

 

[سندس 90]

واااااااي اكره اليهال مااواطنهم
استغفر الله مع انهم نعمه بس اللي عندي عقدوني 

بس بسأل سؤال احنا امهاتنا قبل شلون ؟؟ والله واحد ورا الثاني ماشالله وكنا شياطين ماشالله على صبرهم وقوة تحملهم مواحنا الحين واحد ويطلع قرووووون
الله يعينا

 

[ديانا سبنسر]

والله بعد تجربة احس هالشي طبع بالياهل بعضهم الله هاديه وبعض يطلعلج قرون