بـــــــــــــقولكم موقف صــــــــــــــــــــــــار معاي اليوم واحكموا؟؟؟

[تفااحة]

................................................




















بنات سمعوا الموقف صار معاي اليوم في الروضة .....

طبعا كل صف فية مدرستين اوثلاث وكل وحدة لها حلقاتها وشغلها وفي ناس ماتحب تعطي شغلها احد تجيبة وترد تاخذة معها البيت وطبعا من حقها تعبها خصووصا اذا كانت مسابقات وافكار متنوعة بغض النظر عن المصورات والاعداد والكلمات هذي عادي نعطي بعضنا بس المسابقات والافكار خصوصا للكلمة المؤتلف والمختلف والعدد ............ المهم الاسبوع الي طاف كان عندي كلمة وكنت مزهبه لها وحاطة مسااابقات وافكار مختلفة جديدة محد سواااها شاريتهم من ايكيا بعظهم المهم محد دش علي وقتها يعني محد شااافهم وخشيتهم والاسبوع قدمت عدد ومحد دش علي بعد خشيت الاغرااااض بالمخزن قلت الا اقدمة ويشوفونة خصوصا الناظرة مادشت علي ولا مرة .....................

اليوم الي معاي اللة يسامحها عليها الحلقة وكان عندها كلمة ومن زماااااااااان محد دشلها يعني مليون بالمية عنها الحضور زهبت شغلها كلة صارلي ظرف الصبح واستأذنت ماحظرت الحلقة واهي علبالها اني غايبة خصوصا اني دقيت متأخر ووزعوا جدولي لما داااومت انصدمت قالتلي علبالي غايبة قلتلها جان اشوف الا بعض من شغلاتي موجودة ناستهم بالغلط سألتها حظرولج قالت اي ومدحوووني وحلقتي تهبل وماعليج ولا نقد جان اسألها خذيتي شغلي الي بالمخزن قالت لا ماخذيتة جان اقولها جان خذيتية ترا عااادي وانا من داخل محترقة بس ابيها تتعترف قالت لا وية خليه حقج حراام محد شااافة شغلج لج تعبانة انتي علية خصوصا محد حضرلج من زماان المهم خذتني بالحجي وانا احساسي مايخيبني عقب ماراحت جان اسأل وااحد من اليهال ماشاللة علية شاطر وابولسانين عقلة عقل 10 سنين والروضة كلها تعرفة ومتربي يعني تعبانين علية اهلة وداش حضانة قبل الروضة سألتة شنو المسابقات جان يقولي الابلة سوت لنا جذي ولعبنا جذي وانا ولاكلمة قلتلة انزين وينهم قال بالمخزن قلت تعال ورني ووراني انصدمت واللة يااابنات ....... خصوصا الياها مايجذب وانا اعرفة عدل .............

امانة يابنات شراايكم ؟؟؟؟ انا ماهمني واللة ولا ني من النوع الي يخشش شغلة والبناااااات كلهم يعرفووني ومنبهاتي دايما اقووولهم في ناااس ماتقول انا عاادي لأن مو اكبر همي الروضة انا الي حز بخاطري ليش تستغفلني وتجذب ولامبين عليها واللة لوقايلتلي قلتلها عليج بالعافية بس لا تجذب ؟؟؟

عااد انا ماحجيتها خفت تزعل خصوصا انا وياها بالصف واذا صار موقف بين المدرستين مايمشي الصف خصوصا علاقتنا زينة واحنا الصف الوحيد الي مدرستين والباقي ثلاااث ................................


قولولي انتو شرايكم انا مايهمني الدرس الي يهمني المبدأ والتعاااامل واكرة الجذب طفاااارتي ,.....؟؟؟؟؟؟

 

[أورااااااد]

اهلا تفاحة

بصراحة موقف لا تحسدين عليه 00 ويحر من جد

يعني ما ادري ليش تسوي هذا الشي معاج وخصوصا علاقتكم زينة

بس اعتقد مرات الانسان علشان نفسه يسوي كل شي 00 يعني مصلحته فوق كل الشي حتى الصدق

وانا انصحج يا اختي اذا فتحتي الموضوع معاها راح تصير حزازات ومواقف بايخة ويصير الوضع بينكم متازم

فانا اقول لج مثل ما يقول الهون ابرك ما يهو 00 يعني الحمد الله انج عرفتيها على حقيقتها

ومن هذا الموقف لازم تاخذين العبرة 00 يعني مرة ثانية اغراضك ما تقعد بالمدرسة او تقفلين عليها بالخزن

خصوصا الاشياء اللي ما استخدمتيها 00 وعلشان بعد ما يتكرر هذا الموقف ( المؤمن لا يلدغ من الجحر مرتين )

فانتي بدورج عادي مشي الامور بس حرصي مرة ثانية لا تتركين اغراضج الجديدة لاي معلمة ثانية

هذا اسميه ظلم 00 وحدة تشتري وتتعب وتفكر 00 والثانية تاخذها باردة مبردة 00 اظن هذا ما يرضي رب العالمين بعد

فوكلي امرج لله 00 واكيد ربي ما راح يضيع تعبج هدر 00 والاجر عنده مو عند غيره

اتمنى اني افدتج يا اختي



اوراااااااااااااااد

 

[فيونكا فوشيهـ]

ياااااااااكررررررررهي امبي ليش جذي شنو سوالف يهال اولى ابتدائي
واااي تبط الجبد بصراحه موووقف حدده مو شي مادري شنو راح اسوي في لأني مادري عن شغلكم بس لو تقدرين تبلغين الناظره ان كيت و كيت عشان تطيح من عين الناظره بس على كلامج لاااازم تكون علاقتج معاها حلوه عشان يمشي الشغل اوكي
او كلميها خليها تحس على روحها بصراااحه حددددها تحر
او اذا احضرتلج قدمي عاادي ولا جنج تدرين شالسالفه و اذا قالت فلانه سوته قولي لا هذا مالي و قولي ايي انا اقول ذيج المره كيت و كيت و بعدين اهيا بتفهم و اكييد بتطيح من عينها و قوليلها انا سألتها قدمتي درسي و اهيا قالت لألأ قدمي و عليج بالعافيه
و بعدين اذا المره قالتلج ليش سويتي جذي قولي شدراني انا قدمته و مادري انج مقدمته يعني لو مقدمته جان ماقدمته و عليج بالعافيه

مادري على حسب وضعج او خليها تولي و طنش تعش تنتعش ..

 

[معلمة متقاعدة]

جلة حياء ويه مغسول بمرق على قوله البدو

 

[*أم*خالد*]

واي سكتي .. عيل اللي ياخذون شغلج من وراج ويخربونه لج ؟؟

انا اليوم دشيت الصف ولا أشوف المسدس الحراري مالي والبلاك ماله بو أثنين شوي وينكسر .. مبين يوم ييو يدخلونه في البلاك بقوة وعوولي اياه .. قمت وخشيته بالخزانه وقفلت عليه بعد !!
وشلت كل اغراضي الا الأشياء السطحية خليتهم بكراتين بالصف .. باجي الأشياء كلهااا يا بالخزانه المقفولة أو البيت

انتي لاتقولين لها .. بس احتاطي منها .. يا تقفلين الخزانة أو تودين اغراضج البيت

 

[عهود الحب]

تبين الصراحة
واجهيها
بس خلج ريلااااااااااكس عالاخر ولاتعصبين ولاتحترين
وقوليلها اشكره انا ادري انتي استخدمتي اغراضي بس كان من الاولى انج تستأذنين
عادي الشغل ماشي ماشي
بس اهم شي تتوب وتتكن وتعقل وتعرف حدودها من اول شي
لأنه نمونتها جذابة وعينها قوية

 

[ابيار]

الله يعينك

والله شئ يغث

 

[فوفو22]

تفااحه حبيبتي

مقدره مشاعرج

بس طوفيلها

لان هي معاج بالصف

بس صيري حريصة مره ثانية

((ولا يستوي الذين يعملون والذين لا يعملون))

اخذي اغراضج وقفلي عليها و خشيها بالسياره او بالبيت

لانه حرام مجهودك وتعبك وينسب لغيرك

وما انصحك ابدا تقولين لها

وحلو الواحد يكتشف اخطاء غيره ويتخذ الاجراءات وهو بالسليم بدون خسائر بالعلاقات

وتسلمين

 

[عالي مستواها]

انصحج تسوين مثلي

انا كل شغلة أكتب عليها أسمي .. وسائلي ومسابقاتي ومسرح العرايس والظل واللوحات كل شي كل شغلي كاتبه اسمي عليه بمكان واضح .. لسببين أولا ً عشان ما تضيع أغراضي وعشان شغلي معروف لو أحد ياخ\ه يكون واضح أفكاري وتعبي ما يصير بأسمهم مع اني مابخل على أحد بشي ياخ\ون مني وانا اخ\ منهم ، بس حرام تعبي يروح على الفاضي

 

[تفااحة]

مشكوووووورين على الردووود ..........................
واللة انا ماحبيت اواجهها ونوعي هااادية ماحب البلبلة والكلااام الزايد امي قالت واجهيها ولاتصيرين ضعيفة مو ضعف فيني واللة بس كلة علشااان الصف يمشي عدل انا جربت اول سنة تعيين طحت مع وحدة كرهتني عيشتي لدرجة قلت بقدم استقالتي او اقل والكورس الثاااني غيروا صفي والحمداللة حطوني مع وحدة عسل تنحط على الجرح يبرااااا والي بيدها مو لها وكل شي كانت تحطة بأسمي عشان تبرزني ياعمري قعدت معاها ثلاث سنين وطلعتني توب خصوصا لها 15 سنة على الرغم من فارق العمر بيني وبينها بس كنا مثل الخوات ورفيجاااات وهالسنة طلعت اشراااااف راحت ومن راااحت شلعوني من الصف مع انها قايلة للأدارة لاتشيلونها خلوها بالصف تعودت علي كانت تقولي شغلي كلة بخلية حقج تستاهلينة واهي ماشاللة على صفها كامل والكامل اللة 15 سنة فية ماكو شي موحاطتة اي شي يخطر ببالج لو المستحيل تلقينة طبعاااااااااااااااااااااااااااا ماخلوني فية حسبي اللو ونعم الوكيل فيهم وقطووني بصف فاااضي مع هاااااذي وسنعتة كلة ...................


انا الي يحرني علشاااان اهي لساانها حلووووووووووووووووووووووو حاطة الادارة بجيبها واي شي اسوية علبالهم اهي ولااشوف شكر ولاشي واللة بأجتماع الامهات سووويت بلاوي من الصف لليهااااااااااااال لاتشوفون صفي صار كأنة صالة عرس من الاكسسوارات والتقديم والحركات كلة شغلي ولبست الاطفااااااااااااال لبس موحد شالات مع كبابيس انا مخيطتهم على حسااااابي كلة علشاان ابرز نفسي خصوصا عقب ماراحت رفيجتي اشراااااف المهم تخيلوا الشكر والمديح كلة لهاااااااااااااااااااااااااااااا وانا ياغافلين لكم اللة ليش علشااااااااااااااااان ماعندي لساااااااااااااااااان ولاارز ويهي بالادارة 24ساعة واهي لها 9سنين وانا اربع مقدرينها اكثر .......................

قولولي شسوي ؟؟؟؟ الي معاي قالولي خلاص خلج عادية لاتسوين شي ولاتتعبين نفسج وانا ماودي اصير عااااااادية علشاااانها ونفس الوقت جاحدين شغلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واللة تعبت ؟؟؟؟؟؟؟؟؟؟؟؟؟؟؟؟؟؟؟؟؟؟؟ مع اني محترمتهااااااااااااااا واللة واسلوبي رااااااقي وماعندي لف ودوران والصراحة انا شاكة فيها تنقل حجي للأدارة ساعات لما الواحد يعصب يقول كل شي انا خوفي توصل واللة ماادري مع ان في نااااااااااس حذروني بس ماكوفااااايدة لاني طيبة اشوف النااس مثلي يمكن .................................

تعبت من الادارة كل علبالهم ماسوي شي وانا واللة اشتغل بس ماحب اترزز ساعات افكر انقل مع اني مرتاحة بالروضة وساعات اقوووول بنقل من الريااااااض كلها واصير اخصائية لان تخصصي علم نفس ...........................تعبت من الظلم

 

[عبق الورد]

الله يعينج انا انقهرت
لا تواجهينها . تصير حزازيات بس هالموقف يخليج تصيرين حذره منها
وصلي لها الموضوع على شكل نغزه .. وانه انتي تكرهين اللي تأخذ شغل غيرها
وقولي انا فيني طبع اكره اللي ياخذ اغراضي بدون علمي
والله يعينج حده موقف باااااااايخ

 

[*أم*خالد*]

انتي قبل لا تسوين روحي قولي حق المشرفه انا ابالي أسوي جذي وجذي وتالي سويه ووريها وقوليلها هذا انا سويته طبعا مع اليهال
شايلينه

وطبعا بس بينج وبين المشرفة هالكلام مو جدام الأكو والماكو ومثل ما قالت عالي مستواها اسمج على كل شغلج

وعادي خلج مثل ما انتي .. مو شرط تلفين وتدورين بس لا تنلدغين من الجحر مرتين !!

 

[تفااحة]

وااااااااااااااي واللة مادري متى استوعب واصير جيدة ماعرف انا مو جريئة ذبحني الخجل استحي حتى من رووووووحي وهالمجتمع مايبيلة جذي حاولت ماقدرت اهي ماشاللة تلف وتدور واي موقف تطلع منه مثل الشعرة من العجينة وانا يبين على وجهي انطرم وابلع لسااااني .........
اليوم تخيلوا عندها شغل بالادارة وانا كانت علي الحلقة ومسكت الحلقة والفرصة والاركااااان بروحي وبالاصفي كشتت فيني ماجت وانطر وانطر بروح اريح ماكو لدرجة جت المشرفة تدورها بتحظرلها دشت قالت وين فلانة قلتلها مادري ماجتني طلعت المشرفة وراحت الادارةوتخيلوا ماجت الا 11,45لما ردت قلتلها المشرفة يت تدورج قالت عااااااادي اهي قالت خلصي شغل الادراة وروحي مومشكلة لوتتأخرين على اللصفي انزين داام قالت لها جذي ليش حظرتلهااااااااااااااااااااا واللة مادري منو اصدق ؟؟؟؟؟؟؟؟؟؟؟؟؟؟؟؟؟؟؟؟؟؟المهم طلعت اريح وحتى الانصرااااف مارحت الصف لدرجة ماجهزت لحلقتي الاحد........................

 

[دانة الروابي]

بصراحه الله يعينج ولازم تثبتين وجودج عند الاداره لانه اهم شي

 

[^ليلاس^]

لا والله انتي تكرفين وتتعبين ويطلع باسمها

اذا جذي نظامهم خلي شغلج بحدود حلقتج ولاصفيج لا تخبين عمرج حق اجتماع امهات وهالسوالف

والله خوش انتي اللي تعبانه وكارفه اخر شي المدح لها

وبعدين اهي الصراحه مادري شلون قايله لها خبره 9 سنين بدال لا اهيا تساعدج تاخذ اغراضج لا وتنسبها حق نفسها

صج عش رجبا ترى عجبا

اوكي ماتبين تواجهينها لا تواجهينها خلي هالسنة تعدي على خير بس اغراضج اخذيها معاج البيت وان احتجتيها ييبيها مره ثانيه لا تخلين اغراضج هدد جذي عادي شنقليهم معاج من البيت لي الدوام والعكس

واي احتريت :jumpon:

 

[بريق الماسه]

انا اقولج شنو تسوين انا شاطره بالنغزات اللي تحرق ههههههههههه اذا احضرت لج الناظره استخدمي مسابقاتج اللي تعبتي عليها وشافتها الناظره عند مكملتج . وقولي للاطفال اشرايكم يا حلوين نلعب الحين بالمسابقات اللي شريتها لكم من ايكيا واللي ماكان عندنا وقت كافي اننا نلعب فيها بالحلقه الماضيه.اشرايج ؟ وقتها راح تعرف الناظره ان المسابقات لج

 

[روضتي حلوه]

اختي العزيزة والله قريت اللي صار معاج وقريت الردود بعد وحاسه باحساسج بس انا اقول هذه المره فوتيها ولكن حرصي على شغلج زين مثل ما يقول المثل حرص على مالك ولا تخون صاحبك .. بس بعديها كوني قوية ولاتعطيها فرصة تستغلج ابدا وانتبهي لكلامك لان هذا النوع فعلا خبيث وواصل حتى الاداره بالجيب مدام اللسان عسل . انا صار لي عشر سنوات بالتدريس وشفت امثالها والله يكون بعونك يا اختي... ام يقين

 

[عهود الحب]

لاتتحسفين
الي يبووق هو الي يحاتي ويخاف
انتي دام بدعتي مرة بتبدعين وتسوين
اطلبي ربج يعوضج بالايام الجاية

 

[*أم*خالد*]

طمنينا عليج تفاحه .. شصار معاج مع هالمدرسة ؟

 

[* @ * كرستال * @ *]

مرة ثانية ان تأخرت عن فترتها وقفي الفراشة بدالها وامشي أو وزعيهم على الفصول

وأغراضج لاتخلين حتى لو ابرة جدامها وشوفيها شلون بدرس

ربج كريم طال الزمن والا قصر يبين كل شي عند الادارة

أمثالها واايد واللي يفشل أنهم حريم كبار ويجذبون عيالنا متربين أحسن منهم​