بــــنـــات اللي رايحين 12 أدبي تجمع ( سوالف + تشجيع+ شنو بتدخلين+عن المدرسة والمواد)

[gala q8]

^^ لوول كويتيه انا خدااي بالانجليزي .. إن شـآء الله البنات يساعدووونج

 

[لذة شقاوه]

في وحده تحللي واجب العربي قواعد لووول تكسبون فيني اجر والله اكسر الخاطر >> لبى روحكم خريجات

 

[أعـذب إنسآآنـه]

كويتيه حبيبتي مااعرف الانجليزي اتنح فيه ماعرف شي ان شاء الله البنات يساعدونج
تعااالو بنات صج مو حلت الفكر الرئيسه بالعربي درس زمان اللؤلؤ عفييه ماشريت المذكره بشتريها باجر تكفوون بنات وعلي الحصه الاولى يعني ماكو امل انقل شي >.<

 

[منار الحلوة]

بنات بليز بغيت الحل اذا ماعليكم امر
صيغي كلمه صواعق في جملتين مجروره بالفتحه وبالكسره

ادخلي حرفا ناسخا علي الجمله الاتيه ثم فعلا ناسخا
المؤمنون فائزون

اكملي باسم من الاسمااء الخمسه
كرمت الاداره
اقبل ع تأمل ايات الله

وشكراا

 

[أعـذب إنسآآنـه]

منار الحلوه انا اعرف اجابة السؤال الثاني اما الاول والثالث هههه ماعرفهم سامحيني

الموووووهم الجواااب مال السؤال الثاني ...أن المؤمنين فائزون <<<حرف ناسخ
مازال المؤمنون فائزين << فعل ناسخ

 

[gala q8]

منووو تبيني اساعدها بالعربي ؟ لووول ترى اعرف شوي لوول

 

[منار الحلوة]

ماقصرتي حيااتي والله يوفقج

 

[al-noory]

منااار والله انا تنح بالعربي

بس عرفت احل هذا

ادخلي حرفا ناسخا علي الجمله الاتيه ثم فعلا ناسخا

المؤمنون فائزون

إن المؤمنين فائزون << حرف ناسخ

مازال المؤمنون فائزين << فعل ناسخ


السموحه يا قلبي لو اعرف الباقي حليته

 

[al-noory]

سبقتني اعذب انسانه يعطيها العافيه

 

[أعـذب إنسآآنـه]

غلا انا ابيج اتساعديني ابي الفكر الرئيسه من درس زمان اللؤلؤ بنات اللي عندها مذكره خل تكتب الجواب عفييه وعسى ربي يوفقنا كلنا

 

[أعـذب إنسآآنـه]

النور الله يعافيج

 

[gala q8]

بنات هذول واجباتي العربي اللي تبي :- << لوول ما ادري كل المدارس نفس الاسئله وله لا < حلفي لووول المهم

الموضوع (( زمان اللؤلؤ )) للدكتوره سعـآد الصبـآح .. < والنعم والله



هاتي نبذه عن الشاعره :-


الشيخة سعاد محمد الصباح (22 مايو1942 -)، شاعرةوكاتبةوناقدةكويتية حاصلة على درجة الدكتوراه في الاقتصادوالعلوم السياسة، وهي المؤسسة لدار سعاد الصباح للنشر والتوزيع عام 1985. تجيد اللغتين الإنجليزيةوالفرنسية بالإضافة للغتها العربية الأم. تم تكريمها في العديد من الدول لإصداراتها الشعرية وإنجازاتها الأدبية ومقالاتها الاقتصادية والسياسية


من اهم المساعر والاحاسيس :-

الشوق لآيآم اللؤلؤ الجميله و العادات والتقاليد القديمه و الظروف القاسيه التي مرت على زمان اللؤلؤ و هو كان مصدر للرزق



اسستخلصي الافكار الرئيسيه :-

1_ اهمال الغرض امر يدعو إلى الحسره الابيات
2_ طول المسافات و كثره الاسفار أدى إلى فقدان الاجداد
3_ السعي إلى المجد غايه لا يدركها إلا المكافحون
​

 

[gala q8]

غلا انا ابيج اتساعديني ابي الفكر الرئيسه من درس زمان اللؤلؤ بنات اللي عندها مذكره خل تكتب الجواب عفييه وعسى ربي يوفقنا كلنا

اسستخلصي الافكار الرئيسيه :-

1_ اهمال الغرض امر يدعو إلى الحسره الابيات
2_ طول المسافات و كثره الاسفار أدى إلى فقدان الاجداد
3_ السعي إلى المجد غايه لا يدركها إلا المكافحون
​

 

[gala q8]

ترى اجوبتي مو من المذكرات لووول .. في سؤال انا اعرف احله والباجي من النت < بس نفس الكتاب طبعـآ

 

[صعب احبك]

بنات بليز بغيتكم تساعدوني بالانجليزي
ابي مميزات الموبايل وعيوبه مو تعبير بس كلمات
وبس

 

[أعـذب إنسآآنـه]

مشكوووووووووووووره غلوووي والله ماااااتقصرين عسى ربي يوفقج واتيبين النسبه العاليه يارب
يلا بروح اييب الدفتر بكتب الجواب عشان اشارك من اول حصه باليوم هع

 

[gala q8]

صعب احبك : للاسف ما اعرررف .. بس بحاول ادور لج من عيووني ;***


...


و هذي بعض التلاخيص انا ملخصتهـآ حق الدرس الياي ..


(( اول شيء بقوله .. احنا ساعات لمن نشوف وحده تتكلم و تتلخبط و تقول كلام نقول ويه هذي تتفلسف < و احنا حسبالنا هذي ذم بآحد .. بس تدرون ان احنا العكس قاعد نقوله ))


الفـلآسفه < يعني الحكيم .. يعني لمن وحده تقول كلام و تخربط و تقول كلام صح نقول عليها ( كلامج عين العقل ) .. يعني كلامج كله صح و انتي حكيمه وفيلسووفـه .. عرفتوا .. يعني عادي خلي الناس تقول عنج فيلسووفه لانهم يمدحونج



آبدي تلخيصي .. ادري شويه .. بس لووول انا يعني الحمدالله سويت لكم شيء

( الماده فلسفه ) ..

نشـآه التفكير الفلسفي ..


معنى الفلسفه :- (1) التعريف اللفظي (2) التعريف الإصطلاحي


(1) التعريف اللفظي :- تقصد بالكلمه .. ( بعني تفسير كلمه فلسفه ) ..

اهي كلمه بس مكونه من كلمتين و تعني ( حب الحكمه ) .. ( philosophy )


الكلمه الاولى (philos ) < و معناها حب ..

الكلمه الثانيه ( sophia ) < و معناها الحكمه ..


فـ تعني ( حب الحكمه ) ..


و طبعـآ اصل الكلمه ( يونــآنيه ) ..

و طبعـآ اول من اطلق على كلمه الفلسفه .. هو ( الفيلسوف اليوناني : فيثاغورث ) .. و وهو توا من استخدم هذا اللفظ ..


* متى قال هذي الكلمه ؟ << عندها قال لنفسه انه محب للحكمه (( اي فيلسوف )) ..


زيــــن ..

وبعدها قـآل هالكلمه سقرآط .. و اطلق لنفسه لقب ( فيلسوف ) اي محب للحكمه تميزا لنفسه عن طائفه السوفسطائين ( اي حكماء بالفعــل ) ..


و قال عبـآرته الشهيره .. ( كلآأ لن اسميهم حكماء لان الحكمه اسم لا يضاف إليه إلا الى الله وحده , لكني اسميهم محبي الحكمه , اعني فلآسفه و ذلك اللقب المتوااضع الذي يناسبهم .. )


... ​

 

[gala q8]

مشكوووووووووووووره غلوووي والله ماااااتقصرين عسى ربي يوفقج واتيبين النسبه العاليه يارب
يلا بروح اييب الدفتر بكتب الجواب عشان اشارك من اول حصه باليوم هع

امييين يـآرب الله يسمع منج .. :yaaaaaarb::yaaaaaarb:


اجمعييــن يـآرب حق كل الخريجاات يتخرجوون بالنسبه الحلوووة .. :yaaaaaarb::yaaaaaarb:

 

[al-noory]

غلووي تخيلي بطلت بحضر للفلسفه تنحت والله

عاد بنقل اللي انتي كاتبته

يعطيج العافيه

 

[لذة شقاوه]

حسافه ما لحقت عليكم لووووول يالله خيرها يغيرها>> ترى انا بنت علمي بس تجمعي فاضي لوول