كبرياء امراة
New member
- إنضم
- 25 يناير 2008
- المشاركات
- 505
- مستوى التفاعل
- 0
- النقاط
- 0
السلام عليكم
شخباركم بنات وعساكم على القوه
المهم
ندخل في الموضوع
جمله متداوله بينا ( بقولج شي بس لا تقولينه حق أحد )
بعطيكم مثال
اليوم الاربعاء الساعه 11 الظهر مثلا وصارت سالفه في وحدها معينه او في مجتمعنا
أجي أنا دريتي عن هالسالفه عن طريق الصدفه او كوني انا اللي صارت لي هالسالفه
أروح عند فلانه رقم 1 وأقولها بقولج شي بس لا تقولينه حق احد
تقولي انشاءالله مارح أقول حق أحد
اقولها دريتي ترى صار كيت وكيت وكيت بس لا تقولين حق أحد مثل ماوصيتج
.......
تجي فلانه 1 اللي انا قلت لها السالفه تروح عند فلانه 2 على الساعه 1 الظهر وتقولها
بقولك شي بس لا تقولينه حق أحد ولا يطلع الحجي منيا ترى مالي شده
تجي فلانه رقم 2 تقول لا ماأقول حق أحد أوعدج
تجي فلانه رقم 1 تقول ترى صار كيت وكيت وكيت بس انتبهي لا تقولين حق احد
........
تجي الساعه 1 ونصف الظهر تروح فلانه رقم 2 تشوف فلانه رقم 3 وتقولها
هيي هيي يالحبيبه بقولك شي بس لا تقولين حق أحد تجي فلانه رقم 3 تقولها بشري
تقولها دريتي ترى صارت سالفه اليوم كيت وكيت بس لا يطلع خبر مثل ماقلت لج
.......
المهم تدور السالفه وتدووووور وتجي الساعه 6 المغرب ومايبقى صغير وكبير مايعرف هالسالفه
لا وكل واحد مسوي روحها بريئة انها ماقالت حق أحد ..
انزين لو انا وانتي وهي ماقلنا حق أحد شلون الخبر انتشر ومين اللي انشره ؟؟
....
بصراحه فيه قصص كثيره تصير بحيث ان وحدها تقول لي سالفه وتقولي لا تقولين حق أحد
وانا اروح اعلم فلانه واقولها لا تقولين حق أحد ... وكل وحدها تعتمد على الثانية اللي تقولها
والله وكيلكم جوال على ماسنجر على تجمع هالسالفه مايبقى احد الا يتكلم في هالسالفه
...
وهذا في رايي ان بعض السوالف او الاسرار تنتشر في لحظات بسبب
(( بقولك شيء بس لا تقولينه حق أحد )) ...
...
وفيه امر ثاني
أحيانا تجيك وحدها تقولك بقولك شي بس في ذمتك لا تقولين حق أحد ان انا اللي قلت لك ...
تقولها ماعليك بشري قووولي افا عليج سرج في بير يااختي
وتجي الثانيه تقول حق الثالثه بقولك شي بس لا تقولين حق أحد ان انا اللي قلت لك
والثالث تقول حق الرابعه والسالفه ماشيه ...
والمشكله ان كل وحدها تتكلم بس ماتبي تتورط بنشر السالفه
قد تكون الوحدها مايدعيها قلبها تكتم هالسالفه وخصوصا اذا صادف صديقته اللي ماتعرف عن هالسالفه
وتكون متحمسها تقول هالخبر بس ماتبي يكون هي سبب لنشر السالفه فتقول لا تقولين حق أحد.
عاد تناقل السالفه ماتزيد عن يوم لان خلال نصف يوم الكل بيعرف عن هالسالفه من طأطأ لين سلام
عليكم...
ويجي يوم ثاني وتجينا سالفه جديده بس اهم شي لا تقولين حق اي أحد
وفي الاخير مايندرى مين اللي كان مسؤول عن نقل هالسالفه او السر
تحياتي
