بقولكم سالفتي مع احد هاالمعااااااارض

[ابدا يالغالي مانساك]

قوه ياااااابناااات
بدش بموضوع
المهم بقولكم سالفتي في الرمضااان
فصلت لي بدله بمشغل :eh_s(10)::eh_s(10):
لاني بصراحه استغرب من تعامل بعض
التاجرات
اول ماجيهم شلوووووون يهلون وشلون يمدحون ويتكلمون
ولاخلصت حزت الحزه
تعال شوفوا انواع السب والصراخ
لاخير ياااختي جاين بحلالنا
وكل هذا علي شنو يابنات عشان بس قلت
فيه شيء ناقصه حيل بالبدله غير عن يوم شفتها علي العارضه
بصراحه ليه هالاسعار العاليه 100 وفوق وغيره علي شنو
بس دراعة استقبال او بدلة عيد او رمضاااااان
والصومال هناك عايششين بمجاااااعه
والصراحه ترا حيل مايكلف
علي التاااجرات
انا مابي هجوم من بعض التاااااجرات انا
شفت وحده الله يهديها

 

[ام عفاف الكويت]

انا التفصال ماحبه لاسباب يمكن مايضبط
يمكن مايخلص مبجر
والاسعار قلتيها
فحلاته جاهز
الشي الوحيد اللى افصله العبي بس
وبالنسبه للنفسيه تعيشين وتشوفين واصابعج مو سوه ورب الكعبه
بنات عسولات فيه وبنات اعوذ بالله

 

[ام زهقانه]

لوتحطين اسم التاجره يكون افضل

 

[حناينq8]

حبيبتي التاجره او اللي بتبيع اكيد تحسب حساب الطاوله اللي اجرتها وحساب البانزين رايحه راده وحساب مجهودها ووقفتها بالمعارض

وانا بحكم اني ما اشتري من معارض ذاك الزود الا ان القرار بيدي اذا رحت - يعني ان شفت ان البدله من خام رخيص وشغل عادي مهما كان الموديل حلو فماني مضطره اشتريها

اما سالفه النفسيه فمثل ما قالت ام عفاف اصابع ايدج مو سوا بمثل ما اكو تاجرات بمثل ما ذكرتي الا ان الاغلبيه اللي اشوفهم من خيره البنات وعلى مستوى راقي بالتعامل

 

[ابدا يالغالي مانساك]

انا التفصال ماحبه لاسباب يمكن مايضبط
يمكن مايخلص مبجر
والاسعار قلتيها
فحلاته جاهز
الشي الوحيد اللى افصله العبي بس
وبالنسبه للنفسيه تعيشين وتشوفين واصابعج مو سوه ورب الكعبه
بنات عسولات فيه وبنات اعوذ بالله

تسلمين يام عفاف لغاليه عالمرررررررور

 

[شذونه]

الله يعين وبمانها وحده خلاص مافيه مشكله

 

[NEW WOMEN]

ربي اغفر وارحم شقوتا بلغت مداها
فيه وفيه بس اعذوروني الاكثريه جي

 

[رفيعة الشآآن]

الله يعين

انا من بعد ما قصت علي وحدة وخذت مني 60 دينار وبعدها لقاها مسطرة بالبلوكات على 35

وانا من بعدها اقول تووووبة اشتري من حرمة

 

[kuwaitya_zoGaa]

واى انا عمرى ما شريت من معارض الا الشي اللى على طول ادفع فلوسه وامشي
عمري مافصلت لاني كلش ما اضمن اللى جدامي

 

[الا يامطول صبري]

نصابااات
والقليل منهن الصااادق

 

[بسبوسة بالعسل]

قليل منهم الي اكون صادق
الله يستر عليهم

 

[عادت ذكرياتي]

في منهم يبالغون بالأسعار ...

بس مو مجبورين نشتري منهم ...

 

[روعة النسياااان]

من جد يابنات ياكثر ماسمعت منكم شكاوي عن المعارض واسمع ان عندكم خياطين احسن من المعارض ويضبطون الموديل فريحي راسك بدال وحده ماتسوى تتمنى عليك وانتي الي دافعه هي ملزومه تعدل لك البدله مره ومرتين وثلاثه لما يزيط الموديل لكن هذاي طريقة تسحيب عشان تاخذ اللي تبيه منك انا اتذكر وحده في قسم الازياء كتبت عن معرض باسمه وطلعت كلعمايله طلعوا البنات كمان متاذيين من تعامله مع الزباين لا والبدل تطلع مشقوقه من عندهم ودخلت صاحبة المعرض تهاوش حتى كلامها مو مفهوم احسن شي تشتري جاهز واذا اذا مثلا تبغي تميزي بموديل روحي لخياط وجربي خياطه وشوفي تجارب البنات بقسم الازياء

 

[جوك احلى جو]

المعارض نصب في نصب شهالاسعار علي شي مايسوا وتلقينه برا برخص التراب علي بالهم الناس ماتعرف

 

[pinkoosha]

عاد ماحب افصل عند تاجره,, افصل اني اختار الخام الي ابيه والموديل واويده الخياط الله يعافي البلوكات,, بس في بنات مالهم خلق يسوون كل هذا ف يروحون حق المعارض, ويستغلونهم,,,

 

[anaconda]

معارض وبيوت لا يحووووشك ​

فوق شينهم قوات عينهم ما يعرفونج الا وقت الدفع وبعد ما تدفعين ​

انسى شغلهم شى ناقص شى مشقوق شى مبقع حتى القماش غير عن الى ​

شفتيه والادهى والأمر موديلاتهم كلها عند الهنود الى فى البلوكات وبنص السعر ​

واذا تبين تسنعين وترقعين بشغلهم تعالى دوريهم وركضى وراهم ​

قاطعت المعارض وللأبد​

 

[ابدا يالغالي مانساك]

تسلموون بناااااااات
عالمرررررور

اللي شفته منهااا ومن تهجمها علي وادفع حول 100
عليي شي مايسوي بدل ماتشوف شغلهاااا وتكملها
الله يهدي الجميع
وتركتهاا ولاعدلت شغلها ولا كملتها

 

[تبطي عظم!]

حبيبتي هالشيء بيدج ليش رحتي لهم من البدايه انا المعارض ماحبهم وشغل الحريم كله مااحبه

مبالغه بالاسعار على شنو الخام من ذهب مثلا عندج هالمبالغ /200 او 100 وشيء روحي المحلات الماركات تلاقين بدلات بهالسعر خام راقي

واسمه مااركه معرووفه

 

[موج-البحر]

مااآعمري اخذت من المعاارض

و ماالبس دراريع

بس الله يعين اسمع من البنات الدراعه الفلانية من الفلانية ب فوووق المية ونلاقيها صوب المغاتير

بربع السعر ؟؟​

 

[zqertya]

انا من قريت بعض مشاركات البنات قبل عن المعارض فماقمت اشتري من حريم والله على قولت الاخت تبطي عظم صج هال100 ولا ال200 روحي اخذي شي ماركه احسن لج عالاقل اسمه ماركه وخامته راقيه لان البعض حسب اللي سمعته يشترون من الديره دراريع على 6 ويبيعينهم على 60 دك