غلطانة أختي وتعلمي من غلطتج.
أنا بحياتي ما شريت من معرض وأصلا لما أروح أقعد أضحك على هالبنات اللي يشترون! اكسسوارات ب 20 وبالديرة ب 5 دنانير بس! ودراريع وبدل أسعارهم عندهم بالدبل واذا سألتيها وين مشغلج تقول ما عندنا! شمعناته؟ معناته انها تفصل من مكان مثل البلوكات ب 15 أو 20 دينار وتبيع الدراعه بدبلات وهذا اللي شفته بمعرض بالفحيحيل.
والمكياج اللي تارس سرداب الشايع ياخذون درازن، الحبة بنص ويبيعونها ب5!!! ليش؟؟
والبخور اللي بالديرة وبخور الدواسر العلبة الصغيرة اشتريها من السعودية ب 40 ريال وريحتها تههبللللل وعندهم ب 15 و20؟؟
والله الغلط عليكم أنتم... أنتوا اللي قومتوا سوقهم وهم قاصين عليكم.
الله يعوضج إن شاءالله وأنصحج قبل لا تشترين الشي مرة ثانية تفكرين وما تقطين فلوسج على هالأشكال.
ماقصروا
