بقولكم شي غريب صار بحياتي

[(حكاية قلب )]

بعض البنات يقولون سحر !!!
شدخل سحر بالصوت يعني .؟؟؟
انا خبري السحر ياخذ اغراضج ويسويلج سحر
هذا حتي اسمج مايعرفه
خلآص توكلي علي الله وصلى قيام ليل وادعي ان الله يرزقج الزوج الصالح

 

[قاهره عذالي]

يمكن مخاوي جن

او انه يفاول عليج

او يمكن يعرفج ويسوي روحه ما يعرفج

ومخرب سمعتج بين الناس


توقعي من هالنوعيه من الحثاله كل شي

انتي طاقتها سوالف وضحك

وهو يتكلم فيج بالدياوين ويفضح

الرجال الحين مافيهم رجوله وكلهم ضرر بضرر

حتى الاخو الحين يضر

فما بالج بهالغريب

اللي فاول عليج بالشر وذلف

 

[:: COCO ::]

أممممم يجــوز أنـه كان يتغشـمر معآج خصـوصا انج قايلـه انتـي اللي داقه عليـه !

هذي قويـه شوي وعشان جذي قال هالـكلام

أو

يعــرفج



المهـم أختي انسي وشلي من بالج تقربي من ربج ودعي فكل صلاه ربي يرزقج الزوج الصالـح
الارزاق بيــد الله موب بيد أحد خلي ايمانج بالله قوي يمكن ربي يبي يختبرج !
تقربي من ربج اكثر واكثر وخلج ظنج بربج حسسن
واقري سورة البقره كل يوم بنيــة زواج

 

[lailosh]

التفسير المنطقي الوحيد كلام بنفسج

 

[zozo.7ob]

في احتمالات يا اما مسويلج سحر او اهو يعرفج وشافج قبل و يراقبج و انتي مو دارية او كل الي يجون من طرفه او يروح لعندهم و يقولهم كذا و كذا او ياخذ ارقامهم من الشركات السرية ومثل هالاشياء و يقولهم عنج ديري بالج الشباب الي يقولو هالشيء يدرون شنو قعد يسوون بس سؤال للحين اهو يكلمج

 

[طـيـف]

التفسير المنطقي الوحيد كلام بنفسج

التفسير المنطقي الوحيد كلام بنفسج

؟؟؟؟؟؟؟؟؟؟؟؟؟؟؟؟؟؟؟
لو عندي تفسير منطقي واحد ماشكيت لكم

 

[بنت والنعم فيني]

في مثل يقول " من كثر خطابها بارت" ^_^
يعني مو زود الخطاطيب يقولون ان البنت ماتتزوج
واسم الله عليج طبعا

الغريب انج تحطين كلام العباد ببالج
وتتناسين كلام خير العباد محمد صلى الله عليه وسلم عندما قال" اعلم ان الأمة لو اجتمعت على ان يضروك بشيء لم يضروك
إلا بشيء قد كتبه الله عليك"

ماادري شنو الأسباب اللي خلاه يقولج هالكلام
بس دامج تبتي لله وفتحي صفحة جديدة بحياتج انسي كل شي صار بينكم
وتوكلي على الله سبحانه وحده هو الرزاق والحافظ لاله إلا هو الحي القيوم
ونصيبج بيجيج ان شاء الله
ترى الشي اذا حطيته ببالج يصير
"ومن يتوكل على الله فهو حسبه"
مافيج الا العافية ان شاء الله

 

[ريتاج_90]

الحمدلله انج قطعتي علاقتج فيه
وزين سويتي

بس لما قالج هالكلام يستعبط الظاهر
انه قصده ماتقدرين تستغنين عني

لاتهتمين دام مايعرف ولا شي عنج
تطمني وهذا احسن شي سويتيه
انج ماعطيتيه ولا معلومه صّـْْ(☑)ـْْحّ

واقري سورة البقره كل يوم وشغليها قبل
ماتنامين وشغلي الرقيه الشرعيه

والله يووفقج ويرزقج بولد الحلال اللي
يسعدج

 

[al-musk]

خلي عينج بعين ربج وتوكلي عليه ومايجيج ضرر من احد

 

[{ شيوخهـ ~]

حبيبتي حتى لو مسويلج سحر وآلله كآتب تتزوجين رآح تتزوجين غصبـ(ن) عليه !
هذآ قضآء آلله وقدره فـآنتي لآ تشغلين بآلج على شي مآيسوآ ، آلحيآه مآشيه بزوآج ولآ بدون زوآج ..
لكن آذآ آنتي ودج تتزوجين فـآدعي ربج ، وهذآ دعآء لآ يرد قآئله - بآذن آلله - :

اللهم ياسامع الصوت وياسابق الفوت وياكاسي العظام لحما بعد الموت ويامن اجاب نوح حين ناداه وكشف الضر عن ايوب في بلواه وسمع يعقوب في شكواه ورد إلية يوسف وأخاه وبرحمتة ارتد بصيرا واعاد النور الى عيناه وليس بعزيز عليك وليس بعسير عليك ان ترزقني (سمي حاجتك) سبحانك لااله الا انت ياذا الجلال والاكرام يارب يارب يارب يامن نجيت محمد صلى الله علية واله وسلم حين نسجت على الغار خيوط العنكبوت وأمنت بيونس في بطن الحوت وحفظت موسى في اليم والتابوت ليس بعسير عليك ان ترزقني (سمي حاجتك) سبحانك لا اله الا انت ياذا الجلال والاكرام يارب يارب يارب ياخالق السماوات والارض والليل والنهار والشمس والقمر والنجوم والكواكب والشجر والدواب والماء والتراب وكل شئ وعلمت الانسان مالم يعلم ورفعت السماوات بغير عمد نراه ليس بعسير عليك وليس بعزيز عليك ان ترزقني (سمي حاجتك) سبحانك لاالة الا انت ياذا الجلال والاكرام يارب يارب يارب اللهم اني عبدك الذليل الفقير المسكين سجدت لوجهك العظيم ابتهالا وتضرعا ورجاء وضعفي وعجزي وقلة حيلتي وهواني على الناس ويقينا واعترافا وتصديقا بأنك انت الله وحدك لا شريك لك لك الملك ولك الحمد بيدك الخير كلة وانت على كل شئ قدير اللهم اني اسئلك بأنك انت الله الاحد الصمد الذي لم يلد ولم يولد ولم يكن لة كفوا احد ولم يتخذ صاحبة ولا ولد واسألك اللهم باسمك الاعظم الذي اذا سئلت بة اعطيت وأذا دعيت بة اجبت واذا استرحمت بة رحمت واذا استفرجت بة فرجت ياارحم الراحمين يامالك يوم الدين اياك نعبد واياك نستعين ارزقني (سمي حاجتك) سبحانك لا الة الا انت ياذا الجلال والاكرام اللهم ياذا العزة والجبروت يامالك الملك والملكوت اسالك اللهم بكل اسم هو لك سميت بة نفسك او استاثرت بة في علم الغيب عندك او علمتة احد من خلقك ان ترزقني (سمي حاجتك) سبحانك لاالة الا انت ياذا الجلال والاكرام يارب يارب يارب يامالك الملك يامالك الملك يامن تؤتي الملك من تشاء وتنزع الملك ممن تشاء وتعز من تشاء بغير حساب ليس بعسير عليك وليس بعزيز عليك ان (سمي حاجتك) سبحانك لا اله الا انت ياذا الجلال اللهم انك قلت وقولك الحق ادعوني استجب لكم اللهم انا دعوناك كما امرتنا فاستجب لنا كما وعدتنا يااكرم من سئل ويا أجود من اعطى وحسبنا الله ونعم الوكيل


\

 

[كوينه]

الزواج قسمة ونصيب

 

[Patcholli]

يمكن كان بيخرعج مو شرط يكون كلامه له معنى وبعدين محد يعلم الغيب والرزق غير الله

 

[مسالمة66]

كل القصة انه قالها من راسة وصارت موافقات بالقدر .. مو معناتة في رابط بين كلامه واللي يصير لج

الصحيح --> انه الشاب اللي البنت تقط عمرها عليه اهيا تسولف معاه حب و و و يشوفها انها راعية هالسوالف وانها ما تصلح حق زواج وبيت .. عشان جذيه قالج ما راح تتزوجين .

وانت عليج ألحين تجددين توبتك الى الله وتستغفرينه عما فات وكان الله غفورا رحيما

وخلص الموضوع لا تعطينه تحليل اكبر من حجمه علشان ما يسبب لج تعب نفسي

نص البنات يقولون اييون خطاب وبعدين مافي هذه حالة الاغب يمر فيها ... لانه ليمن الحين ما ياج نصيبج المكتوب لج

 

[عاشقه رويشد]

يمكن كلمه وانقالت لا تحطين ابالج وكل شي نصيب والله يرزقج بالزوج الصالح يارب

 

[أإلع ـشق دلع ـهـأإ]

حبيبتي لا توسوسين


اهو قصده البنت الي تكلم الشباب ماراح تتزوج لانه محد ياخذ بنت تكلم شباب

واهو هذا قصده يوم قالج ماراح تتزوجين بس مابين ماحب يضايقج

بس قالها بطريقه غير مباشره فصدفت معاه بتاخر زواجج

بس الرازق الله وانتي ادعي ربج وربي كرييييم

 

[نونا**]

شوفي انتي غلطتي وتبتي والله باذن الله كفر خطاياج وان شالله ماعليج شي

تقدر الهواجيس ووسوسه الشيطان تلعبج فيج اذا استسلمتي لها

انتي اهم ماعليج تدعين ادعية الزواج وتقرن سورة البقره والله مايخلي عبده

 

[فطومة المغرورة]

يمكن مسوي لج سحر اعوذ بالله ايش هالكلام البايخ
ادعي ربي يرد كيده في نحره
والله يعوضج وبرزقج بالزوج الصالح

 

[رفـاعية]

يا اختي اهي كلمة و قالها لا تخلينها في بالج !!
و بعدين هذي نصيب مو بيد أحد الا الله سبحانه
و بني آدم ما يآخذ الا نصيبه بالدنيا, يعني انتي ليحين ما تزوجتي لان ربي كاتب جذي مو لان هالآدمي قال لج ! استغفر الله

ذكري الله على طول و اقري سورة البقرة كل يوم و تحصني بالادعيه, بيرتاح قلبج ان شاء الله و بيخف الوسواس

 

[^^ NoOr ^^]

شي غريب صرااحه !!

حبيبتي داومي ع سورة البقرة وتعوذي من بليس وان شاء الله ماكو شي

 

[مريومه الرشيدي]

مالومج تفكرين لانه حلف وهالشي يخلي كلامه في بالج بس بالنهاية والواقع كلن بياخذ نصيبه بالدنيا واللي قاله مجرد كلام وثرثره وتوقعات واحد فاضي الغيب مايعلمه غير الله سبحانه
عاد تصدقين ذكرتيني بمدرستي الانجليزي لمن كنت برابعه متوسط من بداية السنه وهي تطالعني وتحلف تقولي والله انتي راح تتزوجين بسرعه يمكن قبل يصير عمرج 15 وتاخذ وتحلف اقولها شفيج ابله تو الناس كنت صغيره تقولي والله صدقيني احساسي وتذكريني كاني الحين بنفس عمرج ماتزوجت وكلامها في بالي ​