بكتيريا gbs

[نور الدنيا 88]

السلام عليكم
شلونكم كروشات

حبيت اسأل شنو تعرفون عن بكتيريا gbs
لان الدكتورة خذتلي مسحة و طلع فيني هالنوع من البكتيريا
في وحدة صار فيها و اهي حامل و تعالجت و راح منها
و هل صار ولادة مبكرة و هل اثر عالبيبي

االصراحة حدي خايفة

ادعولي ان يروح عني و اكمل حملي بخير

 

[المسكـ]

والله ما عندي خبره
بس أب لعيونج

 

[dodoooo]

دشيت موقع اجنبي وبحاول اترجم لج الاشيا المهمة

اهي نوع من البكتيريا تكون موجودة في ربع النساء ومالها اي اعراض وهي من الامراض اللي ما تكون منقولة جنسيا وهي تعدي الطفل اثناء الولادة عشان جذي لازم تاخذ الحامل مضاد بالاسبوع 35 تقريبا
وهالنوع من البكتيريا ترجع مره ثانية حتى بعد المضاد لانها تكون عايشة في القولون

معناته ان انتي بتكونين حامل للمرض ولكن مافي اي اعراض عليج

وحتى في النساء اللي ما تعالج البكتيريا ف مو معناته ان الطفل اكيد راح يصاب لان 1 من 200 طفل يصاب بالمرض اذا كانت الام حامله للمرض

وغالبية الدكاتره يفضلون انهم يعطون الحامل المضاد عن طريق الدريب في الدم اثناء الولادة
وبهالحالة تصير نسبة الاصابة لكل 1 من 4000

وغالبا المضاد اللي يعطونه للام قبل موعد الولادة ما يفيد لانه هالنوع من البكتيريا ترجع مره ثانية فأنسب شي المضاد اثناء الولادة في الوريد

طبعا اهو له اضرار عالطفل لكن ماودي اقولها عشان لا توسوسين وان شالله ماكو الا العافيه بس يبيلج دكتور شاطر يعرف لحالتج وتبلغينهم اثناء الولادة عشان يعطونج المضاد

 

[نور الدنيا 88]

مشكورة دودو
و انا الدكتورة عطتني اللحين مضاد حيوي اسمه زينات
عادي اخذهم ؟ ما تضر البيبي

 

[dodoooo]

اي زينات انا خذيته بعد ما سويت الربط ما يضر كلش بس هم لازم تأكدين عليهم وقت الولادة ان يعطونج المضاد بالوريد
والله يقومج بالسلامة انتي والبيبي ان شالله

 

[بتبوتااا]

الله يقومج بالسلامه حياتي ان شاء الله شي عادي ويروح ..

 

[نور الدنيا 88]

دود حبيبتي مشكورة ما قصرتي لاني حيل كنت اوسوس
و الدكتورة قالت كل مراجعة راح تآخذ مسحة عشان تتأكد ان مايرد يطلع
الله كريم

بتبوتا الله يسلمج من كل شر و الله يسمع منج اللهم امين

 

[ابتسمامه]

ان شاء الله مافيج الا العافيه

 

[نور الدنيا 88]

ابتسامة حبيبتي الله يعافيج ما قصرتي

 

[عبث طفله]

الله يشافيج .. انزين شنو اعراضه .؟؟

 

[نور الدنيا 88]

تسلمين
ماكو اعراض
خذيت مسحة من باب الاحتياط

 

[الدلال]

بس ليش كل مره تاخذ مسحه
يكفي اول مره وتعطيج العلاج وبعد العلاج ترجع اتجيك عليج

 

[نور الدنيا 88]

الدلال لان هالبكتيريا احتمال ترد للجسم مرة ثانية
خل تآخذ مسحة مو مشكله و ان شاء الله ما تردلي لاني قاع اخذ مضاد حيوي حازيا