بلارفايج بلاوجع قلب

[Om_Ksha]

والله حاسه فيج ..
انا من زمان صكيت باب الرفيجات لانه ماكو صديقه بهالزمن .. زمن المصالح ..
في زميله بس مافي صديقه
وبس كلا حاطه ابالي اهلي اهم صديقاتي وربعي ..
والحين حتى الاهل تغيرو
النفوس تغيرت
والله انى امس بجيت بجي امس على هالسالفه .. الله كريم ..

وعلى طاري الريل بالعكس ريلي مايحب سوالف رفيجات وخرابيط وهالشي يهه من صالحي بس شقولج الحمدالله على كل حال ..

 

[{هتًان}]

رد : بلارفايج بلاوجع قلب

انا رفيجتي " امي "

وخواتي

فقط

 

[كويتية وكلها جاذبية]

الله يهنيج ويتمم علييييج
هذا مو زمن الصديقات يا قلبي وبعدين شتبين فيها تحضر عرسج تغير منج وتحسدج
خلااااااااااااااااااااااص خليها وانسي قطي ورى ظهرج
ما في صديقات في هالزمن الحين خوات ياخذون ريايل خواتهم
تقولين صديقات البعد عن الناس غنيمه
خلي خواتج واهلج اصدقائج وبس وعسى يهنيج ويرزقج بالمال والبنون الصالحين يارب وان شاء الله تطلعين احلى :eh_s(22): عروس :eh_s(17): يارب

 

[سحر الشرق@]

حبيبتي مو بروحج ترا كل الناس جذي
للا سف مجتمعنا مو اجتماعي كللللللش
ولو عندج رفايج وربع وناس حزة الحزة ماااااا تلقين احد منهم بس مصااااالح

 

[c a t w o m a n]

يا عمري يا حبيبتي .. لا تستغربين شي .. بالعكس استانسي

أنا أقولج شي تعلمته وصدمه من صدمات عمري .. احذر عدوك مرة .. وصديقك ألف مرة .. لا تقولين كنا سنين مع بعض الناس على كثر ما تعاشرينها وكثر السنين ايللي عشتوها مع بعض ما تعرفين نواياها الا بموقف يصدمج .. تبان القلوب السودة والغيرة .. فيا عمري الرفيجة إيللي تدعي إنها رفيجتج لا يضيق خلقج على فراقها هذا شي لصالحج انتي .. نصيحة من إنسانه لي إنسانه .. مهما تكون عندج رفيجة عمر وأخت دنيا .. عزليها عن حياتج الشخصية والزوجية انتي مرتيتي بتجربة وأنا مريت بتجربة وغيرنا مر بنفس التجربة الخلاصة إن العشرة الحلوة وطول الرفجة مو مقياس إن البنية انسانه صالحة و زينة .. الرفيجة الحسودية خراب تحرق روحها حسد وتوصل نارها لج فالله يفكج من شر الرفيجة مثل ما فكني .. ولا تندمين قطي كل شي وراج وطالعي جدامج وحياتج وزوجج وبيتج وعيالج انشالله واتعظي ان الرفيجة لها خطوط حمرة مهما قوت علاقتج فيها انتي جدامج حياة يديدة انشالله بتلهين ولا تعورين قلبج بايللي اهو خسرج لأنه هذا مكسب لج .. وأرد أقولج الرفيجة ايللي طول عمرج تظنين إنها رفيجتج وتنصدمين منها تالي شكري ربج ألف مرة إن الله سبحانه بينها على حقيقتها ما تدرين الرفيجات ايللي نتخدعين فيهم شنو من خراب بيوت وراهم شوفي جدامج وانسيهم كأن شيئا لم يكن ما تبين منهم شي خصوصا إنتي الحين عندج ريل وبيت فالله يحبج ايللي من قبل زواجج كشف معادنهم .. الله يحبني ويحبج وأنا حاسة فيج بس صدقيني كل شي ينقط ورى الظهر سهالات وطالعي جدامج وعيشي حياتج ولا تتضايقين على ناس ما تستاهل والله يوفقج انشالله ويرد كيد أعدائج بنحورهم .. كثر ما أنا أحس بموقفج كلام وايد ما قلته .. بس هذا ايللي أقدر أقوله

Don't worry ... Be happy

 

[lulwa-q8]

رد : بلارفايج بلاوجع قلب

مبرووك اولا

و الصداقات مصالح بس هالاياام

ومااعليج منها و واعتبرينا كلنا رفايجج

=)

 

[{ هتآآآآن }]

رد : بلارفايج بلاوجع قلب

نفس حالتج بالضببببببط


تدرين شنو الي خايفه منه الحين ؟

ان بيوم عرسي ما اشوف وحده فيهم !

 

[عشق ذاتي]

رد : بلارفايج بلاوجع قلب

الف الف مبروك عالى العرس


اول شي صرااحه انا حيل خفت
انا ما توقعت انا الرفيجات يتفرقون بعد الثانويه
مابي ابي رفيجاتي:eh_s(16):

والله بنات يعني صج راح تلهى عني عقب جم سنه

وااااي لأ مابي
انا بروح علاقتي مع بنات خالاتي سطحيه جدا

والله رفيجاتي كلهم اعتبرهم خوااتي

واصلا قلت لهم ترى اذا تخرجنا ما راح انساكم وعلى طوول بدق

اصلا مستحيل اتخيل حياتي بدون رفيجاااااات

وانا عن نفسي لو يروحون المريخ ما اقطع علاقتي.....


وانا من رااي تروحين وتعزمينهم على العرس
اذا حضروا هذا معناته انهم للحين معاج واذا لأ معناته انهم معطينج اسكب

 

[فهد نور عينى]

هلا حبيبتى
شلتك موكثر شلتى
انا شلتى فى المتوسط حوالى 20 بنت
وكل همنا الوناسه والفرفشه
ومثل اى بنات فى المتوسطه
ولما رحنا للثانويه على قولتك اللى تزوجك واللى سافرة واللى غيرة مدرستها
وبقينا حوالى 5 بنات وكنا على قلب واحد
بس الصج ماكملنا كلنا
وعقب ماتزوجنا شوى شوى شوى تفركشة الشله والانسحاب شوى شوى من البنات لانى انا اللى كنت حلقة وصل
والحين مابقى من الشله الا انا ورفيجتى اللى عسى الله مايغير علينا
والباقى من سنه او سنتين يمكن نسمع عنهم شى بالصدفه
وهذى الدنيا
والله يهنيك وعيشى حياتك معى زوجك
وخليه هو اكبر همك واهتمامك
والبنات مهو زايدين لك شى
ولالالالالايهمونك
اخذيها منى
محد يسرك
سرى عمرك انتى بعمرك
والله يهنيك ويوفقك ويسعدك

 

[جروح خالده]

رد : بلارفايج بلاوجع قلب

والله ثم والله مافي رفيجات بهالزمن هذي بتقولون فيه وفي باجر من ادني موقف كل واحده تشيل علي الثانيه
الاخت اهي اختج من امج وابوج من لحمج ودمج ياما عطيت رفجاتي وياما وقفت معاهم بس فتره ونسوا كل شي وتري صداقه دام سنين وعشرة عمر مويوم ويومين موصداقه دراسه لاا صدااقه بكل شي بس مجرد اللي تتزوج تنساني بس تذكرني اذا احتاجت شي او تضايقه خخ


الحين صرت اسوي باصلي اوجب الواحده وبس اخفف علاقتي معاها وعندي صديقه من 12 سنه عسي ربي لايحرمني منهاااا
هذي الصديقه مو مصلحه ولااشي بس الله يستر اذا ربي رزقها بالزوج ان شاءالله ماتسحب علي هههههههههههه