بلاوي ومشاكل الخــــــــــــدم / أرجو المشاركه

[.. مـــلاكـ ..]

الخدم شر لابد منه
الله يحفظنا

 

[عسولة الكويت]

صج شر لابد منه قطيعه تقطع هالخدم ماوراهم الا البلاوي

 

[تروبيكانا]

بنات انا طحت على خدامتي عندها رقم سايق اخوي وريال هندي واهي ندونيسية قهرتني شفت الارقام بدفترها التلفونات واسالها ارقام منو تقول مادري لقيتهم في بيت امي زين ليش كتبتيهم اي رقم تلقينه طايح تاخذينه حمر ويها واتوهقت طبعا انا كتبت الارقام بدون ما تدري وخليت ريلي يدق عليهم طلع واحدمنهم سايق اخوي والثاني هندي ما ندري من وين والليله بحاجيها انا وريلي وبنقولها ان احنا عرفنا اهما منو وبنوديها المكتب شرايكم انتوا مع اني محتاجتها الله ياخذها عيالي صغار وحده سنه وشهرين والثاني سنتين ونص بس بالحضانه مو مشكله بس بنتي شسوي انا اداوم

 

[@شمس الضحى@]

بنات انا طحت على خدامتي عندها رقم سايق اخوي وريال هندي واهي ندونيسية قهرتني شفت الارقام بدفترها التلفونات واسالها ارقام منو تقول مادري لقيتهم في بيت امي زين ليش كتبتيهم اي رقم تلقينه طايح تاخذينه حمر ويها واتوهقت طبعا انا كتبت الارقام بدون ما تدري وخليت ريلي يدق عليهم طلع واحدمنهم سايق اخوي والثاني هندي ما ندري من وين والليله بحاجيها انا وريلي وبنقولها ان احنا عرفنا اهما منو وبنوديها المكتب شرايكم انتوا مع اني محتاجتها الله ياخذها عيالي صغار وحده سنه وشهرين والثاني سنتين ونص بس بالحضانه مو مشكله بس بنتي شسوي انا اداوم

دامج ماشفتي عليها شي خليها تقعد انتي بحاجتها
ألله ياخذها بس هدديها وخلي ريلج يعطيها العين الحمرا
ولاتخلين التليفون عندها
ولاسوي نفسي لما اطلع اخلي عندها الموبايل
واحط له قفل برمز سري بس يستقبل
وادق اتطمن ع عيالي ولارجعت
اخذه منها ​

 

[وردة كااظمه]

امبيه ترا الخدم ميانين حدهم

خدامتناا عندنا ياها من 3 سنين فلبينيه طبعاا كل شى تسوى بس تسوى عييبها انها تغاازل

تخيلو امى على نياتها توديهاا المرقاب وتروح توااعد

وليمن راحت تقول حق امى انا مانى مسافره بقعد بدور شغل وقايله حق سايقنا بتزوج اسعودى ؟

ماادرى ياين اهنى يتزوجون ويخربطون استغفرالله

 

[هنيةام باسل]

السلام عليكم

 

[هنيةام باسل]

انا فلسطينية وحابة اعرض مشكلتي عليكم وبتمنى تساعدوني او تناقشوني في حلها بلكن خففتو عني همومي

 

[هنيةام باسل]

انا حابب اشاركم واكون بينكم وانا كنت عايشة بالكوبت واتزوجت بفلسطين وكنت ساكنة بالفحاحيل

 

[Miss goodness]

بنات من كم شهر المهم اختي قامت تفتش شنطتها كذا تشوف لتكون سارقه شي قبل ماتروح ااجازه

الا وشافت شي غريب في شنطتها مخبيه جوه ورقه صوره اخويا الي يدرس برا مدري وش ناويه عليه هذا وهيا ماشافته ولا شي

المهم اختي طنشت وجلسنا نبحث في الموضوع وجت من الاجاه الا وفتشت شنطتها مره ثانيه ولقت شي غريب الا واقولها لاتفتحيه وديه لامام مسجد بالحي حقنا

وراحت هيا وزوجها انا صراحه لم شفته قلت لها 100% سحر

المهم راحت وقالها الشيخ انها مسويه لها سحر عشان اختي ماتصرخ عليها وكذا

وربي اختي مره مدلعتها وتجلس تتفرج تلفزوين ومدري ايش

اختي اول ماعرفت انه سحر ماسوت لها شي بس طردتها

وودعناها كمان وحزنت عليها وقمت ابكي وبنفس الوقت فرحانه لان اختي عندها عيال صغار وخفت عليهم

شغالتا للحين ماشفت عليها شي بس ولا يهمكم وراها وراها ههههههههههههه

 

[تروبيكانا]

بنات شلونكم شفتوا خدامتي اللي كتبتقصتها ثبتت عليها التهمه لقيت صورة سابق اخوي عندها عقب ما وديتها المكتب فتشت اغراضها جان القى صورته الحمدللهارتحت اني ما ظلمتها والحين انا منة امس ماعندي خادمه بس الله يعوضني بوحده احسن منها

 

[أم حوور]

الخدم وسوالفهم ما تخلص بالمره0000مره كنت تعبانه طول اليوم ومشغوله المهم رديت البيت وقلت حق الخدامه وانتو بكرامه نزلي الزبالة عشان اقفل باب البيت وانام وطبيعتي مع اذان الفجر اقعد اصلي وأرد انام المهم طلعت شفت باب البيت مفتوح وتكرمون حاطه نعال عشان الباب مايتصكر المهم شيت غرفه الخدامه ومالقيتها بفراشها قعدت انطرها اكثر من ساعتين المهم ردت ولا حالتها حاله حبل الستيان بصوب وشكلها الله بالخير المهم تمالكت اعصابي واسألها وين كنتي ترد وديت الزباله بره وقلتلها انا مو صكرت الباب وانتي وديتي الزباله قبل ما انام اثاري حاطه في بالها اولا الصبحني مشغوله طول اليوم وماراح اقعد مثل كل مره المهم ابوالعيال قاعد يسألها وهي ماترد عليه المهم قالها روحي نامي والصبح يصير خيرالمهم من الصبح ولا اهي منحاشه ورايحه السفاره وتقول اني ما اعطيها معاشها وميتتها من الجوع المهم طبعا معاشها تاخ1ه اول بأول ولا اوقعها بعد واي ملاحظات اسجلها لها بالشهر اذا يبت لها المهم وديت للسفاره دفتر معاشها وقلت حق السفاره مو وي نعمه وتترجى اني اردها بس قلت خل اللي كنتي معاه يقصلج تذكره او يشغلج بالفعل تكنسلت اقامتها وافتكيت منها

 

[غيدآء]

الله ياخذ شرهم ويفكنا من مشاكلهم قطيعه يبطون الجبد

 

[محامية شاطره]

مممممممممممممممممممممممممممممممممممممممم
بصراحه كل شئ له وجهين حتى الخدم ترا هم بشر حالهم من حال اي وحده تغلط وتحس بالغلط وتندم بس هم في شياطين وملاعين يعني الي متأذية من الخدامه وتحس انها مو مضبوطه تبدلها او تسفرها (يكون غلط كبير يعني الي تغازل او تلعب بذيلها ) اما الي ماتعرف تطبخ تتعلم مع الايام وتطول بالها عليها



عاد الي يقول بنات وحريم الكويت طباخات اكثرهم بيض طمام طبخته المفضله

 

[نجوله]

شلونكم بنات .. عيل لو اقولكم قصة خدامة اختي اتطقون على راسكم.. :0bee2e8d89:
كانت خدامتها مسترجعه وواااااااااااايد زينه انشوفها اتصير اركوووووز حق ولد اختي ودايما اتصير هبله عشان يعني اتبين انها زينه وهي فعلا زينه وحنونه حق اليهال.. تتوقعون شنو سوت....!!!!!!!!!؟؟؟؟؟؟؟؟؟؟؟؟؟؟؟؟؟؟؟؟

الحيوانه كانت راسمه على اخوي العود كان مسكين توّه متزوج وقاعد عند اهلي وفجأه واهمه نايمين احترقت غرفتهم والحمدلله اللي صحوا على نص الغرفه محترقه وقبل لاتحرقهم.. بس اهني ماحطوا في بالهم ان بفعل فاعل لما في يوم من الايام كنت ازف خدامتي المطفوقه بشكل موطبيعي ودايما اتسوي مشاكل مع الخدم.. بس بعدين اكتشفت ان في حكمه من هالشي لما في يوم سوت مشكله حق الخدامات الثانيين جان تبجي واتقولي انتي كله اتهاوشين وهذي مادري شسمها تقصد خدامة اختي ماتقولون لها شي مع انها كله اتلقط شعركم واصوركم واتسوي لكم شي موزين ودايما اتقول للخدم عن مرت اخوي انا بذبحها..!!!!!! اتصدقووون
ورحت على طول كلمت اختي واختي بدورها كلمت الوالد وابوي ماجذب خبر ياب واحد من ربعه لابس لبس عسكري عشان يخرعها وراحوا غرفة اخووي وقالها يالله طلعي اللي انتي امسويته.. جان تنكر وكرر الكلام مره ثانيه وهم انكرت ونطرها اتقول وحتى رفيجه ظل يسألها هم ماكوا فايده لما ابوي فصخ العقال وطقها طق .. اول مره اشوف ابوي مقهووووور ومحترق قلبه بهالطريقه واحنا نسمع صراخها من ورى الباب وقلنا هذي راح اتموت بين ايده لما الحيوانه قامت تمشي على ايدها وريلها واحفرت واحفرت جان اتطلع عقده شعر وخيوط واوراق شكثرهم ...
وبعدها الوالد ياب شيخ يقرى عالمكان ورشوا ماي مقري والحمدلله عدى الموضوع على خير .. بس بعدها اخوي وزوجته اكرهووا المكان وغيروا مكانهم....
الحين عطوني رايكم سالفه تقهر ولا لأ والمشكله انها سيلانيه بعد

 

[أم حوور]

نجوله حبيبتي

صاجه

الخدامه اذا حطت ببالها شي تسويه
وحده من الاهل خدامتها سوت لها سحر عشان عجبها الكفيل وتبييه وسوت للمره سحر والله يشهد المرم تحرولت وتشوهت والخدامه اعترفت
ان بابا واجد حلو انا يبي بابا حق انا طبعا هذا كلامها

انطقت طق اليهد بالمخفر وتسفرت والمره تحرولت والجسم تشوه والبيت صار كئيب من شيخ الى شيخ وقراءة القرءان وقراءة المعوذات

والله يرد شمل هذي العايله

 

[meen_ana]

الله يبعدنا من شرهم يارب

 

[@شمس الضحى@]

اللهم احفظنا
بلاوي هالخدم تشيب الراس

 

[سحر الشرق@]

عورني قلبي من هالفيديو
امانه يا بنات ديرو بالكم عل عيالكم ولا تخلونهم بيد الخدم
http://www.youtube.com/watch?v=6rtIignpLI8&feature=related

 

[@شمس الضحى@]

ام شهوده صج عورني قلبي
الله لايوفقها من خدامه

 

[Gipsy Queen]

akeeed eswoon kilshy lmn eshoffon ilm3zbh sm3n w6a3a lhaa
lazn nkoon wraahm o n7seshm biltheqaa bnfs ilwqt
ehy mishkila bs dblumasyah bnfs ilwqt
hm muraqabaah ..lakin t7sesenha inha lazm tdeer balhaa 3la ilbeet o ili feeh
,,,,
6b3n khdm hlzmn ghaier 3n qbl latklmooni wla tqololi shy
.............
looooooooooooool
w7da mn ili ybthom tqoli baby wayed shy6aan
qtlha 9ij
adre inhm shya6een inty laish yayh
,,,, o lmn tkoneen momq9ra 3leeha bshy tqolich wdeeni ilmkt ,,hni shy yqhar
offfffffffff
nbi a7d ythmn 7qooqna weflosnaa
looooooooooooool