بلاوي ومشاكل الخــــــــــــدم / أرجو المشاركه

[xxx]

رد : بلاوي ومشاكل الخــــــــــــدم / أرجو المشاركه

هههههههههههههه خوش تعذيب الرسامه

 

[@ الرسامة @]

رد : بلاوي ومشاكل الخــــــــــــدم / أرجو المشاركه

عشون عيل ؟؟؟؟؟؟؟؟؟



0

 

[srabeel]

رد : بلاوي ومشاكل الخــــــــــــدم / أرجو المشاركه

واى حسبى الله عليها من خدامه تسكر حلج الياهل عمه بعينها بله

 

[srabeel]

رد : بلاوي ومشاكل الخــــــــــــدم / أرجو المشاركه

خل أقولكم عن نفسى أمى كانت تشتغل مدرسه وما خلت خدامه ما يابتها حتى مصريه يابت

إيه أذكر يابت وحده جان تقط روحها بالبالوعه ( الله يلوعها ) وتسوى روحها بتنتحر لأنها حامل بس ما أذكر إسالفتها بالضبط بس جنه زوجوها بعدين من سوة معاه سوايتها

إيه وأذكر بعد يوم أنا إصغيره أبوى ياب صبى هندى ما أدرى شصله ما أدرى شنو يبى بس أذكر إنه شرب كلوركس المينون وودوه وسوله غسيل معده


بس الطامه الكبرى فينى حسبي الله عليها إيه مثل ما قلتلكم أمى تشتغل فكانت تودينى عند يدتى أم أمى وساعات تخلينى عند الخدامه لأن يدتى أم أبوى ساكنه جدام بيت أمى كلس إذا فتحت يدتى الدريشه تشوف البيت كله لأن أمى كانت مأجره بيت قبل وكل بين فتره يت يدتى تطالعنى

المهم يدتى فتحت الدريشه وإلا مال تشوف الخدامه ولا تشوفنى جان تركض يدتى الله يخليها وتفتح الباب وإلا تسمعنى أبجى ميته من البجى وإلا تدرون الخايسه شتسوى فينى حسبى الله عليها كانت ماخذه المميه وتطقنى وتدعسها بحلجى إلا تبينى أشرب وأنا كنت ارجع لأنى ما أحب الحليب من صغرى يعنى من منولدت وأمى محتاره فينى لأنى ما أحب الحليب كلش وتوهقت فينى مسكينه عاد أقولكم يدتى شافتها جذيه تطقنى ودعس المميه فينى وأنا ميته من البجى جان تاخذنى يدتى وتمسكها وطفها طق سنه بساعه وتتصل ببوى وإيلها وياخذها ويذبحها من الطق وإيه ولد خال ألوى وهم يطقونها قلعتها جذيه تسوى فينى حسبى الله عليها

يدتى يحليلها ليلحينها تدعى على الخدامه وكل ما تذكر السالفه تبجى لأن تقول لو ما دشيت جان ذابحتى الخايسه

 

[أغلى حبيبه]

رد : بلاوي ومشاكل الخــــــــــــدم / أرجو المشاركه

عمى بعينهم من خدم

واي سكتي خدامتي تهاوشت مع ولدي يوم الاربعا وقالت بروح السفاره بسافر
قتلها يصير خير قامت تصرخ وحالتها حاله ماتبي تقعد قتلها انزين بوديج عما بعينج
لا وتقولي التذكره عليج مو علي ولسانها شطوله وقمت اصرخ عليها وخواتي يهدون فيني بس ماكو الحماره السانها اطول منها
ورديت شقتي بطني ذابحني من العوار قلت خلاص بوووووولد
بس حسافه نمت وراح العوار
المهم اليوم تقولي خلاص انا بقعد لما انتي تولدين بعدين بروح
بالله شسوي فيها يننتني

 

[نفيشه]

رد : بلاوي ومشاكل الخــــــــــــدم / أرجو المشاركه

انا بس توصل خدامتي الثانيه راح يصفى بالي شويه واسولف لكم عن البلاوي اللي عندي

 

[xxx]

رد : بلاوي ومشاكل الخــــــــــــدم / أرجو المشاركه

سرابيل

مشكورة على المشاركه

شالبلاوي انتحار وسوالف بطاليه مثل ويوههم مالت عليهم

انا الي تطقج صج صج حقيره ياربي قلبي قام يعورني


اغلى حبيبه

ديري بالج على عيالج منها

لاتخلينهم بروحهم وياها

انتي موظفه ؟

 

[أغلى حبيبه]

رد : بلاوي ومشاكل الخــــــــــــدم / أرجو المشاركه

بنوته لا والله انا بلبيت مااشتغل
وعيالي انا اللي البسهم واسبحم
مالها شغل فيهم
تدرين حتى المطبخ ماتسوي شي فيه كل انا
اهيا بس عليها التنظيف وغسيل الملابس لا ومو عاجبها
لا ومعاشها 45 مادري على شنو
صج حسافه فيها حتى 30

 

[xxx]

رد : بلاوي ومشاكل الخــــــــــــدم / أرجو المشاركه

اشوا عبالي موظفه وتخلينهم عندهاااا

الله يكافيكم شرها

اهما جذي يموتون على الدلع

وهم مو عاجبهم

 

[@ الرسامة @]

رد : بلاوي ومشاكل الخــــــــــــدم / أرجو المشاركه

واي سرابيل



من صجج

زين ابوج يسوي فيها


عاد ما قلتي هالقصة الا حق وحدة الخدم يبطون جبدها وااااااي لوما الحاجة لهم بلاعين البيزة مال جبريت وتحرقينهم

والخدامة لا تعطينها الثقة لو شنو وخليج وراها وراها حسبي الله عليهم

 

[xxx]

رد : بلاوي ومشاكل الخــــــــــــدم / أرجو المشاركه

الله يعين قلوبنا على بلاويهم

 

[**فلونه**]

فلونه تطلب حل عاجل لمشكلتها العويصه ؟؟

قوه بنات شلونكم


بنات انا بموت مع الخدم ....................عندي خدامه بيصير لها سنتين ونص عندي يعني اهيا اللي مجابله عيالي التوم من عمرهم شهرين وهيا تعرف لهم اكثر من اي احد يعني اذا مرضه تعرف لهم عدل تجابل اليهال معاي لاني ما اقدر عليهم اسم الله عليهم وانا ادرس ..........وهم اموتون عليها ..........المشكله انها ما كانت ابروحها طبعا يبت معاها 4 خدامات يعني ماتم شهر واحد بروحها لازم معاها وحده ثانيه كل جم شهر وحده تسويلي سالفه معاها واوديها ..........وقبل شهرين ونص راحت اللي كانت معاها و قلت خلاص بيبلها وحده نفس جنسيتها عشان يتفاهمون وعن النجره مع بعض ويبت لها فلبينه .......................بس لاحظتها قبل لا توصل الخدامه صج كانت تقولي تعبانه بس ماكانت اطول السانها علي و تتحاوش ................واللحين كل شوي تصارخ وتتناجر ..............



مادري اوديها .............واخلي وحده بروحها ..........ولا ايب غيرها اذا راحت مع اليديده والله حترت ..........................؟؟؟

بنات اريد حلا عاجل .....................انقذوني ....؟

تهقون تقدر خدامه وحده على يهال اثنين ما باقي شي وصيرون 3 سنين ؟؟

 

[^SwEeTa^]

رد : فلونه تطلب حل عاجل لمشكلتها العويصه ؟؟

فلونه حبوبه .. خدامتج احتمال تكون ماتبي احد وياها

وايد خدم كل ما تصير وياهم وحده تناجروا وياها .. عشان تسيطر و ما تناشبها بشي و بعضهم

يخافون الخدامه الثانيه تكشف دوابيرهم .. و يطلع المستخبي ..عاد انتي شوفي خدامتج من أي

نوع انا اقول ييبيلج وحده ثانيه .. و خلي الاوليه تعلمها الشغل عدل و عقب سفريها .. و بعدين

ييبيلج ثانيه يعني يصيرون ثنتين يدد .. احسن لج

 

[**فلونه**]

رد : فلونه تطلب حل عاجل لمشكلتها العويصه ؟؟

سويتا مشكوره وايد على ردج المقنع .................صج يبيلي ثنتين يدد وحاليا انا توني يايتلي وحده يديده ماصار لها شهر مع القديمه ............بس وايد خايفه لا تخربها

 

[معلمه متميزه]

رد : فلونه تطلب حل عاجل لمشكلتها العويصه ؟؟

حبيبتي خدامتج ..

يا امه انها ملت منكم وتبي تروح او تبي تظل بروحها فاحسن شي قعدي وياها وشوفي شنو مايتها وشتبي بالظبط اذا حسيتي انها بتقعد خليها وزيديها خمس دنانير خلتسكت وتتحمل ( طبعا اذا انتي تبينها وعاجبج شغلها ) اما اذا ملوعه جبدج مشيها وييبي غيرها عيالج ماشاء الله غدى شرهم انشاء الله وماتحتاجين ثنتين اذا بيتج صغير ماله داعي ثنتين ..
شغل البيت تخلصه الصبح واليهال نايمين وباجي اليوم تتفرغ لهم .. وانتي هم ساعديها يعني شوفي نفسج كام احيانا تملين من عيالج ومالج خلقهم فلاتتكلين على الخدامه على طول .. ريحيها شوي من اليهال حرام ..

وانشاء الله اكون افدتج ...

 

[^SwEeTa^]

رد : فلونه تطلب حل عاجل لمشكلتها العويصه ؟؟

العفو فلونه ولو حبيبه البي .. الله يعينج و يصبر قلبج على الخدم

الغشيمه .. ديري بالج تزيدين خدامه مني و الطريج بس عشان تسكتينها .. لااااء

بعدين تتعلم .. كل ما بغت زياده سوتلج مسرحيه .. ديروووا بالكممممم

 

[حبنا الله عليه]

رد : فلونه تطلب حل عاجل لمشكلتها العويصه ؟؟

حبيبتي **فلونه** عسى الله يعينج يارب ...

وترى هالمشكلة مشكله اغلب الناس هالخدم صاروا علل على القلب
ومثل ماقالوا البنات لازم تعرفين شنو تبي ؟؟

تبي تقعد اوكي بس لازم تعرف حدودها لاصراخ ولا عوار قلب وتجابل شغلها
غير جذي تولي مسكيها الباب ، وسالفه خدامه وحده تقدر على اثنين
تقدر وجنه العيد يختي اغلب الناس خدامه وحده وبيوتهم متتروسه ..

ولاتنسين دورج انتي مهما كانت اشغالج الأم تبقى أم ولا ليش الجنه تحت أقدامهم وتذكري عيالج من اولوياتج وعسى الله يقدرج يارب على تحمل المسئوليه ..

​

 

[**فلونه**]

رد : فلونه تطلب حل عاجل لمشكلتها العويصه ؟؟

الغشيمه مشكوره حبيبتي على ردج .........وانت صاجه انا مليت من الخدم ومعاشاتهم والله 100 معاشات ...............لا وكلها شقه بس الواحد شسوي انخاف الخدامه تنحاش ولا تسوي شي باليهال .................ويالله هانت بس يدخلون عيالي الروضه بخلي وحده ........وعلى طاري الزياده توني قبل شهرين زايدتها 5 دك .........وقايلتلها اذا تبين تقعدين بروحج اخلي معاشج 60 .


سويتا كلامج حكم ................ومشكووووووووووره على الرد

 

[Dancing^Queen]

رد : فلونه تطلب حل عاجل لمشكلتها العويصه ؟؟

فلونه
نفس مشكلتي مع خدامتي اول


اول كانت بروحها مع بناتي
ومن احسن مايكون
شغل البيت
ومجابل اليهال
وطبعا ماكان كلشي عليها اليهال الصبح عند امي
وانا ليي يت من الدوامامسكهم
بعدين شوي شوي بديت اعتمد عليها
يوم شفتها امينه واهم يحبونها
واهي حيل حنونه عليهم
واتعرف لليهال حييييييييييييييل خبيره
تصدقين مره بنتي انملعت اهي رددتها
دهنتها بزيت السمسم ورددتها
واعتمد عليها وبالويهه
يعن ياحط لها برنامج رعايه بشعور نتاتي وتمشي مضبوط واذا نسيت اهي اتذكرني وحريصه حيل علي اغراضهم وشغلهم وماتقلل وماترضا احد يتكلم عليهم كلمه او يجيسهم
بعدين زاد الشغل والضغط
بدت اتنرفز واتعصب
ومره كانت زايره طول اليوم بيت خالتي مع اليهال
وبالليل طلعت وياها ويا اليهال
ردت البيت هلكانه وتعبانه
وياها انهيار عصبي
كسرت مطاره حديد علي راسها من الاعصاب وهات يارقع انا خفت منها تقول ماقدر شغل وايد
قلت اوكي اييب ثانيه
يبت ثانيه علشان ارتاااااااااااااااح
وتبتدي المشاكل
هوشات
ونجرات
ويتحاربون
وكل يوم يايه اليديده تبتبجبج
وتتشكا
وان الاولي ماتكلمها
وهذيج بس تزيد عصبيتها اقول لها اشفيك شانتي ؟ ليش؟ تقول مافي شي؟
وقامت كلللللش كله بتبتجي
كله يتهاوشون
اصالهم يوم ويتهاوشون 4
مليت وتعبت
اخر شي قبل لا اسافر الصيف اتفقت وياهم وصارو اوكي وربع
حلو؟
سافرت ورديت والا الكل يستقبليني ويدقدق وخداماتج؟
شالساااااااااااااااااااااااااالفه؟
والال متطاققين ابيت خالتي
يوم الزواره
جدام الحموله كلها
واللي مايشتري يتفرج
وجدام عيالي
وبناتي تعقدوو
شيخو ظلت يومين ترقع راسها بالقاع ( تقلد خدامتي العصبيه)

قلت مابهداش
حطيتهم وخانقتهم
ثنيتنهم انزين ليش تهاوشتو؟ محد معطيني كلمه ثابته هذي تقول نسيت الجيس وزفتني وهذيج تقول الله يعلم ماما ( القديمه)
بعدين قلت خلاص بمشي وحده بهالوقت تهاوشو مره ثانيه قلت لهم ترا في كاميرات وراح اعرف كل شي انا قلتها بخرعهم يعني اني بحط كاميرات الثانيه بغت تموت ماقدرت توقف وقامت تتبجج وتتحجج وكل يومين ايصير مشكله
قلت اوكي بس خلاص وحد تروح جان تيي اليديده وتقول بس مااما انا ماقعد وديني اخاف تذبحني الثانيه بعد قالتلي ياكلبه انا زوج مال انا ماقالي ياكلبه ( ام زوج) وقلبي يعورني ماقدر اعيش جذي

قلت اوووووووكي
ردي المكتب (كنت توني ناقله بيت ثاني)
ضفيت اغراضها وبوديها
ولا ششوف
صور ريالييل ولويه ( كنت مفتشه من قبل) وصورها بمكياجي وشحاطاتي وبديات حماتي وبنطروناتها وعما مسويه تسريحات
ومطلعه البطن المحوحي وابيت خالتي وابيت اهلي
وصور بناتي وياها
لاعت جبدي
اللي ماعندها الا صوره وحده حق بنتها واهي عندها 4 عيال وصور رياييل وايد كلهم اخوان ريلها ماشالله وصوره وحده ومو واضحه حق ريلها
وصور ممثلاااااااااااااااااات ونانسي عجرم وزينب العسكري وصور مكياج!!!


قمت وديتها المكتب
والا تعترفلي خدامتي الاولي
قالتلي ماما
هذيج اتدخل رياييل البيت
وانا متهاوشه وياهم من قبل ووطاردتهم بعصاه المخمه
واتاشر حق العمال بالشارع (لاحظي انا بجنوب السره) ولها سالفه ويا سايق بيت اهلي رايحه متحرشه فيه وطاردها من الدار ولوووووووووووووويه والحاله حاااااااااااااله


رحت سالت خدم بيت اهلي والا صج؟
واختي بعد شايفتها اتكلم سايق بيت ييرانا واييب لها اشرطه
اتصدقيييييييييييييييييييين
طلع الخمال كله يوم مشت

وبالتالي شلت سياسه فرق تسد من بالي
ويبت وحده من نفس مكان خدامتي
ومتفاهمين
صج غبيه شوي بس متفاهمين وانا مرتاااااااااااااااااااااااحه
وخفت العصبيه الله يتمم عليهم يامعوده
لايقلبون



وزود اطمئنان
حطيت كاميرا فتره (انصحج فيها) بس بعدين بديت استحرم لان حرام اتصورينها باوضاع اهي ماتدري عنها ومنسدحه واتعدل هدومها حسيت ان هالشي ممكن يفتح باب
واهي زينه
شحقه اراقبها


بس بوضعج الحل
روحي قرري خدم بيت اهلج
حطي كاميرا
وعرفي السالفه
يعني معقوله كل هلاخدم ماقعدو؟ اكيد في سبب

 

[^SwEeTa^]

رد : فلونه تطلب حل عاجل لمشكلتها العويصه ؟؟

بيـــــــــه كويــــــــــن

انتي قصتج قصه مع الخدم .. واي الله يعينج و يصبر قلبج عليهم