بلاوي ومشاكل الخــــــــــــدم / أرجو المشاركه

[بيبي أم بيبي]

مشكلة هالخدم

 

[أميرة الورد]

ياربي على اللي قريته منكم ربي يكون بعونكم..

حبيبتي سحاب الله يعين ان شاء الله اسمعي هالسالفة وتعرفين ليه الخدم ينحاشون من البيوت

هالسالفة هذي وانا حامل بولدي.. دق علينا الباب الا خدامة تقول اذا تبين اشتغل هذا رقمي.. طبعا هندية وشكلها حوسة

وكنت حامل وتعبانة وما ابي اجيب خادمة تعيش عندي بالبيت وتحد من حريتي وحرية زوجي.. المهم قلت لزوجي خل تساعدني

وكنت كل يوم أناديها تشتغل عندي كم ساعة واعطيها دينارين حسب الاتفاق وتروح

المهم مرت الشهور وصرت بالسابع وهي بتروح الهند.. وتقولي ماما اذا انتي عندك اغراض ما تبينهم عطيني عشان انا سافر

السالفة وين؟؟ دقت علي قالت لي ماما انا يبي يجي قلت تعالي.. ابيها تنظف لي قبل لا تروح.. المهم وقالت ماما انا ما يعرف يقرا شوفي هذي الاوراق

ويا بنات يوم قريت وش أقرا.. الا الاخت ممنوعة من السفر نهائي لأنها من أربع سنين منحاشة من كفيلها والاخت تشتغل لحسابها..

وطبعا المخفر ما سووا لها شي لأنهم ما لقوها.. وسجلوها تغيب.. والكفيل ربي يعوضه حط لها منع من السفر.. وطبعا ماسك جوازها.. وملغي اقامتها

ومع الاوراق فيه مثل الدفتر اصفر.. الا هو جواز مؤقت عشان تطلع من الكويت معطينها السفارة

وأنا اقرا حسيت بخوف مدري شلون.. قمت وسويت نفسي غبية وسألتها شالسالفة قامت تألف كل خمس دقايق كذبة

قلت ماما هنا مكتوب ان انتي منحاشة من كفيل وما رحتي مكتب وان كفيل سوا منع سفر.. وسفارتكم سوت جواز مؤقت تسافرين فيه..

وانتي هنا بالكويت من اربع سنين.. كيف انتي تقولين قاعدة مع زوج انتي وانتي ما فيه اقامة..

المهم قالت لي السالفة.. أثرها متفقة من يوم كانت بالهند مع زوجها.. طبعا زوجها جاي على كفالة شركة يشتغل فيه عامل..

وهي تجي عن طريق ناس ثم تنحاش منهم.. وتجي لزوجها تسكن عنده وطبعا هو ساكن بالمنقف.. وتشتغل لحسابها

وتطلع على كلامها بالشهر فوق 140 دينار.. لا والأدهى انها تقولي ماما انا بروح وانتي جيبيني على كفالة حق انتي..

قلت لها انا اذا بغيت خدامة ما ابيها تطلع من الباب.. قالت انا يشتغل انتي بيت ما يطلع.. على بالها اني غبية.. قلت لها طيب

كيف تجين وانتي فيه منع سفر ومنع دخول للكويت.. قالت ماما ما فيه مشكلة انا يروح يغير جواز انا واسم مال انا ويجي جديد وكويت ما يعرف..

قلت لا الكويت يعرف عشان في بصمة.. قالت اخت زوجي فيه سوي تغيير ويجي وينحاش من بيت كفيل ويجي سوا سوا احنا

طبعا السالفة طالت بيني وبينها وأثر العايلة الكريمة عندهم يجون على اساس انهم يشتغلون بالبيوت ثم ينحاشون.. وطبعا ساكنين بعماير الهنود اللي عندنا بالمنقف..

ايه وانا كلمت المكتب اللي جت عن طريفه وقالي هذي متغيبة لها اربع سنين والحين الاخت جاية تطالب بجوازها عشان ترجع

الغلط مو عليهم الغلط على القانون اللي يسمح لسفارتهم يعطونهم جواز مؤقت تطلع فيه من الكويت.. وإلا الي مثلها المفروض

يصيدونها ويخلونها عبرة لمن اعتبر.. حرام الناس صارفين فيها فلوس وهي تجي على ظهورهم ثم تنحاش عشان تشتغل لحسابها؟؟

انا ودي لو احد يبلغ عنهم عندنا عماير كاملة بالمنقف كلهن خداماتكم المنحاشين عايشين بربيع.. وطبعا عايشين رجال مع حريم بمكان واحد..

هي تقولي زوجي والله اعلم.. وصديقتها الي معاها بعد ما سافرت الاخت مرت علي وقالت لي تبين شغل؟؟ سألتها وين الاقامة ورتني بطاقتها المدنية وفيها اسم الرجال

وتقول انها تشتغل الصبح في مدرسة وفعلا اذا دقيت عليها الصبح احس انها بمدرسة.. وأسألها انتي وين ساكنة الحين

طبعا بحكم ان ذيك سافرت وش يقعدها بالشقة مع زوج اللي قبلها.. ترد علي تقولي مع زوج.. قلت لها زوج انيتا قالت ايه..

شرايكم بنات؟؟ مو شي يعور القلب.. والله ودي لو الحكومة تمر عالعماير تشيك بتلقى هنود وعمالة مختلفة لهم سنين وهم بالكويت


طبعا ما افكر احط لي خدامة وانا عندي ولدي عمره شهور.. صراحة اخاف على ولدي وعلى زوجي منهم.. يمكن مستقبلا اذا كثروا عيالي احطها لتنظيف البيت فقط لا غير

اما عيالي والطباخ انا اسويه بيدي وهي ولا تلمسه..

حبيبتي ليش ما ادقين على قناة الوطن خلي العبد الجليل يتكلم فيها الوضوع وايد خطير الصراحة واذا كل شي بنسكت عنه على بو ماكو فايدة أحنا اللي بنضيع

 

[s c я ε α м]

بلاويهم ومصايبهم ماتنتهي...
شغالتنا هجت وهي معها وحده ثانيه يعني.... مو مضغوطه بشغل ولا وتقول ماتعرف عربي....
وكانو يتصلون عليها ناس وما نعرف كيف عرفو الرقم .......يامنها البلوه ولا من المكتب...
والحين اللي عندنا لها 6 سنين وطبعا اندنوسيه...... احنا مانقدم الااندنوسيات ويكثر بلاويهم
وبتسافر بعد رمضان يالله العافيه ... وبعد ماتروح مانبي نقدم على اندنوسيه واللي عندنا زينه بس عيبها اوقات تصارخ على عيال خواتي اوقات مو دائم وطنقر من حالها وتهداء
بس كل شي مهيئ لها وتروح بقالات اندنوسيه وسافرت كم شهرلما خلصت سنتين وبعدين رجعت لنا .


وفي قصة حقيقيه ........طفله حامل من خدامه؟؟؟؟؟؟؟؟؟؟؟؟؟؟؟؟؟


كيف بتتعجبون !!!!
الام لاحضت كيف ان بنتها تغيرت ووجها باين عليه التعب وذبلانه الضعيفه
ياقلبي عليها ...... ع 11 سنه وتوديها للمستشفى ويقولون مافيها شي
بس البنيه كل يوم واردى ومره ودتها وكشف عليها الدكتو ر وحللها ....... وش النتيجه؟؟

حامل ...... والام طبعا ضرب وهواش بلبنت وقوليلي من مين بس المسكينه مي فاهمه شي
وعااد تقولها دائم بلليل تخذني الشغاله عندها وتصير رجال مو حرمه ...

وطلع رجال متنكر بهيئة حرمه واغتصب هالطفله البريئه .....مرفوض يعاقبون المكتب اللي قدمو منه

حسبي الله ونعم الوكيل فيه.....

 

[ام كنعه]

والله الخدم شر لا بد منه وايد جربت اضل بدون خدامه بس بعد ما يطوف الشهر اصير عصبيه وما اقدر اشتغل بروحي لان احنا نبي نطلع ونجابل اليهال وابوهم وما تقدرين تلحقين يمعوده تحملي المهم شغلج يمشي

 

[ولا احلا]

:tomato2: بصراحة الله يعين صح لسانج ....... _03BA: شر لابد منه بس شنسوي الحين انا عندي ولد معلق ويبيله مجابل وجبت له خدامة وقعدت عنده لين كمل عمره 6 سنين وبعدين حسبي الله ونعم الوكيل طلعت حامل من سايق جيرانا وصارت لها مشكلة وصار لي 3 سنين كل سنة خدامة بس عشان ما تعشق السايق ... والاخيرة الله كريم اديها بآلها سنة عندي والله يستر . :gathering: ..... قنبلة موقووووته . شسوي شحادك على المر ..... غير الامر منه 000

 

[أم حسن]

سالفتي لأ صدمتي:
انا ادرس بره الكويت و يبت كذا خدامة ما يعجبها الوضع هناك لأن طلعاتنا قليلة و مافي وسائل ترفيه و لا خدم تقرق معاهم المهم وحدة من اللي ألفت لها فلم عشان تطلع من عندي .. أمي احجزت لها تذكرة و ودتها عند باب المطار ما تأكدت إذا دشت و إلا لأ.. شكلها دخلت من باب و طلعت من الثاني .. دقت علي أمي اليوم ( هي صار لها سنة من راحت) و إلا داقين عليها المكتب يقولون إن لاقينها مذبوحة و محروقة و قاطينها بالصحراء يالله يا كافي ما يندرة شعلتها بس حدي غلقت صعبة مو قادرة أتخيل.. صايدين اللي ذابحينها ريال و مرة بس ما أدري من وين ..

الخدم بلوة .. يحيرون

 

[خاشووقه]

صراحه احنا خدمنا نحاول نتحاشاهم
كله انخاف ينحاشوون
و للأسف ينحاشون

وتلاقين اذا تبي شي وله كسرت شي
احنا المساكين انقوول (( ما كو مشكله ))

والحمدلله انه ما عندنا يهال

بس بقولج سالفتين صارت بالضبط في منطقة القادسيه

1) خدامه اتحط اسفنكين ابيض في رضعة الياهل والمسكين احباله الصوتيه ذابت
2) خدامه ادخل نمل حيين في خشم الياهل وهالياهل كله يصرخ يوم ودوه الطبيب سوو اشعه على راسه اله النمل يمشون بالراس وبالمخ

يا بنات ديروا بالكم على اليهال خافوا الله لا تأمنون عليهم خصوصا اليهال الصغار اللي ما يتكلمون

وتوني قريت بالجريده خدامه حاطه كلوركس بالجاي ويوم حققوا معاها اعترفت سوت جذيه لأنه معاملتهم مو زينه

بلاوي الخدم ما تخلص وما يبين بعينهم شي بس احنا تعلمنا على الكسل

بس لا تتكيسلوون عن اليهال حرام والله حرام مردهم بيكبرون وبشيلون عمرهم

وسووري على الاطاله

 

[أم حسن]

يا ربي ودنا نستغنى عنهم بس صعبة مع الدوام و العيال اللي يبيلهم مجابل .. شتلحق عليه الأم بالكويت اللي ما تشتغل ما تقدر تعيش هي و عيالها على معاش واحد و اللي تشتغل بالعة موس الخدامة لا و البلوة لي صارت مدرسة يبونها ليل و نهار تحضر و تزهب وسائل و تصحح امتحانات:eh_s(14):

 

[ولا احلا]

:0bee2e8d89: والله وانت الصاجه على كل الي نسويلهم اياه هم بعد .. يطمعون ويبون بعد صج مو كفو والله حتى يدشون ديرتنا يا جماعة خربوا حتى السنة عيالنا قاموا يسولفون مطقطق ............. :gathering: .. اللـــــــــــــــــــــــــــــته المعين يارب

 

[ولا احلا]

ميخالف بدلييييياتييييي واااااااااااااااااااااااااااااااااااااايد ,,,,,,,,,,,,,,,,,,,,, سكب :dddds: :dddds: :dddds: :dddds: :dddds: :dddds: :dddds: :dddds:

 

[الرحيق المختوم]

زين حبيت اسألكم خدامتي لما مشيتها المكتب قامت تصارخ تبي قطعة خام هي تتلحف فيها لما تنام ، المهم هالشي استغربت عليه ما همها الا هالشي .
اللى عندها اندونيسيه تقول لي هل لاحظت قطعة خام تتلحف فيها و هل عرفت ليش؟؟؟؟؟؟؟؟؟؟

و مشكورين و الله يكافينا شر الخدم و بلاويهم

 

[برميتا]

انا مالاحظت عند خدامتي شي جذيه..!
المهم انها باطة جبدي الحين كملت 4 اشهر ونفس المخدية
وماتحاول تتعلم لا كلام والشغل يالله يالله ..

مادري شسوي معاها

 

[nouna82]

انا خدامتي كانت زينة و احنا وايد زينين معاها بس شيشتها خدامة امي و انحاشوا مع بعض !!!! تقولي اخاف من امج لانها عصبية و يبت الثانية زينة مع اليهال بس ايدها خفيفة كله تبوق مني و تخيلوا مستحملتها جم مرة اشك فيها بس اقول مابي احط بذمتي عااد ذيك المرة اختها زايرتها جان اصدف اختها تحت ولا اشوف قلبي الماس على رقبتها !!!!!!!!!!!!! (الزفته بايقه قلبي ومعطيته حق اختها ) جان ازفها و احقق معاها بس للاسف خليتها مارجعتها المكتب ياربي شسوي والحين ماصارلي والدة يعني صاروا اليهال 3 اسمالله عليهم يبيلهم مجابل

 

[عسولة الكويت]

الله يعيننا بس

 

[رؤى الايام]

قبل 3سنوات كان زواج أختي وماكان عندي خدامه فقلت لامي تكلم خدامه نص دوام تساعدني في يوم العرس مافيه الامخلفين الحج من الجنسيه الصوماليه وبعد ماخلصت مكياج اختي العروس لان مايعجبني مكياج الصالونات السعوديه بس تسريحاتهم روعه لقينا الصوماليه تحط كريم الاساس ماكس فاكتر وانا من الصدمه اعطيها الكحل وشدو مابيهم علشان اقطهم اذا راحت ولا كملت الاخت لما ركبت السياره وياأخوي مهو متزوج وهي وياي ولتفت لوراء اشوف الاخت فاكه الغطاء ولما شافت الدوريه تغطت ولما دشيت الصاله الا كل انظار الحريم الكبار عليها يمدحنها قطعنها اسبوع من المدح الحمد لله انها تزوجت من جنسيتها مو من السعوديين وكل سنه تسأل امي عني ماجت فلانه

 

[ام سعاد]

وييييي وييييييييييييييي

 

[redcharger]

رد: رد : بلاوي ومشاكل الخــــــــــــدم / أرجو المشاركه

انا ما ازفها وايد واتقاضى عن وايد شغلات والسبه اعيالي انا اداوم وادرس بنفس الوقت واهي شايلتني بصراحه وايد والله يعينا بعد شنسوي محتاجينهم الله يهديهم انشاءالله ويسخرهم لنا

 

[تناديني]

اذا الواحد تعامل مع خدامتنا باحسان راح تطلع بأحسن ما يكون
بس همن لابد من الحذر منهم و نكون فاجين عيونا عليهم عشان الحرص

 

[Stop ana top]

لا والله خالتي تعاملهم باحسان وما شافت منهم شي زين واحلفت معاد اتجيب اندونيسيات اعوذ بالله السحر عندهم نفس شربت الماي

 

[sunshine22]

االله يكافينا شررررررررررررررررهم