بلاوي ومشاكل الخــــــــــــدم / أرجو المشاركه

[um jojo]

عيل انا خدامة امي فلم حدها مينونه مو مستوعبه انها خدامه حسباله انها موظفه بشركة و لا مسؤوله بعد مو اي موظفه هيهي .. عاد انا تبط جبدي من زمان من قبل لا اتزوج بس مالي شغل فيها حتى ما احب اطرشها لانها عشتو ما ترضى كله تتحلطم و اذا تحلطمت عادي اتهاوش وعاها فطاف , و كل ما انييب صبي او خدامه تتهاوش معاه و تنحشه و المشكله الاكبر ان امي تموت عليها ما ادري على شنو على قولتها ان اهيه اللي شايله البيت مع انه وصخة و ابيت كله مغبر ,,المهم ليين تزوجت و ولدت يبتلي خدامه و لما كنت بالنفاس حاطة دوبها دوب خدامتي كله تامرها و تصارخ عليها و تزفها و مسكينخه مالتي نوعها ما تحب المشاكل و تسكت ليين يتني مرا منهاره و تبجي و تقولي السوالف اللي صارت معاها و تقولي انها بس ما تبي تقعد اهني , انا اهني ما ادري شلون يتني قوه الاهيه معني كنت توني والده المفروض تعبانه و كنت اذكر منسدحه بالفراش جاان ارفس الكفر و انزلها تحت غرفتها و امسكها من هدومها و اخضها و اصاارخ علييها مادري شنو قلت بس المشكله انها فيله ما تنخض , و بعدين رحت حق ابوي معصبه و قلتله خلاص انا برد شقتي هذي يننتني حاطه دوبها ودوب مالتي و انا باجر وراي دوام و ساكنه بروحي من وين اييبلي وحده زين و اقعد انطر و لا ليش عشان هذيي !! و روحلها ابوي ازفها زف و قال بسفرها بس امي تطق بريلها و تقول لحد يكلمها و انا زعلت بس يت امي راضتني و قالت انه بتراضيهم و خل كل و حده تنام بغرفه و الحمدلله طلعت من النفاس بسلاام ...

 

[بنت امي وابوي]

ويييييي الحمد لله والشكر

عيل خل اقولكم على خدامة خالي سوت بلاوي

اقولكم بعد ما اقوم من النوم ان شاء الله ^_^

 

[دمدومة]

شقولج بس عن سوالفهم صارت مضرتهو اكبر من منفعتهم بس شنسوي عشان دواماتنا وعيالنا تبين اقولج عن اختي الي بغت تطلق بسبت الخدامه من كثر ما زوجها مل من مصايبهم خير احتي بينه وبين الخدم واهي تشتغل وعندها ثلاث يهال تحت بعض والي مره سبتها وقالتلها انتي مكرم السامع (ككه)والي طاحت عليها اطق عيالها واخرتها اتسوي سحر وكاتبه حجي وخرابيط على العاب اليهال وله تبين تعرفين سالفتي الي انطردت انا وزوجي من بيت حمولتي عشان الخدامه والمشكله خدامتي بعد وقعدت ما احاجيهم سنه على الي سووا فينه وبهذلتنا لو مو اهلي ضفونه جان حالتنا الله اعلم فيها
وله امي مسكينه مره عوده ومريضه غصب تمشي تبيلها وحده زينه حنونه عليها وتقوم بشغل البيت مافي كل يوم يايه وحده اتفلسف على راسها بشوف البيت كبير وله صغير _انا ما اغسل بيدي _انا ما اطبخ _انا ما اغسل حوشواخذي من الطلبات لا فيج خير كلميهم بكلمه تلاقينها تسويلج فلم وبجي ونحيب وغير الجذب والبوق والاهمال والتلفونات والربع حسبي عليهم قمنا حتى بصلاتنا ندعيلهم الله يهديهم حق اعيالنا واثبتهم والله تعبنا من مشاكلهم وكله من المكاتب الي مقوينهم اللح ينتقم منهم

 

[الغاليه نونو]

خدآمتي نيبآليه وكبيره بآلسن شوي آنآ مآحب آلصغآر وهآلمقروده كل مآيبت لي وحده علشآن تسآعدهآ بآلبيت تطفشهم وتنحشهم حسبي آلله عليهآ نسره تكررت آلسآلفه مع جم وحده يبتهآ وكلهم يقولون نفس آلكلام عنهآ يقولون آن مآمآ موزينه وتطق ومآتعطينآ معآشآتنآ ومآكو آكل ههههههههههههههههههههههه يوم مسكتهآ قلت لهآ ليش تسوين فيهم جذي تقول مآمآ آنآ مآحب خدآمه ثآنيه معآي كلهم مآفي زين كلهم قرقر موبآيل وآنآ مآكو هبي موبآيل بس عآد آلصج ينقآل تكرف كرررررررررف آليهد وشغلهآ مونتآآآآآآز ههههههههههههههههههههههه

 

[يارا 2]

شوفو هالخدامه شلون باقت الخاتم

 

[newq8ia]

والله الخدم وبلاويهم ماتخلص انا عندي اثيوبيه من من اربع اشهر اليوم اكتشفت انها حامل اهي يات وقالت مدام ابي اروح الطبيب معدتي تعبانه عاد قبلها بفتره كنت اشكي ان بطن خدامتي كبير قالت اي من الاكل لان صج شقرديه شكلها مو حامل ميته قهههههر

 

[ريماا]

الله يكافينا شرهم
انا خداماتى ثنتين وبشيلهم اندونيسيات وحدة كبيرة ونقالت حجى ووصخة بس حنونة على عيالى ماتأذيهم خلصت سنتين وتقولى برد ماافكر اردها مااحب الوصاخة
والثانية اوصخ من الاولى قتلها ترا انا بوديج المكتب عيت قالت سفرينى قتلها خلاص اشتغلى شهرين يبى ثمن تذكرتج واسفرج بعد ماسارلها عندى الا 4شهور
بطلبى سيلانية للطبخ وفلبينية لليهال شنو احن مناطق للفلبينيات؟ للى تعرف لاتبخل على عيالى مدارس خاصة وابى وحدة لهم بس

 

[كيت كات]

وااااااااااااااااااااااي
عجبتني حركة البيض يممممممممممممه منهم يخرعون
بالنسبة لليهال انا افضل السيلانية حنان من القلب وتتعلم على طريقتج
والبيت احسن شي الفلبينية

 

[كوووين]

انة عندى سيلانية ملسونة وملقوفة ومالى خلق من ارجع من الدوام تروح وماشوفها الا الساعة 6 ولدى بس يدور وحن على بلا ليش يايبتها الحبيبة عشان تنام وترتاح عاد انة ساكنة بشقة صغيرة يعنى ماكو تعب بس شنسوى اخاف تسوى بولدى شى

 

[بدويه عسل]

انا عندي خدامتي قد شتغلت وما منها فايده صوتها طويل

 

[نوف المطيري]

انا سالفتي مع صبي زووجي
انا وزووجي بدااية حياااتي سعيييييييييييييييييييده وانا وزوجي نحب بعض حب جنوون...
بعد فترة تقريباا 4 سنوات كرهناا بعض وكله نتخااانق بدوون سبب وبس نتهرب من بعض
جتناا فتره شوويه وتنهاااار حياااتناا بس الحمدلله انقذناا ربي انكشف الحقيير الصبي البنقاالي
كشفه رفيج زووجي مطووع >>>> طلع حااط لناا سحرر يبي يفرقنا ويخليناا بس نتخاانق >>> تخيلوا يابناات لدرجة ان زوجي يقوول للصبي حبيبي اقوول ليش تقول للبنقاالي حبيبي بس مااخطر في باالي سحرر ..
اقسم لكم يابناات كناا نتهااوش حتى جداامه واخر شي نقوول شنو تخاانقنا عليه مثل اللي فااقدين ومره رحناا البحرين تخاانقنا ماا اتذكر على شنو طلعنا من البحرين بعد اربع سااعات تخيلوا
ومشااكل واااااااااااااااااايد بس ياارب لك الحمد والشكرر ربي اقوى من كيد السااحر
حسبي الله ونعم الوكيل





اللهم ازح الغمة عني وعن زوجي واجعل حياتناا ابديه >>>>>

 

[مدرسة كويتية]

انا حدي منقهرة من الطباخة اللي كانت عندي حكمت بتسافر وانا حامل بالشهر الثامن على اساس ان بنتها مريضة وحجزت لها وسافرت وبعد يومبن دقت وقالتي انها ما تبي ترد فطلبت وحده ثانية وعلى ما اوصلت وعلمتها جان ادق الخادمة الاولية مرة ثانية وتقول انها بترجع استانست لانه ممتازة المهم حجزت لها على طول ووصلت الكويت ومشيت اليديدة . بعد اسبوع جان تنحاش من البيت ولا اثاريها متفقة مع زوجها اللي حصله شغل مع شركة بالكويت انها اتيي عن طريقي وبعدبن تنحاش وتعيش معاه . والله اني كنت معاها مثل الاخت وساعدتها بوايد شغلات بس ما بين بعينها ونكلت فيني

 

[أميرة الحزن:)]

بنات انا اختي واايد عندها عقد من هالناحيه لدرجه ان غصب عليها ادوام وبس هالفتره اتحط ولدها عند الخدامه وبليل تتطلع ونتطلعها معانا يعني مدلعه اخر دلع واخر شي الحبيبه مسوييه اشياء مو زينه حق الياهل ما ادري اشلون افسرها لكم والياهل ملتهب مسكين والحين تعقدت اكثر وما قام اتطلع الخدامه اليديده ولا مكان
والله لا يوفق اللي يسوي البلاوي حق اليهال المساكين

 

[q8-bee]

اشلونكم بنات
انا شكلي يايه بالوقت الضايع بس لاني ما اواطن الخدم حبييت اشارككم
انا من كثر ما اكره الخدم و ما اواطنهم و اواطن غباءهم صارلي 7 اشهر بدون خدامه و حدي تعبانه بس شسوي عندي ابرك من ان وحده تلوع جبدي و تناجر عيالي و شغلها مثل وييهها و ادري انهم شر لا بد منه و انا مدرسة و تدرون التدريس وايد تعب لدرجة ترجعين مالج خلق عيالج و المدرسات بالدوام يقولونلي انتي مينونه شلون تتحملين بدون خدامه و قاومت بدون ما اييب خدام بس الوضع وايد متعب لدرجة حسرة اطلع مثل قبل مع ريلي لاني احتار وين اودي عيالي محد يتحمل حتى لو اهلج.... فشسوي الحين قدمت على وحده و حدي مو مشتهيه رقعت ويههم الله كريم انشالله تطلع وحده زينه ادعولي

 

[ام نواف123]

السلام عليكم
خواتي هونوها وتهون مثل ما قالو يداتنا.
شوفو اهم شر لابد منه. بس تصدقو خواتي انا موظفة وعندي 6 اعيال بس كلهم اكبار الصغيرة منهم 11 سنة وصار لي 3 سنوات ما عندي خدامة ما اجدب عليكم واقول لكم مو نعب بس شسوي تعبت وانا كل ما ايب وحدة ما تقعد عندي بسبة بنتي الكبيرة اشوي عصبية وخدامة خالتي الله يهدها ما تسكن خادمة عندي وقايلة لي اشكرة انها ما راح تخلي عندي خادمة. فانا ما خدتها من قاصرها وكيفت عمري وعيالي على انا ما دام احنا ببيت خالتي مار اح يكون عندنا خادمة وعاشين والله يعين.

:tek: :tek: :tek: :tek​

:

 

[5ai5anii]

اعرف وحده كبيره او عندهم خدامه صارلها شي او عشرين سنه او ايموتون عليها امعزبيينها لي درجه انه لي سافرت اليهال يبجوون علييها او بعدين مادريي شصار جان ايجكووونها تكرموون اتجط خرووجها بالاكل او اكتشفو انها تخرج اب طشت او بالطبخ اتحط من خروووجها او اتفل بالمااي حق امعزبها والله تنرفزت:eh_s(14)::eh_s(14)::cxxxp:

 

[sunshine22]

والله شوفو

اللي بيتها مريح

وعندها غساله ونشافه اتوماتيك

ومطبخها حلو ومتوفر فيه كل اساليب الراحه والخدمه السريعه مثل السخان والميكرويف والغاز

وعيالها يفهمون عليها بس شياطين مع الخدم

ياتجيب مؤقته للتنظيف او لا تجيب


الخدم شرررررررررررررررررررررررررر قطيعه تقطعهم

 

[sunshine22]

انة عندى سيلانية ملسونة وملقوفة ومالى خلق من ارجع من الدوام تروح وماشوفها الا الساعة 6 ولدى بس يدور وحن على بلا ليش يايبتها الحبيبة عشان تنام وترتاح عاد انة ساكنة بشقة صغيرة يعنى ماكو تعب بس شنسوى اخاف تسوى بولدى شى

والله لو مكانج مااسكت عنهااااا

شنو ما عندج اوتي
ماعندج غسيل
ماعندج عشى
ماتسوي فطاير بان كيك اي شي
ماتنظف الكبتات المطبخ اي درج بالبيت اي رف ما تنظف خليها تحلل راتبها
للاف مو مال رحمه هذول
ماتشربين قهوه خليها تسويلج بدال الفراغه:eh_s(14):


والله لي شفتي بعدين معاها تلفون او حامل من واحد بالشارع لا تلومين الا نفسج اختي

الخدم وقت الفراغ الزايد هو اللي يضيعهم

والله ماكو احن مني على خدامتي بس مرات تطنقر علي واتحسف على اي شي سويته لها اندددددددددددم والله احسنلها من الاخت انا بس ما ينفع وياهم قطيعه

لا تهدونلهم الخيط والمخيط والله صنف واحد هالخدم

 

[RaQawY]

هذي سالفة انا سمعتها من ناس معرفة وثقة عن الخدم ودي اعلمكم فيها
يقولكم وحدة عندها اندونيسية عاد المرة تداوم الصبح فتخلي عيالها بالبيت الصبح مع الشغالة وعيالها بين 3سنوات و4 سنوات بنت وولد .. عاد كل يوم من ترجع البيت من الدوام تسمع عيالها يتكلمون عن حيوانات واشجار وغابة
في يوم من الايام سالت شغالتها انتي تاخذينهم من وراي حق حديقة الحيوان فترد عليها الشغالة لا مدام وين _03BA:.. بس كل مرة الام ترجع البيت تشوف عيالها يتكلمون عن زرافة وعن الفيل .. عاد يوم من الايام رجعت الام من الدوام مبجر قالت بسوي كبسه على الشغالة .. دخلت البيت تدورهم مالقتهم تدور في كل مكان عاد دخلت تكرمون الحمام ولا تلقى فيه قرآن مفتوح وبوسطه خيوط سكرت القرآن وقعدت تدور . مالقتهم عاد لما ما ردوا سالوا المخفر وبلغوا السفارة قالولها هذي تسوي سحر وكانت مسوية حق اليهال وانتي سكرت القرآن بعد ماراح يرجعون اليهال :eh_s(14):اهني الام جنه واحد ذابحها والحين سنتين تدور على عيالها مو لاقيتهم
.. الام صارت جلد على عظم من التفكير .. عاد ديروا بالكم والله على عيالكم لا تخلونهم عند هالخدم بروحم كافي الاشياء اللي نسمعهم بالجريدة

 

[زقرتيه]

وااي خلوني اقولكم عن خدامه امي الله يسلمكم ويذكركم بالخير كانت امي يايبه خدامه الي تفعد شهر و امي كانت بوقتها امطرشه خدامه فالخدامه الي تقعد شهر بس قعدت اسبوعين لآن الخدامه الي امي مطرشتها اوصلت والله يسلمكم امي ودتها حق المكتب و امي كانت بالطريج بتوديها جان اختي ادق على امي و اتقولها يما ترا الخدامه فاجه الغاز و رايحه و الحمدلله اختي شمت الريحه بكل البيت وفجت الدرايش و سكت الغاز و الحمدلله ماصار شي و القهر ان الخدامه امي امددلعتها اخر دلع صج مايبين اب عيونهم