>< الـطـــــــــــريــــــــقـة ><
1 . دخلي على بريدج بالهوتميل واختاري Options
2 . لما يفتح لك Options راح تلاقين عدة إختيارات اختاري Signature
3 . راح يفتح لج مستطيل فاضي وفيه يمه مربع صغير كل اللي تسوينه تحطين تشك فيه
وبعدها راح تطلع الادوات مالت التنسيق
4 . تيين للمهم وهو الصورة اهم شي تكون الصورة اللي تبينها في التوقيع موجودة في النت
وبعد جذي تروحين للصورة وتضغطين عليها بالزر اليمين للماوس وتختارين نسخ
5 . ترجعين للمستطيل وتسوين لصق للصورة عن طريق اداة اللصق الموجودة فيه
والصورة راح تاخذ شوية وقت قبل ما تنلصق
6 . بعد لصق الصورة تضغطين عليها بالزر اليسار وراح تتحدد وبعدها تقدرين
تتحكمين في حجمها وتسوين اللي تبين من تصغير او تكبير
7 . عن طريق الادوات مالت التنسيق تقدرين تكتبين اي جملة وتسوين عليها التنسيقات
اللي تتناسب مع ذوقج من تغير الالوان او إضافة ايقونات
8 . اذا خلصتي من عمل التسيقات ضغطي على زر OK وراح ينقلج على طول
على صفحة الـ Options
9 . لما تضغطين على Compose راح تلاقين التوقيع جدامج و تكتبين اللي تبيه
بالطريقة المعتادة وطرشينه عادي
وبجذي اتكون العملية انتهت بنجاح تااااام وصار عندج احلى توقيع
