بليز اللي اتعرف اتساعدني

[miss_jamsheer]

هاي بنات اشلونكم
انا الحين حامل بالسادس انا ادرس مسائي وولادتي راح اتكون تاريخ 12 شهر 6 يعني بعز امتحانات الفاينل وانا الحين انشالله اخر سنه فابي اولد تقريبا نص التاسع عشان تقريبا يكون صارلي اسبوعين والده اقدر اروح امتحن وادرس
ودي اقول حق الدكتوره تولدني قبل تتوقعون يصير ناس يقولون راح تتعبين زياده وخصوصا ولاده البنت بعد مليقه لانه قالولي احتمال بنت فمادري شسوي اقولها تولدني اخاف اقعد يومين اطلق ولايصير شي
منو مجرب انها تولد قبل يحطون لها صناعي

 

[miss_jamsheer]

اشدعوه جان رفعتوا الموضوع عالاقل

 

[الاحساس والطيبة]

رد : بليز اللي اتعرف اتساعدني

التساهيل من الله انا بولدي الثالث قلت لدكتورا انها تولدني اول ما دخلت التاسع والحمدلله سهلها الله ومن قال ان ولاده البنت او الوالد تختلف كلها نفس الشي

 

[كويتيه مذهله 87]

لاا حبيبتي كلش ولا الولاده خليها تطلع كتبه الله
وكلمي المدرسه تقدر ظرووفج

 

[الجفول&]

لاتسرعين ماتدرين شنو يصير
ودكتورتي دايم تقول كل ماطول الجنين في بطن امه كان انسبله,

 

[Mednight Rain]

رد : بليز اللي اتعرف اتساعدني

استخيري الله
وصحتج اهم من الدراسة اذا تقدرين تاخذين مؤجل ؟؟ احسن لج

 

[نـور الكويت]

عسى الله يسهل علييييج وتولدين بسلااامه ياقلبي :yaaaaaarb:

 

[miss_jamsheer]

لا حده مااقدر أأجله حده صعبه يعطوني بس 3 امتحانات مؤجله واذا اكثر اعيد السنه وانا بكون توني يمكن اول يوم والده مااراح اصدر اروح امتحن والخياط وحاله حاله

 

[opera]

رد : رد: بليز اللي اتعرف اتساعدني

هذا بجرج ولا عندج قبل ؟؟


الموعد اللي يحطونه مو شرط تولدين فيه يعني يمكن قبل او يمكن حتى بعده ب 10 ايام



على حسب حملج


اني اول ماتدخلين التاسع امشي كل يوم عالبحر <<< يقولون انه تولدين بسرعه اذا مشيتي

 

[الـفـجـر الـبـعـيـد]

حبيبتي لا تستعيلين خليها على الله احسن وموشرط تولدين بنفس الموعد

انا فبجري ولدت عقبها بعشر ايام وبطلق صناعي بعد

وانتي اذا بجر احتمال اطولين ما تولدين الا عقب الموعد

والله يسهل عليج ان شالله