بليز اللي تعرف شيء عن لبنان تتفضل ولها الشكر

[نبض الغلا]

ابي اروح لبنان انشاء الله وابي الاشياء المميزه فيها بليز ساعدوني

 

[نبض الغلا]

شدعوه ساعدوني فيها اجر

 

[Moondance]

التربوية .. لبنان عجيبة بس ماتخافين تروحين الحين .. الوضع متوتر ومومستقر كلش ...
عالعموم شوفي بالنسبة للسياحة فيها امااكن خيالية بس يبيلي ردة حقموضوعج عشان اتذكر واسجلهم .. الحين مو حاضرني.. بس هناك كافي عالواحد اذا تمشى بالشارع وشم ريحة لبنان وحس بالبراد االحلو
طبعا لبنان ماشالله ماتنام من الصبح الوناسة الى فجر ثانييوم هالحفلات والسهرات واللوية والشوارع المليانة وانصحج بالجبل وخاصة بحمدون لانها مركز الهيصة وخلج من حر ورطوبة بيروت ..
بالنسبة للاسواق عندج الاسواق الحلوة مثل الفردان وعندج المعتدل مثل سوق الزلقة - الحمرا - الكسليك والله وااايد اماكن
بس مثل ماقتلج لي ردة حق موضوعج حبيبتي وسامحيني عالقصور .. عن قريب انشالله اييب لج كل المعلومات اللي تبينها

 

[bedour18]

ايه والله زعفرانه الله يعافيج ......... انا بعد باروح لبنان و مو عارفه شي هناك

 

[نبض الغلا]

زعفرانه وينج

 

[كشموووشه]

خواتي لاتروحون لبنان الوضع كلش مايسمح تفجيرات وحالتهم حاله الله يعينهم

 

[الاسطورية]

صج الوضع يخرع

اهم شي لايطوفج مجمع abc
يههبل وسوق الكسليك
وسوق الحمرا
وسوق بحمدون اذا بيفتح هالصيف يهبل طبعا
والدوان تاوون هذا وايد راقي وحلو الي غنا في نبيل شعيل ليه ياغرام كلنا مساكين



ومغارة جعيتا للسياحه تتهبل

 

[Alia]

بنات لا تروحون ماتشوفون الله يعينهم ويفكهم من الفلسطن فعلا الاوضاع متازمة عندهم!

 

[نبض الغلا]

الله يعينهم بس يقولون احتمال تسير الأوضاع طبيعيه عن قريب

 

[Alia]

لا كلش ماعتقد توه مفجرين مجمع مهم مال تسوق حطي الاخبار !!!

الله يفك ازمتهم يارب

 

[ام أحمدووه]

احنا رحنا تاريخ 15 / 5
ورجعنا 19 / 5
يبنا بضاعه حق معرض فينيسيا هوم باجر اخر يوم
لبنان حلوة وسوقها عجيييييييب
بس الاوضاع مو مستقره نوعا ما
واشوه ردينا قبل التفجير اللي بفردان...تخيلوا كنا قاعدين بالشيراتون فردان صوب التفجير قريب حيل

بس ان شاء الله يتحسن الوضع لان بصراحه لبنان تهبل يريت نروح بالصيف

 

[ghalaty]

واااااااااي على لبنان جو وشعب ولا اروع اصلا من تسافرين لبنان وتردين الكل يلاحظ ان الصحه تتغير للاحسن والنفسيه تصير تهبل عندج مغارة جعيتا ومتحف الشمع نفس اللي بلندن على صغير وعندج جبل عليا وبرمانا ترا احلى من بحمدون مطاعمهم كلها تتينن اسوقه ما فترين وايد لاني أموت على الطبيعه والجو الحلوبس حسافه الكل يقول الوضع مومستقر الله يفك ازمتهم

 

[bambena]

الوضع جدا سيئ محد بيروح هالسنه!
حتى مواقف اي بي سي مول قصفوها !!

لاتروحين

 

[um wahaby]

حبيبتي الاوضاع كلش مو زينه .... مع ان فيه هالايام بوادر صلح ... الله يهدي سرهم ..أمين يارب
والتفجيرات اللي صارت الايام اللي طافت الظاهر انها كانت تستهدف الاماكن السياحيه ... عشان يخرببون الموسم السياحي.. التفجيرات كانت يم سوق الابسي بالسرداب .. وبشارع الفردان اللي يغص ويبلع بالخليجين بالصيف .. وبعاليه ... وهذي الماكن وايد دارجه عند السواح

 

[bambena]

اذا عزمتي بلغيني اعطيج اماكن ولو ان مادري عنهم شنو وضعهم لان اعتقد الداون تاون السولدير مسكر ماكو شي يقولون ومايندرى

 

[MissChoco]

صراحه لبنان حلوه اوكي انا وياكم بس مو ذاك الزود الي الناس حطتها واييييي لبنان روعه والي مايروحلها غلطان ولازم تروحون .. لالا يبا بالعكس عاديه وجذاب الي يقول وايييي جنها اوروبا, تبين اقولج الصراحه اي جنها دوله اوروبيا قرعه بس فيها شوية خضره .. ترا والله لبنان جي كله وديان وتنزلين وتصعدين وساعات صج تمرين على وادي اخضر بس شنو وانتي بالطريج يمكن مكان واحد صوب واحد يعني ماكو متعه كلش .. وملل بحمدون صراحه الي ماوياه احد راح يمل .. انا وياي بنات وايد وقلت والله لو قاعده بالسالميه صوب الفنار وجي نفسها نفس هالوناسه صراحه .. لانه بس قاعده بستاربكس ولا البحصلي ولا جنة بحمدون وكله كويتييييين تيخلي الناس تشوفينهم يوميا لووول هذي الي امس وهذي الي كانت جي يعني والله جنه دوام الناس اهما اهما .. انا ماحب جي احب اروح اوروبا احب انرحت دوله احس اني مسافره .. مو لبنان جنج قاعده بالخيران ولا ستي كافيه عالبحر لوووووول والله جييي جنج عالبحر قاعده والناس تمشى .. وانتي قاعده لو اختج مرت وتبينها راح تشوفينها دايركت ماتضيعين لول

 

[MissChoco]

واهم شي اقولج انه بلبنان لاززززم يحوشج عوار بطن وتروحين الطبيب وتقزين ابره لوووول انا اختي مسكينه يوميا تقز ابر لمن رحنا مصر راح عنها وخواتي الثانين بطنهم يعورهم وانا لمن رحنا مصر اليوم الي طبينا فيه مصر والله بدون مبالغه معدتي شبت علي قعدت اسبوع كاااامل عوار ما اقدر اقوم .. وكل الي يروح لبنان لالالازم بطنه يعوره مستحيل محد بطنه عوره



وثاني شي اختي تقول متحف الشمع لووووووووول حده يضحك وينه و وين لندن يبا , شياب لياب ,, وجو لبنان متغلب لانه بيروت حااااره حيل و بحمدون مرات يصير براد وشوية بروده تلسع ومرات لا والله اشوي حر ,, فعشان جي انا عندي لبنان يعني عاديه مو الي تسوا تروحيلها

 

[فلوه]

يوووووووه علي لبنان حسبي الله عليهم حرمونا منها :eh_s(13):
يكفي هواها أللي يوسع الصدر وأكلها ألي فعلاً تاكلين أصابعك وراه :eh_s(3):
وش أوصف وش أخلي فيها أسواق ... مطاعم ...قهاوي .. تماشي :eh_s(16): بس فعلاً الوضع يخوف أختي ومحد يتجرأ يروح الحين ,, الفترة اللي فاتت لما هدي الوضع شوي حجزنا ولا تصير مشاكل نهر البارد :eh_s(14):
متي ماقررتي تروحين أرسليلي أختي بالخاص وإن شاءالله ما أقصر

 

[q8_hala]

حبيبتي التربويه
لبنان الحين الوضع فيها مو آمن
فأنصحج انج ما تروحين
والله سافرت لكذا دوله ما ارتحت بالسكن ولا بالاكل مثل ما انا مرتاحه بديرتي وبين أهلي
ما اقول إلا عمار يالكويت
ونصيحه لوجه الله خلي دهنا في مكبتنا
والله الكويت فيها اماكن حلوه صج الجو لج عليه
لكن كافي انج لما تردين ..تردين لبيتج وعلى راحتج
وما تخسرين الفلوس اللي تقطينها لانها بديرتج ولاهل ديرتج

 

[عنايد]

شدعوه بنات كل ماردت وحده قالت عالخاص
احنا نبي نستفيد بعد رجائن اللي تعرف لاتبخل علينا<<<حدهااا عصبت هههههههه