بليز اللي مسوية علية لوز تدخل ضروري

[micro girl]

[b]مرحبا بنوتات قلت ماعندي الا هل القسم اللي برد الجبد بغيت استفسرمنو اللي سوت فيكم عملية شيل لوز على كبر انا بسويها الحين وعمري 25 بغيت اعرف شكثر مؤلمة ؟
ممكن وصف للالم ؟
تحسين روحج ماتقدرين تبلعين؟
كم يوم طول على ماراح؟
عند اي دكتورسويتها؟
وي مستشفى؟
تكفووووووووووو انا مرعوبة عندي خوف من العمليات وفوبيا الالم بعد العملية
ناطرة ردوددكم[/b]

 

[ام مضاوي]

وييييييييييييييييييييييي شخبااااااري

انا مثل عمرج وسويتها يوم كان عمري 10 سنوات

عادي حبيبتي الالم يومين ويروح ويعطونج ايس كريم وشغلات بارده علشان تقدرين تبلعينها عالجرح

وتبين الصج الله لااااايعود ايام اللوز وانا صغيره 24 ساعه اللوز عندي ملتهبين لين صارو زرق ويطلعون صديد يأثر قالو على المعده

فحبيبتي الم ساعه ولا كل ساعه

هذي المقوله صج تنطبق على اللوز

ربي ان شاءالله يسهل عمليتج ولاتحاتين اصلا هذي من العمليات الصصصصغرى ولاشي

 

[غيـ الناس ـر]

اعرف يهال مسوينها ولد اخوي وبنت اختي ..

بس الله يعينج على تغير الصوت بيصير صوتج وصواصه لوول


واليهال ما اذكر انهم تأذو اول يوم متأزمين بس بعدين طبيعي ..


واحسن دكتور عبدالله العلي اظن اسمه عيادة خاصة

 

[micro girl]

مشكوررررررررررررررين ماقصرتوا حبايبي بس انا خوفي من هالالم اللي بعد العملية اخاف يكون لايطاق لانني مرة بكذا عملية بعد الشر عنكم كان الا رهيبببببببببببببببببببببب فيلم رعب فعلشان جذي انا خايفة

 

[بنت باباتي]

عادي انا سويتها العام كانت مأساة بس العوار مدته 10 ايام
وسبحان الله الصغير مايحس فيها
الدكتور اول ما راجعته قالي انا عارف انك عوزه تظربيني
هذا عقب اسبوع من العمليه قالي مدة العوار 10 ايام للكبير والصغير 3 ايام وما يحس فيها
انا كنت بسويها بطيبه كلنك
بس لان معاي مرض بالغدد قالوا مايستقبلوني
وقالوا لي الافضل مستشفى الاتصالات mtc
صج كان التعامل حلو ومتى ماطلبت مسكن عطوني
انا قعدت اسبوع لاني احتاج رعايه مكثفه
بس بالعاده العمليه 3 ايام
يدخلونج قبلها بيوم ويوم العمليه ويوم عقب العمليه وتطلعين بثالث يوم
الاكل عليج بالبارد بس مو حيل
وشوربه دافيها او ابرد من الدافيه وتوست وعصير
وطبعا مسكنات
وبخاخ بنج من الصيدليه
وان شاء الله تسوينها وماتحسين بشي مو ليه

 

[micro girl]

بعد عمري ماتقصرين اللة يعنيني على الالم انا وايد عسرة بعد العملية خصوصا الالم وايييييييييد حساسة انشاء اللة اتجاوز هالمرحلة بسهولة

 

[bambena]

الله يعينج انا بعد قالولي سويها وخايفه

 

[micro girl]

بنات عفية ابي تجارب بعد

 

[ام خالد 78]

انا ماسويتها بس اتوقع عوار 3 ايام

 

[micro girl]

اللة يخليكم طمنوني ابي احد مسويها يقولي على العوار

 

[micro girl]

للرفع

 

[micro girl]

اب اب

 

[Killer^Girl]

واااااااااي انا سويتها بالصباح قبل سنتين
بغيت اموت من العوار
اسبوعين حالتي حاله
كان عمري 23
تعور حيل حيل
اول مافجيت عيوني من البنج
احس بالم تمنيت الارض تنشق وتبلعني
وتحسفت اني سويتها من الالم والعذاب الي شفته
اسبوعين ماكليت مثل الناس
انقرضت ضعفت حيل
وتعذبت وايد
وعقب يومين من طلعت من المستشفى
انفجت الفتيله وصار فيني نزيف وردوا سوو لي دخول
تعبت وايد وتالمت وايد
الله لايعيد ذيج الايام

 

[أم منصور]

سلامات

 

[micro girl]

اب اب اب

 

[سكارف.فوشي]

يا ربي خرعتوني عاد انا ودي اسويها مخططه
بس جني ترددت

خوفتوني
انا بسويها عشان ابي ينعم صوتي هههه

 

[بسبوووسه]

حبيبتي ولدي توه مسويها الالم مدته عشر ايام تقريبا ولازم طول هالمده ماتوقفين المضاد الحيوي اهم شي و سكن الالم
بعدين حبيبتي على كثر ماتاكلين برد و جيلي بسرعه يبري الجرح انشالله
حتى لو تحسين بألم ضغطي على نفسج حتى لو تاكلين ربع قفشه لازم تحركين العضله مالت البلاعيم و عليج بالعلج طول ما انتي قاعده اكلي علج هذي بعد رياضه للبلاعيم
طبعا هذا كله كلام الدكتور
انشالله اكون فددتج