بليز الي عيالها بالحضانة الانجليزية الي برميثية تدخل

[Q8_ButterFly]

لا حرام عليهم باصات والله يعينج صج بيتج وين والحضانه وين صعبه عليج الطريج

 

[ipink]

شلون عيالكم تاقلمو انا بنتي ماتهدني مسكينه احس بتعاني وشلون ليش مايرضون ادشين وياها ولا تاخذينها من داخل؟؟

 

[Q8_ButterFly]

انا عيالي الحمدلله وضعهم تمام بالحضانه واشوف بنتي هاليومين تقول الاعداد اسم الله عليها


وبالنسبه لبنتج ما يدخلونج لانه اليهال بيشوفون احد من الاهل بيقعدون يبجون والا يستغربون واهم يكون عندهم كلاس فا اذا دشيتي بتشتتين تركيزهم واهم صغار مو كبار انه عادي مادري ياريت فهمتيني لووول

 

[Q8_ButterFly]

:ggdw::ggdw::ggdw::ggdw::ggdw::ggdw::ggdw::ggdw::ggdw::ggdw::ggdw::ggdw:

 

[*ماي الورد*]

بسالكم انا ادوام الساعة سبع
يستقبلون ولدي قبل السبع
و الملابس جم سعرها

 

[Q8_ButterFly]

بسالكم انا ادوام الساعة سبع
يستقبلون ولدي قبل السبع
و الملابس جم سعرها

الحين رمضان مبارك عليج الشهر دوامهم من 8 ونص لي 2 ونص


وملابسهم والله مادري بس ذاك اليوم شريت حق بنتي تيشيرتين يدد و تنوره طلعوا 21 دينار

 

[Om-7soOoN]

يستقبلون سبع الا ربع لان المشرفة تكون هناك هالحزه قبلها بس الفلبينيات و الفراشات يعني مايصير
و اليونيفورم انا خذيته التي شيرت ب ٦ و البنطلون ب ٦ بس الصراحه حسيته وايد و خامتهم مو حلوه مالت التي شيرت جم غسله اختربت
انا بالنسبة لي كنت البسه اي شي لوووول يعني البسه بلوزه بيضه من عندي و البنطلون مالهم

 

[*ماي الورد*]

ام حسون صاجة احس وايد عليهم
شكلي باخذ تيشيرتات زيادة من مذكير

 

[Q8_ButterFly]

اليوم عيالي داوموا من عقب رمضان لاني اخذت اجازه وعطلتهم معاي

ولدي سوالي فلم قام يبجي يبي يفصخ التيشيرت ويقول ما ابي سكوول انا اهني قلت اكيد مخترع منهم جان اقوله تبي تيشيرت توماس هذا الباباي الي يحبه جان يقولي اي ابي توماس لووول حسباله بيطلع ومايبي لبس المدرسه بس لما وصلنا اهو واخته حدهم مستانسين والكشره شاقه الويه الحمدلله يارب

 

[Q8_ButterFly]

وينكــــــــــــــــــــــــــــم عيالكم ما داوموا ؟؟؟؟؟؟؟؟؟؟؟​

 

[*ماي الورد*]

الحمد لله ولدي داوم اليوم اول يوم بجى شوي ناطرة بشوف يحب الحضانة و لا لا

 

[Q8_ButterFly]

يحليله ماعليج بيتعود انا بنتي اول اسبوعين اول ما تدخل كانت تبجي والحين حدها مستانسه الحمدلله :yaaaaaarb:

 

[*ماي الورد*]

الله يسمع منج

 

[Q8_ButterFly]

اي قروب حطوها بنتج ؟

 

[*ماي الورد*]

ولدي b1

 

[Q8_ButterFly]

يحليله انا بنتي العام كانت قروب B

والحين صارت A1 و ولدي A plus صف اولى روضه

 

[miss_jamsheer]

هاااي
انا ولدي اليوم اول يوم لانه ماكنت بوديه هالشهر بس قالوا مايصير
الحين اهوه في a6
ام جنى انتي اليوم وديتي بنتج عال٨ ونص ٩ الا عدل كنتي لابسه بيج ؛)

 

[*ماي الورد*]

سلاااام
اليوم رحت الحضانة ولا الرسبشن متروس تفافيخ و شخصية سبونج بوب
و اللي يطلع يعطونه شعر بنات و ايس كريم صراحة اجواء حلوة يعطيج العافية مس ايمان
صج و عطو ولدي ملف اوراق عمل خذوها طول الاسبوع شي حلو ما توقعت هالمستوى

 

[*ماي الورد*]

بنات بغيت اعرف شنو يعطونهم وجبات بالمدرسة

 

[Um Hasan]

سلام .. شلونكم بنات 
ودي أسجل ولدي بالحضانة بس المديرة ماتخلي أحد يشوفها وقت التدريس ؟؟
انزين شلون على أبلات عيالكم شفتوهم تكلمتوا معاهم ولا لأ؟؟
ومشكووورين