بليز ساعدوني محتاره بين تخصصين (تربيه اساسيه)

[miss_buz126]

السلام عليكم ,,,
انا انشالله بدخل تربيه اساسيه الكورس الياي بسأل عن تخصصين محتاره فيهم وايد:bbbiu:
كمبيوتر احب الكمبيوتر وانا عندي دبلوم كمبيوتر :050103nbh_prv:
او انجليزي هم احب الانجليزي بس مو وايد قويه بلانجليزي:gr4uu:
وخايفه مايفتحون الكمبيوتر الكورس الياي من جذي قاعده افكر بلانجليزي
حيل قاعده احاتي ساعدوني حدي متضايقه:eh_s(11):

 

[غلآ أبوهاآ]

دام عندج دبلوم كمبيوتر ..
خلاآص دشي انقلش احسن لج
حتى عشاان تتقوين في اكثر ..
واللهـ يوفقج ياآرب ..
و انا اقول بعد استخيري احسن حل والله بيكتبلج اللي فيه الخير ..

 

[sweet cake]

الانقلش حلوو بصراحه وانا تخصصي انقلش..
بس انتي شدي حيلج لامتحان القبول والباقي سهل ان شاء الله..
ترى الصعوبه بس بامتحان القبول ولا الدراسه اسهل حيل..
وربي يوفقج ان شاء الله واستخيري

 

[miss_buz126]

ثاااااااااااااااانكي بعد عمري مشكورين علي الرد

 

[أحلى اسم ،، اسمكـ]

حبيبتي miss_buz126 ،،،

بغيت اقولج ان تخصص الحاسوب مصكرينه .. بس ما ادري يبطلونه عالكورس الياي او لا ..
واذا عندج دبلوم كمبيوتر جنه مايصير تدشين غير الحاسوب (( مو اكيد )) ،،

انتي استخيري ياقلبي وبالتوفيق ..

والله يكتب اللي فيه خيـــــــــــر ...

 

[#الخشف#]

الله يعينج حبيبتى استخيرى

 

[البطريقة البردانة]

وايد حلو...إستخيري و إن شاء الله تتيسر أمورج
أنا من رايي تكملين مسيرتج التكنولوجية عشان إذا بتكملين ماجستير و دكتوراه يكون من نفس التخصص و تبدعي فيه لإن عندج الخبرة الكافية

 

[miss_buz126]

ثانكس علي المشاركه
المشكله ماقدمت علي شي لانه الكمبيوتر صاك قلت انطر الكورس الياي انشالله
وانا وايد مرتاحه واحب الكمبيوتر
وانشالله خير

 

[آبـلـہ نـونـو]

آستخيري إذآ آنتي محتآرهـ ,,

و نصيحتي إنجليزي

موؤوفقهـ ,,

..

 

[FunKa]

حبيبتي روحي لإنجليزي

بنات الكليه كلهم يحبون تخصص الإنجليزي

دكاترته حلوين والماده حلوه

وبعدين فكري بالمستقبل شوفي حياتج شلون ودج بالتيجر والإنقلش وإلا كمبيوتر وأفرعه

وربي يوفقج وتختارين إلي يناسبج يارب


...

 

[الامل ..]

اهم شي الاستخاره ......
الله يوفقج ..........

 

[بشاير خير]

وعليكم السلام ,,

نصيحه اذا انتي مو ذاك بالانقلش لاتدخلينه ,, دخلي حاسب ان شاءالله يفتح لج اللي اعرفه انه ماعليه ضغط عشان يسكرونه..

واهم شي وقبل اي شي استخيييييييييري وربي يكتب لج الخيره ويوفقج

 

[بصْمةُ ضِيَاءْ]

لا لا دشي انجلش انا نفسج مو حييل بس اجيب 80 من 100 ورااح ادشه
الانجلش يخليج تدشين كل شيء مثل البنوك /مدرسه/ الديوان الاميري/ المطار/ كل شيء حتى الشركاات ..

وبس

 

[amish]

حبيبتي أنا تخصص حاسوب اول شئ هالكورس مسكرين القبول والله أعلم إذا بينفتح الكورس الياي او لأ
إذا بتختارين تخصص حاسوب حطي بالج
1- انج تحبين تشتغلين بالكمبيوتر لان أغلب موادنا عملي ويطلبون منج بروجيكتات
2- انج تكونين شاطره بالانجليزي لان كل موادالتخصص بالانجليزي العملي والنظري
3- سهل تنجحين لكن اذا تبين تبين التفوق لازم تجابلين عدل
4- تكونين شاطره بالرياضيات لان عندنا مواد تخصص من قسم الرياضيات
5- أغلب دكاترتنا حبوبين صج متشددين شوي بس يراعون الطلبه وحتى بنات القسم زينين واغلبنا نعرف بعض لانه قسمنا يديد ومافيه بنات وايد
6- أغلب موادنا تأخير ولاب
وأخر شئ بقولج اياه مستقبل تخصص حاسوب حلو وممتع حق اللي يحب يشتغل بالكمبيوتر واذا تفوقتي تقدرين تاخذين بعثه وتكملين بعلوم الكمبيوتر وتين ادرسين بالكليه
وقبل لا تاخذين اي قرار استخيري والله يوفقج ​

 

[miss_buz126]

ثانكس وايد علي المشاركه
والله انا لي الحين محتاره انشالله راح استخير بس خل يفتحون التخصص وانشالله الله يكتب الي فيه الخير يارب
بالنسبه للانجليزي انا امشي حالي و قويه بس بدش انشالله هالكورس دوره عشان اقوي نفسي شوي وانشالله علي الكورس الثاني راح اقدم علي تربيه اساسيه

حبيبتي أنا تخصص حاسوب اول شئ هالكورس مسكرين القبول والله أعلم إذا بينفتح الكورس الياي او لأ
إذا بتختارين تخصص حاسوب حطي بالج
1- انج تحبين تشتغلين بالكمبيوتر لان أغلب موادنا عملي ويطلبون منج بروجيكتات
2- انج تكونين شاطره بالانجليزي لان كل موادالتخصص بالانجليزي العملي والنظري
3- سهل تنجحين لكن اذا تبين تبين التفوق لازم تجابلين عدل
4- تكونين شاطره بالرياضيات لان عندنا مواد تخصص من قسم الرياضيات
5- أغلب دكاترتنا حبوبين صج متشددين شوي بس يراعون الطلبه وحتى بنات القسم زينين واغلبنا نعرف بعض لانه قسمنا يديد ومافيه بنات وايد
6- أغلب موادنا تأخير ولاب
وأخر شئ بقولج اياه مستقبل تخصص حاسوب حلو وممتع حق اللي يحب يشتغل بالكمبيوتر واذا تفوقتي تقدرين تاخذين بعثه وتكملين بعلوم الكمبيوتر وتين ادرسين بالكليه
وقبل لا تاخذين اي قرار استخيري والله يوفقج ​

حبيتي مشكوره وايد
انا الحين صارلي 3 سنين اشتغل بمجال الكمبيوتر وعندي دبلوم حاسب ومتعوده علي بروجكتات وكانت دراستنا بلانقلش كلها واحب هالمجال
بس بالرياضيات وذاك الزود حيل
يالله الله كريم
انشالله الله يكتب الي فيه الخير يارب
صج اتني اي كورس الحين
وشنو المواد الي تاخذونها بالضبط
مثل جم ماده برمجه
وشنو المساند حق التخصص
وثانكس وايد