بليز ساعدوني

[english muffin]

بنات ابيكم تساعدوني بحليب ولدي
اهو عمره 19 يوم واعطيه حليب 60 مل والقوطي مكتوب عليه شهر اول 120 مل
دكتورته قالت اذا تحسينه مايشبع شوي شوي سوي له 90 مل وجوفي
سويت له 90 مل مايشربه كامل ولين اعطيه 60 مل ساعة ساعتين ويقوم من النوم .. عادي ارد اعطيه حليب؟ احس وايد كل ساعة ونص

 

[english muffin]

اي بعد شي
من امس الاحظ لسانه علبه حليب واهو يشرب ماي بعد بس لحين وصخ لسانه
شلون انظفه

 

[قمر مابين البشر]

حبيبتي لسانه عادي هذي فطريات من الحليب اذا لسانه لونه زي الابيض وانشالله يخف اذا كبر وبدا ياكل ولا تدخلين شي بفمه يروح لحاله مع الوقت
وبالنسبه للحليب سوي له ٩٠ حتى لو ماشربه كله
يزيد ولا ينقص
وساعه ونص واجد
حده الحليب ساعه بس وبعدها تسوين له جديد
عشان ماتتسببين له بإمساك او مغص اصلا لاحظي الحليب بعد ساعه شمي ريحته تصير كريهه


بالتوفيق اختي

 

[english muffin]

مشكوووورة حبيبتي

بس الحليب موقصدي اخليه يتم ساعة نوو قصدي ولدي كل ساعه ونص يبي حليب

 

[Espinoza]

البيبي بهالعمر كل ساعتين يشرب حليب .. هذا الطبيعي مو وايد

واذا ولدج يشرب كل ساعة و نص يمكن ما يشبع عدل او يمكن هذا حده عادي ..

و بالنسبة اذا كان لسانه ابيض خفيف ,, لفي شاشة على صبعج و بالماي و حاولي تنظفين لسانه .. واذا حسيتيها كانها نفر فهذي فطريات و الاحسن تشترين جل حقه من الصيدلية

 

[ليمونة وزيتونه]

انا اختي قالت لي لاتمشين ع علب شنو مكتوب شربيه متي ماجاع فعلا

 

[english muffin]

صج يعني عادي اشربه حليب مثلا كل ساعه ونص ساعتين؟

 

[fofo90]

اي عدل كلامهم شربيه متى ماحسيتي انه
يووعان لان هالشي طبيعي بالعمر هذا يبي حليب

 

[قمر مابين البشر]

اي حبيبتي انا بنتي كانت مثل ولدك تنام وهي مو شبعانه وبعد ساعه تجلس تصيح

عادي حبيبتي