بليز مساعدتكم تاخرت بالزواج

[كويتيه مذهله 87]

حسستيني اي واحد بيي بتاخذينه وحسستيني انج كبييره بالاربعينات

كل شي نصيب حبوووبه

 

[يوآش يوآش]

ياربي شفيهم البنات كل شي قسمه ونصيب

الحمدلله ع الصحه والعافيه !!!

 

[*الشيـــهـانـة*]

عسى ياارب ماتطوف هالسنة الا وانتي ببيت زوجج اللهم امين
كثري من الاستغفار والصدقة بنية الزواج وان شاء الله بيجيج نصيبج

 

[نبض السعاده]

Think very Khati
I told the age of 29 and beautiful and wealth and was not associated with

the most beautiful moments of my lifel
I consider myself a small
Will not live to once, why deprive myself of life thinking improper

My living your life
And Ante small

 

[miss.glamo0or]

بي بي بي

ليش جذي حبوبه ترى حياة العزوبيه حلوه والله

انا تقريبا كل رفيجاتي معرسات واللي كبري من اهلي بعد عرسوا بس ماصحت ولا سويت مناحه

بالعكس كل مااسمع رفيجتي تتحندى بسبه الزواج احمد ربي اني للحين ماعرست ابي استانس بشبابي:>

وبعدين شلج باللويه الا ريلج زعلان والا انتي زعلانه والا لمي كشتج لين بغيتي ترقدين لان سي السيد مايحب الكشه المفلوله ولا لين رقد لازم ترقدين ولين قام لازم اتقومين

ليش كل هالعذاب

استانسي بعيشتج لين ما ربي يكتب لج نصيبج

تراج لين عرستي بتتحسفين على هالاياااااااااااااااااااااااااااام

 

[ملآمح يوسفيه]

توج صغيره ياقلبي

الله يرزقج يارب

​

 

[shmoo5 2ntha]

عبالي عمرج فوق ال30 !!

تو الناس حبوبه توج صغيره

وكل شي نصيب

إقري سورة البقره قد ماتقدرين ولو تقرينها كل يوم أحسن بعد

دشي القسم الإسلامي أكو حمله حق الزواج وكل شي عن الأذكار فيها

وأكو مواضيع عن فضل سورة البقره وايد بنات تزوجوا منها

وقيام الليل والدعاء فيه,,

والله يوفقج حبوبه ويسعدج يااااااااارب

ويرزقج بزوج صالح يسعدج ياااااااااااااااااااااااااارب

 

[ترانيم القصيم]

يووووهـ لبّى قلبتس

والله لمّا قريت العنوان قلت هذي شكله بالأربعيـن أثرتس 23 بس

صغيرة يا عمري من آللي قايلن لتس إنّتس متأخرهـ

يا عمري نصيب ,, لا تشيلينه بخاطرتس ^_^

 

[omy nour 3any]

حبيبتي توج صغيره .....
بقولج سالفه وحده تصيرلي...
هالبنت اعرفها اصل وفصل وجمال ودين اخلاق ومنصب ما شاء الله عليها....
مابقى احد ماخطبها بس مايصير نصيب ....
وصار عمرها 37 سنه بالنسبه لوحده بعمرها بتكون فرصت الزواج قلت....
بس اهي ما كانت نظرتها سلبه وفيها ياس على الرغم ان كل الي حوليها تزوجو واهما اقل منها بكل شي بالجمال والدلال والمنصب....
كانت على طول متفائله وكنت استغرب ...
حتى لما نجيب سالفه الزواج كانت تاخذهاعلى ضحك....
بس بعدين عرفت شنو سر تفائلها....
كانت متعلقه برحمه رب العالمين....
ومداومه على قراءه سوره البقره والاستغفار والدعاء....
والحين ما شاء الله الرحمن تزوجت ومستانسه مع زوجها
الله يتمم عليها....

 

[zain-alq8]

عادي حبيبتي توج صغييره مافات علييج القطار علا قولتهم ..انا تزوجت 25 ..بس اذا تبيين تتزوجيين علييج بسوره البقره يوميا والصدقات بنيه الزواج وعسا ربي يرزق جمييع البنات بالازواج الصالحه

 

[دلع العتبان]

اووووووووووووولا 23

وتبين تاخذين ريل توج ياقلبي صغيرة والله عبالي كبيرة على الكلام

تو الناس ياحياتي عادي احلى حياتج الحين عيشيها موفقة

 

[أحبه موت]

بسم الله عليج توج صغيره ليش تقولين هالكلام
عادي يعني واذا ماتزوجتي خير ياطير ليش كل همكم الزواج وبس في شغلات اهم من الزواج والريل
ترى مو كل المتزوجين سعدين بزواجهم ولا عبالج ان الزواج احلام وردية ووناااااسه مثل الي نشوفه بالافلام
عيشي حياتج واستانسي واذا ربج كاتب لج لانصيب بييبه لي عندج فا ليش المحاتاة

 

[الكويتية -]

تسلمون وانشالله الله يرزق الكل

 

[خالده الفارس]

طاع هذي ... يبه أنا بعد كم يوم بكمل 30 ولي الحين ....
هذي أرزاق ... بس عليج بقراءة سورة الفتح وسورة البقرة... عشان الله يسهل ....

 

[" أضـــــوى "]

لااااااااااا ليييييييييش هالكلام

شهالنظره السلبيه لنفسج ؟؟؟

لهدرجه ماعندج تقدير وحب لذاتج ؟؟

ماعتقد الزواج امر يستحق اني اتعب نفسيتي عشان احصله !!!

انا بعمرج واخرررر اهتماماتي الزوااااااااااااج وكل ماياني واحد مايناسبني ارده وبفرحه واتمناله التوفيق مع غيري ..غير مأسوف عليه

وبالعكس قاعد اشوف نفسي بعمر ابي اثبت نفسي واكون لي مركز ومكانه بين الناس ..بكمل دراستي واثبت نفسي بوظيفتي واشتغل علا نفسي اكثر

وموضوع الزواج مو همي ..لاني اشوف اني مو اي احد يستاهلني ..واني انسانه استحق افضل شي

ودايم اقول لاهلي ..الزواج لمجرد الزواج هذي فكره انا رافضتها ..اذا بتزوج راح اتزوج الانسان اللي اشوف فيه قيمه ورجوله واخلاق وخوف من الله ويكون كامل بنظري ومثل ماابي واتمنى

لازم تعزين نفسج وتحسين بقيمتها وصدقيني هالنظره بتنعكس للناس وبيشوفونج شي كبير والكل بيحيج ويتمناج

لاتصغرين من نفسج ولاتحدين من طموحاتج

بالعكس تدللي وتشرطي وخلي سقف طموحاتج عالي

والرسول ص قال تفاءلو بالخير تجدوه

والله سبحانه يقول انا عند ظن عبدي بي ...

فاذا ظنج بربج انج بتكونين عانس وانج لازم تاخذين اي واحد لمجرد الزواج ..فهذي مصيبه وحياتج بتكون من صنع ايدج ومن سوء ظنج بالله

لكن اذا ظننتي بربج خير وقلتي احمدك يارب علا كل شي واثق انك خاش لي رزق كبير وزوج نادر كريم صالح يحبني ويستاهلني فتاكدي ان الله اكرم وارحم الراحمين وراح يجازيج باحسن من اللي تظنينه

انصحج شغلي وقتج ..وطلعي ودلعي عمرج واهتمي بنفسج وثقافتج

وعيشي حياتج وانتي واثقه ان الله يعلم اللي انتي ماتعلمينه ..وانه راح يرسم لك حياتج باحسن صوره

غمضي عيوووونج عن كل هالوسواس والتفكير

واتركي امرج لله سبحانه ..اهو الله خلقج واهو الكفيل برزقج

وتاكدي ان مصيرج بيد ارحم الراحمين الله سبحانه ..ونامي وانتي قريره العين

لان انتي ممكن تضرين نفسج واهلج ممكن ينسونج بس الله سبحانه مستحيل ينساج او يضرج

توكي على الله وثقي ان كل شي في الدنيا وكل قضاء وكل تاخير ..انما هو خير

وانما هو لحكمه نجهلها نحن ويعلمها هو سبحانه

فليش تهمين عمرج وتحزنين ..وامرج كله بيد الله سبحانه

بدال ماتسعين للزواج ..ادعي ربج انه يرزقج الزوج الصالح الي يسعدج

المساله ماهي مساله عمر وتواريخ ومتى اتزوج ..المساله بالنهايه ..(ان ربي يوفقني بالزوج اللي يسعدني ويعيني علا طاعته )

 

[فزوووولها 2009]

حبيبتي ابي انصحك واجد بنات نصحتهم ورزقهم الله من بينهم خاااااااااالتي اقري البقره شهرين متواصلات بدون انقطاع كل يوم حددي نفس الساعه اللي تقرين فيها بكرا اقريها لان الشيخ يقول اذااستمريتي كل ليله ينفك منك كل اذا من نفس او عين او سحروتتيسر كل امورك بعدشهرين راح تنخطبين باذن الله واذا مانخطبتي استمري لين تتزوجي وربي مجربه مع الاستغفار

 

[بدورة القمورة]

عادي حبيبتي لا تضايقين توج صغييره..

تعالي حملة الزواج و الستر قسم الاسلامي ان شاءاالله ان شاءالله تشوفين الخير

لحد الحين انخطبو 5 و الخير جااي خلي حسن ظنك في الله كبير

 

[جوري 2007]

ادعي ربج بالثلث الاخير واستغفري بنية الزواج وراح تتزوجين بنفس الشهر

علاج مضمون 100%

 

[كيكه توفي]

الله يرزقج بزوج صالح يارب

 

[maysoon]

الله يرزقج ويرزق بنات المسلمين بالزوج الصالح

آمين يارب العالمين