بمناسبة رمضان الكريم

[||الجـــواهـــــر||]

الله يسلمج حبيبتي
تبين اسويلج واطرش لج ويا السايق

تسلمين حبيبتي

حبيبتي ماتقصرين كلج دوق
بغيت اسال جبن قلاص اللي بالجبنيه اي حجم الكبير ولا الصغير ؟
ومشكووووورة

 

[كويتية كشخة]

الحجم العادي مو الصغير

 

[wawaal sweet]

تسلميييييين

يميي احبها

 

[كويتية كشخة]

السلااام
اليوم يبت لكم طريقة الدياي بالكريمة >>>>>>>حق القريش اليوم لوول

الدياي بالكريمة :

المقادير :
ربع كيلو مكرونة ملونة (حلزونية ) مسلوقة
نص علبة مشروم
دياية مسلوقة مفتتة
زبدة
4 ثومات مفرومين
قفشة اوريغانو
ملح
قفشة جاي فلفل احمر بودرة
نص كوب جبن موزاريلا مبشورة
قفشة كبيرة جبن باربيكان
علبتين كريمة مخفوقة
قفشة صلصة طماط
قفشة كجب

الطريقة :
تشوحين الثوم ويا الاعشاب بالزبدة شوي بعدين تحطين المشروم بعدين تحطين الدياي
بعدين تحطين الكجب والصلصة والفلفل و الملح بعدين الكريمة
بعدين تحطين نوعين الجبن
اخر شي حطي المعكرونة وخلطي عدل و خليه على نار هادية لمدة عشر دقايق
وهنا وعافية على قلوبكم

 

[كويتية كشخة]

:eh_s(6):الله يسلمج حبيبتي
اذا تبون طريقة اي شي قولولي احطه لكم
اوكي

 

[كويتية كشخة]

:eh_s(6):الله يسلمج حبيبتي
اذا تبون طريقة اي شي قولولي احطه لكم
اوكي




الفتوتشيني بالربيان >> ymy

المقادير:

معرونة فيتوتشيني مسلوقة ومصفاة

مقادير صلصلة الربيان :
قفشة كبيرة زيت زيتون
بصلة مقطعة شرايح
حبة فلفل احمر مقطع
فص ثوم مدقوق
حبة فلفل احمر حريف بدون بذور ومقطع شرايح صغيرة
نص قفشة كمون صغير

كوبين طماط مقطع ومو مصفا
ربع كوب خل ابيض
قفشة كبيرة معجون طماط
مكعبين مرقة دياي
1 كيلو غرام ربيان مو مطبوخ مقشر ومنظف
4 قفاش كبار كزبرة مقطعة
قفشة كبيرة فلفل اسود

الطريقة:
تحطين زين بالمقلا لما يصير حار و تحطين البصل والفلفل الاحمر والثوم والفلفل الحريف والكمون والكزبرة لمدة 3-4 دقايق لما يذبل البصل
تحطين الطماط وياهم ومعجون الطماط والمكعبين ملوت مرقة الدياي
وتخلينهم على نار متوسطة لمدة 30 دقيقة لمه يصير كثيف بعدين تحطين الربيان وينطبخ لمدة 5 دقايق
تحطين قفشتين كزبرة و الفلفل الاسود اخر شي تحطين الخلطة فوق الفيتوتشيني و تخلطينهم وترشين كزبرة فوق للتزين
وبالعافية عليكم :eh_s(6):

 

[عقد الماس]

هلا اختي

تسلمين على هالمجهود الطيب

طبخة الدجاج بالكريمة

الكريمة المخفوقة تقصدين كريمة الحمراء للخفق والا كريمة حامضة ؟؟

 

[كويتية كشخة]

لا كريمة حامضة

 

[Om-s3od-2009]

نسلم الايادي

 

[ام بنتها]

تسلم أيدج حبوووبه متاابعتج

 

[خاشووقه]

شكلها يشوووووق
يعطيج العافيه

 

[كويتية كشخة]

الله يسلمكم حبايبي

 

[الداعية إلى الله]

أختي كويتية كشخة
الله يعطيج ألف عاااافية
بجد أكلات روووووعة وسهلة التحضير
تسلم ايدج حبوبه

 

[كويتية كشخة]

الله يسلمج حياتي =)

 

[jolie_q8]

شكرا على الاطباق

يعطيج العافية

 

[كويتية كشخة]

الله يعافيج حبوبة

 

[l!ke A roSe]

السلام عليكم

يينا ويبنا لكم طريقة اللقيمات الكيري


اللقيمات الكيري
المقادير:
قشطة
قفشة صغيرة خميرة
رشة ملح
قلاص و نص طحين
12 حبة جبن كيري


الطريقة:
خلطي القشطة ويا الخميرة والملح
بعدين حطي الطحين بالتدريج ليما تصير عجينة متجانسة بعدين غطيها و خليها ترتاح لمدة 10 دقايق
كوري العجينة كرات صغار و حشيها بالكيري بعدين اقليها بزيت حار و غزير ليما تتحمر
وتقدرين تزينينها بشيرة و فستق

و عليكم بألف مليون عافية

مشكوووووووورة والله على الطريقة
يعطيج العافية

 

[كويتية كشخة]

الله يعافيج حبيبتي ما طلبتي شي