بموت من الحره

[FeShinGoOo]

بالعكس حبيبتي طلعي الي بقلبج اهني وصدقيني بتلقين ردود تريحج

ياما حطيت مواضيع وكنت بقمة الانهيار والاعصاب والله البنات ساعدوني وريحوني وخففو همي وحسيت ان مشكلتي بسيطه

يالليت توضحين اكثر حتى لو تكتبين مشكلتج على اجزاء عشان نقدر نريحج شوي

عادي مو لازم يكون عندج اسلوب بالتعبير كتبي على سجيتج وباسلوبج اللي تتكلمين فيه

 

[HeR HiGHNeSs 90]

بعد عمري ليلى قريت ردج كلمه كلمه ماقصرتي وصاجه بكل كلمه

انا ما اعرف اعز نفسي على احد يعني اذا حبيت شخص تعلقت فيه لو اشكرا ادري من داخلي انه مايبيني خلااااص يعني المفروض احس على دمي انا لاء اجذب على نفسي انه يتراوالي واكيد مشغولين وجذي

على سالفة الزواره انا مثل ماقلت اصغر اخواني كلهم متزوجين وقت زوارتنا ايون بيتنا انا ما انزل

لانه لو نزلت انزل شسوي؟ اكلم منو؟ للحين شايفيني اختهم الصغيره اي شي اقوله بيضحكون عليه

اصلن اقولكم شي يضحك؟ ساعات ببدي اقول سالفه شوي شوي استوعب انه محد قاعد يسمعني اتفشل واسكت ليما صرت نفس ما انا الحين ما اتكلم كلش نادرا ما اتكلم

امي لما تشوفني متضايقه اصلن ماتسالني شفيج ولا تكلف على خاطرها واذا تكلمت قتلها متضايقه او شي تقولي كله منج انتي وانتي وانتي وغيري نفسج

انزين ابي اغير نفسي بس شلوووووووووووون؟؟ شسوييي شلون؟؟؟؟ يعني انا قادره وقلت لاء؟


والي تقولي دشي نادي انا داشه نادي بس ماعرف اتعرف على الناس انا مو اجتماعيه كلش واذا تعرفو علي انا ماعرف اسولف الناس تمل ساعات اعذرهم وساعات اكره الكل واحقد عل كل

ايام ماكنت بالكليه كنت اشوف البنات شلون يتعرفون على بعض ويصيرون حييل مايوصل اخر الكورس اله كل وحده عارفه تفاصيل حياة الثانيه اله انا محد يكلمني

ترا انا شكلي مافيه شي يمكن الي تشوفني تنصدم انه عندي كل هل مشاكل

بس المشكله مني انا ماني عارفه شلون اغير نفسي شلون يصير عندي ثقه بنفسي انا امي وابوي الله بالخير تخصص احباط

انا كانت عندي احلام كبيره قبل لا اتخرج من الثنويه تخرجت انصدمت ماني قادره اكمل ولاني قادره اوقف لانه الناس طافوني وسبقوني وانا مكانك راوح

 

[ليلو جبريت]

كل انسان ماعطه الله شي لو يكتشفه تتغير حياته
دوري في نفسج شنو اكثر شي تعرفينه او تحسين انج تقدرين تعطين فيه

وعن انج تقعدين مع شخص مايبيج لانج ماتحبين نفسج تكرهينها بسبب اخطاء في الماضي
فتصالحي معاها عشان تقدرين تستمرين
سامحي نفسج

 

[a7la-elbanat]

حبيبتي الله يقول "ومن أعرض عن ذكري فان له معيشة ضنكا"

صدقيني كل الهموم والمشاكل او ثلاث ارباعها بتكون لان علاقتج مع ربج مو حيل قوية
او انج تهتمين بالدنيا اكثر من الاخره
لاتخلين كل همج الدنيا وعيشي يومج بس ولاتفكرين بالماضي واللي ياي تركيه على رب العالمين
فضفضي ابجي مارسي الرياضه حاولي تطلعين اللي مكبوت بداخلج او طوري علاقاتج وقربي انسانه من قلبج فضفضيلها وتكلمي
حاولي ماتقعدين بروحج عشان ماتخلين للهموم والمشاكل مجال كبير وحيز من تفكيرج وصدقيني محد خالي بهالدنيا ولابد من الحزن ساعات عشان نفهم نفسنا اكثر ونطورها بشكل افضل
الله يوفقج ويحرسج ويرعاج
تحياتي لج

 

[HeR HiGHNeSs 90]

انشالله بحاول اطبق من كلامكم الي قلتوه والله يطلعني من الي انا فيه ياارب

مشكوره وحده وحده من الي ردو والي قرو انكم خصصتو وقت انكم تردون علي فيه
الله يجزيكم خير ويرزقكم من كل مكان ياااااااارب :***


الله يفرج هم كل مهمووم بكل مكان يااارب

 

[Tom ♥ Jerry]

,


طنشششششششششششششششششي و سكبي بالعالم كله !
و عيشي حيآتج (=

 

[مسك حياتي]

الله يفرج همج و ييسر امرج و يشرح صدرج ...

تعوذي من الشيطان و كثري استغفار ...

 

[أسيرة_أحزاني]

ترا انتي احسن من غيرج بوايد اذا انتي كملتي دراسه غيرج ماكملها وضاع مستقبله كله

وشوفي مشاكل غيرج تهون عليج مشكلتج والله كريم الله يفرج همج وهمنا

وتقربي من الي احسن من هالبشر كلهاااا ( سبحانه ) واقري قران واستفيدي من وقتج
وتذكري محد مرتاح

 

[HeR HiGHNeSs 90]

,


طنشششششششششششششششششي و سكبي بالعالم كله !
و عيشي حيآتج (=

حااولت وعشت فتره مرتاااحه بس مشاعري مو بيدي دش شخص حياتي ردني اسوء من قبل

am not gd enogh to anyome

:eh_s(2):

 

[HeR HiGHNeSs 90]

انا ماكملت دراستي انا تركت الكليه وكان باقيلي اقل من سنه عل تخرج لانه مادري شياني ماقدرت اكمل اخر ايام كنت كله ابجي واغيب وايد وسحبت اوراقي قعدت بالبيت

هل حجي الكورس مو الي طاف الي قبله
ناويه اقدم على جامعه الكورس الياي يعني ببدي كلشي من اول ويديد

 

[عربجيه وتهايط]

الله يكون بعونج

 

[M!Ss Smart]

كلن بقلبه شقى الليل ياختي مافي احد مرتاح لازم عنده هم ومشاكل كثري استغفار ولاتقولين كلمه انا مالي حظ ترى لها تاثير كبير قولي الحمدلله على كل حال قولي انا احسن من غيري محد راضي بنفسه الله يفرج همج وهم جميع المسلمين

 

[الندى الجريح]

مافي احد مرتاح كلن يعاني بس نشوف غيرنا اللهم لاحسد

ونشوف حضنا بهالدنيا قليل في كل شي

 

[^DanaH^]

حبيبتي مشكلتج حلهاااااااااااااا بسيط ياقلبي بس اهم شي تركزين باللي اكتبه لج ...

1. لاتقولين انا مالي حظ وانا مومحضوضه ومن هالكلام لانج راح تجيبين الطاقات السلبيه لج .
2. انتي تخلين نفسج الاختيار الثاني للناس ليش تنطرين لما احد يختارج انتي اختاري رفيجاتج وانتي سويلج جو ايجابي تجذبين صديقاتج لج .
3. حطي هالموضوع في بالج الناس دايما توخر وماتحب ترافج الانسان اللي يتحلطم والسلبي تحب تقعد مع الناس اللي مفرفشه وسوالفها حلوه.
4. حاولي تتغيرين لانسانه ايجابيه فرفوووشه كلنا عندنا مشكال بس ليش اخلي هالمشاكل اهي حياتي خليها بزاويه من حياتج .
5. خليت النقطه الاهم آخر شي علشان تثبت ... تقربي اكثر من الله ... صلي واقري قرآن... وكثري الدعاء حبيبتي

وبأذن الله حياتج بتغير ... وانا اقولج هالكلام عن تجربه... خلي مشاكلج وراج حاولي لاتفكرين فيها او صلحيها ....

والله يوفقج ...

 

[أنت رجائي]

الله يفرج هم المسلمين ياااارب
حبيبتي سوالف تكتبين مشاكلك بورقه وتقطينها وتقطعينها ترا كله من الاجانب اللي ماعندهم دين
الحمدلله لاضاق الصدر اقري المصحف والله العظيم بترتاحيين وجربي وقوليلي وصلي ركعتين وناجي ربك
الله هو اعلم بحالنا ‎​‏​‏​‏​‏​‏​‏​​‏​ل̲كل اللي شايلين هم :-
اختباراتهم ، بحوثهم ، تقارير ، دين ، زواج ، مشاكل ۉ ۉ ... الخ .. !

[ قولوا معي ] . . <3 !

‏​‏​‏​‏​​‏​‏​‏​‏​‏​‏​‏​‏​‏​‏​ ( حَسبيَ اللہُ لاَ إلہَ إلا هوَ عليَھِ تَوكلتُ
وهوُ ربُ العَرشِ العَظيمْ )

إنْ قُلتھا ؛
كفَآڳ اللہُ مَا أهمڳ . . <3 !« بإذن الله

 

[MiSs_6a7LooSHA]

انا كل ماشوف لج موضوع ادخله بدون تردد

بس حطي في بالج ترى محد مرتاح بهالدنيا كلنا ذجي صدقيني بترتاحين؟ شوفي هموم غيرج وتهون عليج همومج باذن الله هذي الدنيا

نصيحة: لا اطالعين غيرج بتتعبين

كا انا تمر أيام وأتضايق صراحة ماعندي أحد أكلمه واسولف معاه بس ماشكيت مع إني بموت من القهر بس شقول غير الحمدالله ع كل حال فديتج لا تضايقين وسعي صدرج والله يسهل الحال يارب

استمتعي بكل لحظة بدنيتج لا تخلين الحزن يغلب عليج

لا تخلين الحزن يستوطنج

صدقيني فكري بكلامي

تقدرين تصنعين الوناسة

تقدرين

 

[دلوعة حمني]

الله يعينج حبيبتي ... بس نصايح البنات و خصوصا ليلو وايد حلوة...
كملي دراستج ... و واجهي العالم كله

 

[شذى2007]

الله يفرجها عليج ب حراام شالذنب البنت اللي تردين عليهاااا تضااايقينها >>>خايفه تردين ع موضوع لها

 

[super bo0ory]

الله يفرج عنج وماحد مرتاح في هذا الدنيا ...........................................

 

[نهى الأحمد]

هلا حبيبتي

شلونج

ماشاءالله الخوات ما قصروا وكتبوا لج حلول سهله حييل


اذا على البشر وصدمتج فيهم،،، ياما رح تنصدمين في حياتج وتكتشفين اقنعة كثيره
والدور هني رح يكون عليج انتي انج تعرفين شلون تتصرفين وتغيرين اسلوبج في التعامل مع البشر


كتبي كل المشاكل اللي تعاني منها على شكل نقاط
وطالعي كل نقطة (المشكلة ) وفكري فيها عدل

بامكانج انتي تحلين كل مشاكلج باللجوء طبعاً لرب العالمين


وباذن الله أمورج رح تتيسر