&& بنآات التربية يدشون * ضروري وبههالوقت مهم هالموضوع اذا تحبون كليتكم \ &&

[s a b b o o s h]

&& بنآات التربية يدشون * ضروري وبههالوقت مهم هالموضوع اذا تحبون كليتكم \ &&



مرحبا *

أول شي انا اعتذررر كل العذررر حق صاحبه الموضوع لاني ماقدرت اطلعه بالهيستوري مال المنتدآا كلش مادري وين اختفا ومو متذكرؤه العضوه ولا متذكره اسم الموضوع


بس لأن جد جد جد موضوع قمه وكنت ناسخته بالـ وورد وحافظته عندي مع بعض الردود

لأن جد موضوع عالجررح وكل كلمه فيه صحيحه

ولأن انا وانتو والمستجدات بيدنا التغيير فـ من جذي راح انقلكم هالموضوع

اللي لثاني مره اقول شاكره للعضوه اللي كتبته جد على راآسي

كلآام كبير *



brb

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

السلآم عليـكم و رحمة الله و بركآته ،،


إللي خلآني أكتب هذآ إلموضوع إنه بلغ السيل الزبى ،،


كنآ بإلكآفتيريآ أنآ و أختي نبي نطلب من سكوند كب ،، الكآفيه الجديد اللي مبطلينه بكآفتيريآ كلية التربيه ،،


إلآ جت بنت مع رفيجآتها ،، تكلم اللي يشتغلوون عن الأكل و مبطلته جدآمهم ،، إحنآ وآقفين قآلت لآختي شمي الأكل ريحته خآيسه

عآد اختي شمت و مشينآ ،، عوووع مانبي منهم ،،


المهم طلعنآ من الكفتيريا و بعدين بعد نص ساعه تقريبآ لقينآ البنت قآعده بقآعه و إحنآ دشينآ قعدنأ بالقآعه ،،

تجمع توآقيع @@


توآقيع ليش ؟؟


عشآن يسكرون الكآفيه ،، لآن المسؤول قال نسكره إذآ جبتوآ عدد كبير من التوآقيع @@


يه !!

ألحين المطعم المعفن ما يتسكر الا بتواقيع مو جنه المسؤول جاي و شام الأكل و مكلم العمال !!


شهالتسيب !!


منو حط هالكآفيه !!


لي متى كليتنا زريييبه زباااله ،، شنو احنا حيوانات ناكل اي شي!!

شوفو إلصورة ،،

[/URL][/IMG]


حتى المطاعم الموجوده وصخه منهم نيثنز !!


والله والله والله لقيت اظفر بالأكل ثاني سنه لي بالكليه !


بس ما اشتكيت عليهم خفت أقطع رزقهم !!


و الكلية خرآبه يا التربوويه !!


وينكم عن الكليه


مطاعم زباااله و مباني خراابه ،، شنو مو عادينآ بشر !!


و إلا إحنآ مو كفوو !!


و إلآ تزيين الكليآت حق نآس و نآس ،، الشويخ و الخآلدية أبرك مليوون مره من كيفآن ،،


تبووني ادش بأسباب ثآنيه !!


تبوني اتكلم و إلآ تصرفوون من عندكم !!


و هالخراابه علبوو بتسوون مظلات لـ متى .؟؟؟

من الصيفي و هالخرآبه !!


لو ناطحة سحآب إخلصت !!



شوفو الصور و إحكموو ،،

[/URL][/IMG]

^^^
زبآله و ريحة بإلممرآت الضييقه !!










و ألحين إلكرآسي الجديده خآشينهم تحت الدرج @@ قلتلكم مو عادينا بشر !!





مصلى التربيه ياا تربوويه يا مسلمييين !!

وين نصلي إحنآ !!


مصلى الشريعه محكر !!


صرناا بجآمعه و بكلية بـ بلد مثل الكويت مافيها مصلى و الغريب إنه القائمة اللي ماسكه الكليه إسلآميه !!


والله الإسلام برريييء منكم ،، تسكرون مساجد الله عشان تبنون اصنصير !!


والله هذا وجهي ان شفتو الصوت بعد ،، هذي ثالث سنه لي و اعطيكم الصوت ،، شنو صرت أحس إني إمعه !!



لكن إن ما تسنعتوو والله لتصير حمله ضدكم و اصوات المستجدين اللي معتمدين عليها تنسوونها !!



خنكمل باقي الصور !! شوفو المصلى !!








،،،،

المبنى الجديد اللي استانسنا فيه << عزاااه


طلع مو لنا يا حسره ندوات لمحاضرات برا معرفيش << كلام الدكاتره !!


مو قلتلكم عادينا و لا شي ! :sfg:




شوفو بعد الصور اتكلم عن نفسها ،،



الصوره مقلووبه بس معليش








زين تكفوون بعلق على هالصورتين اللي بحطهم ألحين ،،


الأولى نافوره كل سنه يجددون التاريخ عليها من دخلت الكليه خخخخخخخخ

و هالسنه ما جددو الظاهر حسو على دمهم مادري !

و الثانيه اخر لوحه لاسماء المتفوقين بالكليه قبل سنتين مادري 3 حاطينها يعني المتفوقين الجدد اغسلو ايدكم

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

و لو بتكلم عن فضايح هالقائمه ما اخلص !


مع العلم اني اصوت لهم و اقض النظر عن سفاسف الامور


لكن كل شي الا مساجد الله يآ مسلمين !! يا ترربويه !! يا القائمة الاسلاميه !!

كلناا مسلمين و كل القوائم اللي ضدكم مسلمين ،،


بس الظاهر السنه الجايه إحنا و مستجديناا و الحمله كلها نسوي تحالف مع المستقله ،،


اذا انتو ما قدرتو توصلون صوتنا و لا قدرتو تسوون شي ،، نجرب غيركم


حسبي الله و نعم الوكيل << مادري ليش تذكرت زوارة خميس لما ولد عمهم يقوولهم (( حرامية صغار ))


أبي رد أبي جواب أبي احد يقنعني شسالفه !!


ليش كليات كيفان ملعوون خيرها !!

تبوني اقول الاسباب اللي ابالي و الا تسنعون الكليه !!


انا اقوول سنعووها لان اذا قلت شي مو زين ع الكل !!


و اتمنى نقل هالموضوع لأكبر عدد من المنتدياات الكويتيه ،، خصوصا المنتديات اللي توصل للمسؤولين و ذوي القلوب الرحيمه هع ،، هذي صرخه من طلبة كيفان على الوضع اللي مادري شقول ، كل واحد يقول اللي يبي الله يعين


ربي و ربكم الله ،، سلآم

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

ليش ماعندنا استراحة كبيرة تكفي البنات ؟
ليش ماعندنا قاعات سنعة ؟
ليش ما عندنا كفتيريا تفتح النفس ؟
ليييييييييييييش ما عندنا أحد يسمعنا ؟؟؟؟؟؟؟؟؟؟؟؟؟:bbbiu:



بنات مانبي التربوية خلاااااااااااااص النفس طاااااابت

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&


تسقط التربوييييه لانهم مو عادينا بشر و ناس متحضرين


عندهم فتره شهر من هالموضوع ما سوو شي يذكر ،، راح اشتغل ع الحمله مع المستجدين السنه الجايه و خل ينسوون الفووز بأصوات المستجدين


تبون الجمعيه ،، اخذوها بذراعكم


**

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

بسكم تطبيل و لعب بعقول الناس

ذبحتونا بالباي فورس شدعوا عاد حصلناا موااد !!

التربويه عاجزه عن توصيل صوت الطالب !!


يعني مالنا حاجه فيها اذا كانت التربويه مو قادره تسوي شي


خلاص نجرب غيرهم يمكن غيرهم لهم راي و كلمه مسموعه


و احنا مو إمعات تقصون علينا بالكلام




ماكو غير افصل عبايات لان عباياتي تشقق من الحديد و الحصى ع الارض

بسكم تطبيل ترا انا كل سنه اصوت لهم بس خلاص بس يا بحر **

اتلاها نبي مكان نصلي فيه بكلية التربيه ماكو **


إتقوو الله يا إسلاميين شوهتوو صورة الصوت الاسلامي

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

بالفعل


حال ( كلية التربية ) يرثى له

من سيء لي اسوأ

واللي يحر ان البنات مو راضين يستوعبون

انتخابات هالسنة اثبتت هالشي

صندوق الشباب تعادل > صندوق البنات فرق 500 صووووت

يابنات اصحوووو

والله كليتنا تفشل

عن نفسي بس احضر محاضراتي واطلع منها

لا ادش الكفتيريا ولا الاستراحة ولا اصلي فيها

الله يخلي مصلى الاداب



من ناحية ان التربوية تتحرك ماظن هالشي بيصير

لان هم بالاساس معتمدين ع اصوات ( المستجدات )

فـ ماهميناهم احنا يالـ ( مستمرات )






الله يصبرنا

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

انا معااج بكل كلمه قلتيها

انا من دخلت ماشفت اي انجاز لهالقائمة بس معتمدين ع المستجدين والمعارف
داومت سنة كالمه ماشفت شي لما اطالع الاداب اشوف صج فعاليات وحركات
وحتى قائمة الشريعه صج تقدم خدمات مع انها تفوز بالتزكيه يعني ماتحتاج تشتغل
انا بالتربيه ولاعمري قعدت فيها يا بمصلى الشريعه او استراحتهم
حتى يوم فازوا ماسووا لنا شي بس شاطرين بالنوت والورد الي يوزعونه بوربع دينار

المفرووض نشوف القوائم الثانيه شتقدم ونعطيهم فرصه مانبي القائمه تفوز دايما هذا مايخلي في تنافس بين القوائم
يعني الي بالتربيه عارفين انهم راح يفوزون فمايقدمون لنا اي خدمه وان جينا مقرهم الباب مسكر

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&


لكن لما يتكررر الشي و يتكرر لي سالفة وصاخة الكافتيريا !!


اوقف << هني مافيها قطع ارزاق خلاص سوينا اللي علينا و تحملنا !!


الحمدلله ربي اني امهلت و تركدت و بعدين تكلمت


و هذا ان دل يدل على اني مو متسرعه و لا لعينه و لا اتصيد !!


انا ما طلعت فضايح و سوالف قبل الانتخابات !!


لان انا ما اهدف لانتخابات


انا اهدف لـ صلاح الكليه بغض النظر عن منوو المصلح !!


عمومااا موقفي و كلامي هذا كله حسن نيه ووو حاضرين للطيبين

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

بنات شوفو هالرررد يحرّ والله




^

الله يعينكم صـراحه ..

انا من كلية العلوم الإداريه ،

وخذيت مره ماده عندكم بالتربيه ..

وشفت هاللوحه مالت المتفوقين ، وحدي مت ضحححححك :/

من صجهم ..؟!

من 2007 و 2008 !!!!!!

،

وهالكافيه هذا مو شي ،

اشوه احنا عندنا ستاربكس

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

هــذي التــربيــة صــل عــآلــنبي ...
الــي قــلـتيه عشــره على عشــره .. بــلغ الــسيل الزبــآ .. انا كــل ما امـشي اتــحلــطم ..

الوضـع لايــطآق .. والمــكآن على قـوله المصــريـن > زريـــبه

والله ثآنــويتنآ قــبل احــلى ... الكــلآم مو عــآـى التــربــيه بــس .. على كــيفآن كـكــل
المــبآنــي من ســنه جــد جــد جــد جـدي الأكــــبر يـعني السآس مــنهري
يعنــي بالـآـه الآدآب مبـنى ثآنـويه بـنين سآبـقآ >> no commnet

وحنآ مصــآــى بــس مصـلى ما نــبي شـي زود ..محــدن ســمع لـنآ قآعديــن بـكيربــي . شنـو استراحــه عمآل هــي ,, ولا اذا وحده مشــت اهتــز بـمكآني
وريـحه الســجاد حدث ولا حرج .. خموجــه .. منــكت علــيه شــي ومــقطن
والدكآتــره يـوم ما جازلـهم الوضـع اشتكــو وتـم تـنفيـذ مطآلــبهم .. يعني حنــآ صـفر ع الشــمآل .. على قــولــتهم الـحي يـحيك { والــمــيت يزيــدك غبــن } ...
هذآ غيــــــــــــــــــــــر القآئــمه .. >> ... مآ بــي اتــكلــم لانهــن حآرآتــني بآردآت
يــوم ســوون فعآلــيه سـوون يـوم الحلآو .. وربـطو مينــي توكــس ومينــي سنــيكر بشريــط وعلــقوهم بالــسمآ .. يعني الي تبــي تآخذ تــقوم تنآقــز عشآن تآكلـها وحده >> ههههه تــخيــلي الشكل عآد .. وفيـها منــه بــعد
ولا يــومـــــــن يـجيــبن نطآطــيه > يــآآآآآآآآآآآآآآقــر جيــبــي قرآآه .... مره هذآ طولــج .. تنآقـزين وصـوت حســج على العآلــي ... وخمــه الادآب كلــهم تجمــعو دآر مدآرهــآ
ولا ملــزقين شـكل رجول على الارض >> روضــه والله روضـــه

الكــفتــيريــآ >> ان شآء الـآـه السـنه الجآيــه انا والبـنآت بـنقعد بآحضآن بــعض

مآ اقــول الآ .............. يالـحي يآلــيحي يآلــيحــي يآلــيحآنــي


>> رد يبرد الجججبددددْ
​

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

نصبر و للصبر فـ النهايه حد


وين بنات التربويه بس جاهزات بالانتخابات يطروون الاصوات و بكل مكان تلقينهم حتى ببيتنا القااهم @@ << لا اضحك بس من كثر ماشوفهم

الحين بالمنتدى ماشوف لهم حس !!

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&


ياكثر ماتكلمت بس من يسمع ونزلت موضوع قالوا انتي من بنات المستقله وربي اني مالي علاقه باحد من المستقله لا من قريب ولا بعيد والله العظيم
بس خنجربهم لي متى والتربويه ماسكه الكليه ولا شفنا منهم شي
واسااسا اغلب بنات التربويه ماشوفهم بكيفان محاضراتهم ويطلعون او تخصصاتهم علميه بالعلوم
لكن صج الواحد شيقول غير ربج كرريم واتمنى اشوف التغير قبل لااتخرج من هالمكان والله اتمنى اشوف المستقله ماسكه الجامعه ونعطيهم فرصه نجربهم على الاقل بس لا حياه لمن تنادي :0(



<< رد منطقي

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&




ااااااه يا قلبي





<<<<

بيه انتي تنفخين بجربه مقضوضه

انا من كنت مستجده سنه 2006 استانست دقوا علي وهلووا ورحبوا فيني ..

تالي داومت بالكليه والله محد درى عني .. والحمدلله من كنت باولى الى اخر سنه لي الي هي العام ماصوت لهم ..

وجربتهم وايد قلت لهم نبي ماده واحنا خريجات بالتربيه يوم دروا انها بالعلوم كل وحده طلعت عذر وحقرتنا ماقامت ترد على تلفوناتنا

تالي انا ورفيجاتي رحنا مباشره لشويخ وكلمنا عميد الجامعه وراكضنا عليها .. وين القائمه الي تدعي خدماتها ؟؟

سبحان الله انا كان عندي احساس ان الانتخابات لعبه الشاطر فيها الي يفوز .. وصدق ظني

الكلام حلو والترحيب حلو بس فعل ماكوو حتى الاستراحه شكلها اييب الويعه !! ماشافوا استراحات باجي الكليات

والمصلى كليه اشكبرها مافيها مصلى !!

بالخالديه كل زاويه بكل مبنى فيها مصلى لو بتحسبين عدي وخربطي وين ودج بس تصلين روحي

عموما كل الي اقدر اقوله ان هذي مسؤوليه وامانه هم محاسبين عليها يفترض يبروون ذمتهم بدل هالتحايل واللعب بعقول المستجدين !!​

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&




هاذا الرد لو عندي العضوه اللي كتبته جااان قمت وبستهاا والله



<<<

أخوآتي في منتدى كويتيات .. ~
بعيداً عن حبي للقائمه المستقله سأكلمكم بشفافيـه ..

ما تلآحظون أن أغلب المستمرات يقلبون على جميـع فروع الإئتلافيه مَـع ذلك تفوز بأغلب الكليات ؟ ليش ؟
لسهوله وصولهم للطلبه والطالبات المستجديـن كون الإتحاد اللي المفروض يكون محايد يعطيهم الأرقام
أما بنات باجي القوائم فـ لازم أهمه يطلعون أرقام المستجدين و المستجدات ..
فـ الكفه الرابحه للإئتلافيه وفروعها هي المستجديـن وأرى كثيـر من المستمريـن يقلبون عليهم

لأن فعلاً الإداره الجامعيه ما راح تصحى بروحها وإذا ما في جمعيه تصحيها ترى عمرها ما بتصحى
إذا الجمعيه نايمه والإداره نايمَـه فـ الله يعين الطلبه والطالبات .. =)

أستغرب قول أخواني وأخواتي في القائمه التربويه أنها المعقل ويفتخرون بـ 30 سنه ولكِنهم إلى الآن لم يستطيعوا حل نصف المشآكل

أختي الكريمَـه هناك الكثير والكثير وأخاف أقول أحد يحمق علي لووول

بس ترى المبنى اليديد لمن طلبنا منهم الشي اللي يثبت أن أهوه انجازهم ما يابوه ترى حاله حال السستم اللي نسبوه حق نفسهم وأهوه أصلاً تحرك عماده القبول والتسجيل ..

الله يعينآ بس ..

فِعلاً : حان الوعد التغيير عهد !!

32 سنه كانت كافيه لأي قائمه أن تسوي البلاوي وتعدل الجامعه ككل لكن نرى إتحادنا وفروعه يهد مشاكلنا كلها ويركز على 250 بدل لاب توب وخصم 60% للحين ما تطبق .. ~ ​

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

والله انج صاجه بكل كلمه قلتيها ووانا وقفت اصوت لهم شنو هالخيسه اللي عايشين فيها

انا كنت بكليه العلوم ويازينها من علوم وحولت تربيه حششششر الناس فوق بعض ليش ياربي شصاير ! عاجزين تبطلون لنا شعب ثانيه وتوزعون البنات عشان القاعات تكفيهم !!!
والباي فورس سنتين ورا بعض الارقام الاولى كلها لهم لربعهم ولحبايبهم واحنا بالطقاق ولم نجي س 7 نبي رقم الا واصل 100شالسالفه متى يجون هذيلا س 4 الفجر !!

هذا بصووب وكله بصووب


العام مسوين رحله لمعرض الكتاب ورحت مع رفيجاتي والله يابنات والله اني استئذنت من دكتورتي عشان اطلع وطلعت وليتني كملت محاضره ابرك قعدنا يمكن ساعتين نننطر باص !!!! ويوم وصلنا لمعرض الكتاب ساعه 1.30 مايمدينا دخلنا بنشوف الكتب ولا الحارس يقول ليش جاييين ~> فشلللللللللللللللللللله

سكرو اللييتات يعني افهموها واطلعو وطلعنا لا قرينا كتب ولا شرينا شي من اللي نبيه وصارت الروحه ع ماكدونالدز فيهم شفاحه اكل !!



واخذي بعد قبل جم يوم دكتورتنا قالت بنات تدرون ان في مكتب للدكتور طاح عليه السقف !!!!

قالت المبنى هايل للسقووط

مادري الصراحه متى بيستوعبون ان المبنى خلاص بح ...!

فيني حررره منهم

والكفتيريا ناس فوق ناس انا ابي افهم شي واحد بس ليش كليتين " الشريعه والتربيه " بكفيتيريا وحده ماكو فلوس ! ولا عاجزين تتفقون مع مقاول يبني كفتيريا جديدة

الله يخلي كفتيريا الاداب ع الاقل احسسسن بمليووون مره من التربيه وفيها صب واي اكلهم صحي شوي

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

والله موضوع جا ع الجرح

صرآآحه قبل كم يوم كناآآ ناوين انا ورفيجاتي نروح لمسؤوله التغذيه ونقول لهاآآ

عن بلاوي الكافتريآآ تخيلوا يا بنات انهم يقلون الباذنجان مال المشكل من الساعه ست ونص << طبعآآ انا اجي مع الباص

خخ الموهيم على صنيتن وحدة يخلونها للريوق ووحدة يخشونها داخل الدرج للساعه 11 >> يعني تقعد داخل الدرج باردة وتعفن 5 ساعات والله يعين اللي بتتريق 11 والا السلطة مرات تلقون فيها حصاه صغار واما الهنديه الا تبيع فنفسيتها خايسه

ما تسوي للتجي اول لا ع اللي داخله مزاجها يعني لو جيت اول شي ما عندها مانعه تسوي للاربعه اللي جوا بعدج مرة زفيتها

قالت انا كيفي تبين انطري ما تبين روحي >> جنا نطر منها وكل نفسيتها ع الاخر , والا نيثنس ريحة الا تشيكن كله زفر

اللهم لك الحمد يبيلهم مراقبه .. في اشياء كثيرة بس احس بتصير تقرير
​

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

بس عااااااد

يعني لي متى ؟!


يا اختي حتى الحمامات , محكر , و الله لو جاهل ما يكفيه تفتحين الباب تطيحين في البالوعه ..~

لاعت جبدي , مافيه مكان , يعني لازم اروح حمامات الشريعه و لا لازم تكون حزه محاضراتهم و لا اصعد 3 ادوار

لي حمامات الآداب

الله يقرفهم ,,,

اي و على النفسيه اللي بالعمار و الله علي يوم لأتهاوش معاها
صدقوني اذا فصلت فصلت , خلاص ما اشوف جدامي

مو هوشه عاديه , قسم لا اخليها طق ..

و لا الفلبينه اللي بس تراكض دابله جبدي ..

و لااا فلبينيات نيثنس ما ادري شسمه , تمسك الصينيه العجيبه و تحطها في الزباله على اساس يصير فيه فراغ بالزباله

و ما اتوقع الصواني تنغسل او حتى تنمسح , شنو يعني احنا مو بشر !!!! :cxxxp:

و لا عادينا بهايم ..

و لا على المشرفه مغير تكلم المصري و ما ادري شتقوله .. ما اتوقع انها مصلحه بشي

لو مصلحه ما كان خلت هالواصخه تستمر !!!! :cxxxp:

و على الممرات , كم مره انا اتعرجب يعني بس يا بحر امشي و اطالع الارض اشوف فيه حفره و لا لا !! :jumpon:

حديد على الارض , تراب , وصاخه ..~

وينكم يا تربويه , قبل الانتخابات تفترون صوتي و صوتي

حتى تلفوني ما خليتوه يرتاح من تلفوناتكم ؟؟

الحين ودي بخطاري اشوف وحده من التربويه !!!


القاعات الكراسي فوق بعضها , ابعقد لازم اسوي ميه حركه و شقلبه امامي و خلفيه يرحم امكم شنو هذااا !!!!

وصلنا لي طاولة الدكتور من كثر الحكره , حتى الدكتور بيشرح و يتفاعل مع الشرح مو قااادر !!!

غرفه سبعه بسبعه !!!
هذي اسمها قااعه !!

و الطالبات فوق ستين طالبه !!

و اللي تقعد ورا عليها العوض ما تشوف شي !!!!

و لا المبنى الجديد !!!
طلع مو لناا !!

و لا الكراسي اللي قبال النافوره العجيه !!
حاطين مرتبه و حديدتين و تقولون كرسي !!

يعني شنو نسوي !! عشان نرتااااح !!

الله يقرفكم بس !!

و حسبي الله و نعم الوكيل ..~ :0bee2e8d89:

 

[لجلك سهى فكري]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

نعم للتغييييير , ماصوت حق اي قاائمه من دخلت الجامعه من 4 سنين ما صوووووووت وربي ولا حق اي قاائمه ولاني متحيزه حق اي قاائمه ولا لي اصلا في سوالف القوائم والانتخابات


بس انا مع التغييير مع التغييييير مع التغييييييييييير

اصحووو يا المستجدات , وفيه بنات بعد تقولج والله فيه كم وحده من بنات القائمه سوت معاي معرووف ومفتشله منها ما اصوت حقهم > اقوول بس مالت صج مناافقات ومصلحجيات لانها سوت معاي بصوت !!


ما قريت الموضوع لاني اعرفه وقاريته العاام وعرفته من الصوور

وانا ما احب الكليه


بس مع التغييير انا


يعطيج العاافيه سبشل


ووااااااااب ااااااب للتغيير

 

[s a b b o o s h]

رد: && بنآات التربية يدشون * ضروري وبههالوقت مهم هالموضوع اذا تحبون كليتكم \ &&

كنت اشهد لـ التربويه بـ اسلوبهم المرتب و المنظم

كنت اعتب ع القوائم الثانيه لانهم يفتقرون لما تمتلكه التربويه من اسلوب و حسن تعامل و سعة صدر

لكن شكلهاا كلها مثل بعض في الزين في الشين


الله يعين تسااوت الروس

و الصدور ما عآدت شمآليه ​